ரமேஷ்நாகா-வின் 1000-வது பதிவு.(கலை வேந்தன் சாருக்கானது)...

**rameshnaga** · **rameshnaga** Wed Jul 20, 2011 2:33 am

First topic message reminder :

நேற்றைய சூரியனில் என்னோடு நடந்தவன்.
************************************

ரமேஷ்நாகா-வின் 1000-வது பதிவு.(கலை வேந்தன் சாருக்கானது)... - Page 2 Sneaker-shadows

நேற்றைய சூரியனில் என்னுடன் நடந்து வந்த
உனது நிழல் இன்று எரிகிறது..

குவியலாய்..வேறு சில நிழல்களுடன்.

நானும்..நீயும்
நடந்து வந்த பாதையின் பசுமை எரிந்து..
பாலையாகிவிட்டது நிலம்.

கண்கள் அறியாத இடத்தில்..
கண்ணன் வராத களத்தில்..
தீராத ஓலமாய்க் கேட்கிறது
நம் சகோதரிகளின் குரல்.

வெந்து தணியாத ..
சுதந்திரத்தின் நெருப்பு சுவாசம் வேண்டி..
நம்மை நிலை நிறுத்தத் துடிக்கிறது நம் இளமை
அகிம்ஸைக்கு எதிரான ஆயுதங்களுடன்.

இளமையின் ஆர்ப்பரிப்பில்
அடிபட்டு விழுகிறது அன்பு.

பின்னொரு நாளில்-
முதுமையில் என் இளமையைத் திரும்பிப் பார்க்கையில் ..

என் வருத்தங்களுக்காக நீ சிந்திய கண்ணீரை..
ஒரு அரைக் கோப்பையில் நீ பகிர்ந்த தேநீரை..
கிழிந்த உடை ஒற்றையாயினும்..
அதை நான் அணிய..
நீ ஒளிந்து பார்க்க நேர்ந்த உனது நிறைந்த அன்பை..

நான் மீட்டெடுத்துப் பார்ப்பேன்..
நீ விரும்பிய நம் சுதந்திர வானத்தில்..

தாமு · தாமு Wed Jul 20, 2011 1:34 pm

**ஜாஹீதாபானு** · **ஜாஹீதாபானு** Wed Jul 20, 2011 1:44 pm

கலை அண்ணாவுக்கு கலக்கலா கவிதை எழுதிட்டீங்க சூப்பருங்க

**rameshnaga** · **rameshnaga** Wed Jul 20, 2011 1:47 pm

நன்றி! ஜாகீதா பானு.

**இளமாறன்** · **இளமாறன்** Wed Jul 20, 2011 3:25 pm

வெந்து தணியாத ..
சுதந்திரத்தின் நெருப்பு சுவாசம் வேண்டி..
நம்மை நிலை நிறுத்தத் துடிக்கிறது நம் இளமை
அகிம்ஸைக்கு எதிரான ஆயுதங்களுடன். சூப்பருங்க

kitcha · kitcha Wed Jul 20, 2011 3:29 pm

கண்கள் அறியாத இடத்தில்..
கண்ணன் வராத களத்தில்..
தீராத ஓலமாய்க் கேட்கிறது
நம் சகோதரிகளின் குரல்.

நச் வரிகள் , சட்டென்று எனக்கு நம் இலங்கைத் தமிழர்களின் நினைவுதான் வந்தது. ரமேஷ்நாகா-வின் 1000-வது பதிவு.(கலை வேந்தன் சாருக்கானது)... - Page 2 224747944