ஈகரை என்பதன் அர்த்தம் என்ன

கலைவேந்தன் wrote:அக்கரையில் இக்கரையில் எக்கரையில் இருப்போரையும் ஈகரை( eager) உருவாக்கி தன் பக்கம் கவர்ந்திழுக்கும் ஈகரை, ஈகையின் மறுபெயர். அன்பின் அடுத்த பரிமாணம்.அக்கறையின் மறுவுருவம்.

இந்த பதிவைத் துவங்கியவர் நன்றி கூறியுள்ளார் உமா

சிவா wrote:இந்தத் தளம் இந்த அளவுக்கு மக்கள் மத்தியில் சென்றடையும் என நினைத்திருந்தால் நிச்சயம் ஏதாவது நல்ல பெயரை வைத்திருந்திருப்பேன். Geocities-மூடப்படும் நேரத்தில் அதிலுள்ள எனது பதிவுகளுக்கு வேறொரு தளம் தேடினேன். பலதரப்பட்ட தகவல்களை எளிதாகச் சேமிக்க இதுபோன்ற தளம்தான் சிறந்தது என்று துவங்கினேன்.

அப்பொழுது தலைப்புக்கு என்ன அவசியம் வந்தது என்ற நினைவில் ஈகரை என்று என் கிராமத்தின் பெயரையே வைத்துவிட்டேன். அப்பொழுது நான் உருவாக்கிய பேனர் கூட இப்படித்தான் எளிமையாக இருந்தது.


ஆனால் நானே எதிர்பாராத விதமாக தளம் ஆரம்பித்த மறுநாளே 7 உறுப்பினர்கள் இணைந்துவிட்டனர். அதற்கு அடுத்த நாள் 4 பேர், 8பேர், 13 பேர் என ஒவொரு நாளும் உறுப்பினரகளாக இணைந்தவர்களின் எண்ணிக்கையும், தினசரி வந்து செல்வோரின் எண்ணிக்கையும் ஜெட் வேகத்தில் எகிற ஆரம்பித்துவிட்டது.

இந்த நேரத்தில் தலைப்பைப் பற்றிய எண்ணத்தைவிட, பதிவுகளின் தரத்தைப் பற்றிய எண்ணமே என்னுள் இருந்தது. நாளடைவில் ஈகரை என்ற பெயர் எந்த வித அர்த்தமும் இல்லாமலேயே, இணையப் பயன்பாட்டாளர்களால் ஏற்றுக் கொள்ளப்பட்டுவிட்டது.

இதுதான் ஈகரை என்ற பெயர் வந்த கதை.

இந்த பதிவைத் துவங்கியவர் நன்றி கூறியுள்ளார் சரவணன்1