சூதுவாது இல்ல அதான்....

dsudhanandan · dsudhanandan Mon Jul 18, 2011 4:05 pm

First topic message reminder :

யாருக்காவது உடம்பு கொஞ்சம் குண்டா இருந்து, மெயின் ரோட்டிலே நடந்து போனா டிராஃபிக் ஜாம் ஆயிடுமேன்னு கவலைப்பட்டு விசாரிச்சா, "எங்களுக்கு சூதுவாது கிடையாது. அதுனாலே தான் உடம்பு வஞ்சனையில்லாம இருக்கு"ன்னு சொல்லுறாங்க! அப்படீன்னா, என்னை மாதிரி ஈர்க்குச்சி மாதிரி இருக்கிற ஆளுங்கல்லாம் என்ன ஆ. இராசா, சுரேஷ்கல்மாடி, சக்சேனா, கனிமொழி வகையறாக்களா? என்னய்யா புதுசு புதுசா புரளி கிளப்புறீங்க?

நாமும் வயித்துக்கு வஞ்சனை பண்ணாம மூணு வேளைக்கு மூணேமுக்கால் வேளை சாப்பிடறோம். பெரிசா சூதுவாது ஒண்ணும் பண்ணுறதில்லை. அப்படியிருக்கும்போது, நம்ம உடம்பு மட்டும் ஏன் சாம்பார்லேருந்து எடுத்து உறிஞ்சுபோட்ட முருங்கைக்காய் மாதிரி பரிதாபமா இருக்குன்னு அடிக்கடி யோசிப்பேன். சொல்லப் போனா குண்டாயிருக்கிற ஆசாமி/ஆமாமிங்களைப் பார்த்தா கொஞ்சம் பொறாமையே வந்திருச்சப்பு! குண்டாக முடியாட்டியும், குண்டா இருக்கிறவங்களைப் பத்தி நிறையப் படிச்சேன்.

குண்டா இருக்கிறதுக்குப் பேரு Obesity-ன்னு சொல்லுறாங்க! இயல்பை விட அதிகமாக உடம்பிலே கொழுப்பு சேர்ந்தா உடம்பு குண்டாயிடுமாம். அப்பாலே, நீரிழிவு, இதய நோயிலேருந்து புற்றுநோய் வரைக்கும் வர்றதுக்கு வாய்ப்பு இருக்குதாம். உலக ஜனத்தொகையிலே குழந்தைகள் நீங்கலாக, 33% சதவிகித மக்கள் குண்டாயிருக்கிறாங்களாம்.

இதைப் படிச்சதும்,"ஐயையோ, இதுக்குப் பேசாம நிறைய சூதுவாது பண்ணிக்கிட்டு ஒல்லிப்பிச்சானாவே இருந்திரலாமே... நமக்கும் ரஜினி மாதிரி ஒரு மாமனார் கிடைக்காமலா போயிருவாரு?"ன்னு குண்டா இருக்கிறவங்கல்லாம் யோசிப்பாங்களா மாட்டாங்களா?

ஆனாலும், நமக்குத் தெரிஞ்ச நிறைய பேரு எக்ஸ்ட்ரா லார்ஜ் சைஸ்காரங்கன்னுறதுனாலே, ஏன் இப்படி இவங்க குண்டாயிருக்காங்கன்னு யோசிக்கத் தோணிச்சு. ஏன் இப்படி ஆனாங்க பாவம்?

1. சாப்பாட்டு விஷயத்துலே கட்டுப்பாடு இல்லை!

எனக்கும் கிடையாது.

2. அதிகமா உடம்பை அலட்டிக்காம வேலை பார்க்குறது! சதா டி.வி, கம்ப்யூட்டர்னு இருக்குறது.

நானும் அப்படித்தானே வேலை பார்க்குறேன். டி.வியும், கம்ப்யூட்டர் ரெண்டுமில்லாட்டி தலை வெடிச்சிடுமே!

3. போதுமான தூக்கம் இல்லாமல் இருப்பது.

பாருங்கய்யா! எங்க ஊர்ல கடைசியா தூங்குற ஆசாமி நான் தான்.

ஆக, குண்டாயிருக்கிறதுக்கான எல்லா காரணங்களும் எனக்கும் பொருந்துதே. ஆனாலும், நான் மட்டும் ஏன் குண்டாகாம, சோத்துக்குச் செத்தவனாட்டம் இருக்கிறேன்?

அவங்களுக்கும் எனக்கும் என்ன தான் வித்தியாசம் தெரியுமா?

அதிகம் சிந்தித்தால் உடல் எடை அதிகரிக்கும் என்று விஞ்ஞானிகள் அண்மையில் கண்டுபிடித்திருக்கிறார்களாம். அதாவது எவ்வளவு அதிகமா யோசிக்கிறோமோ, அவ்வளவு அதிகமா பசிக்குமாம். எவ்வளவு பசிக்குமோ அவ்வளவு சாப்பிட்டு, அவ்வளவு உடம்பு பருத்துப் போயிடுமாம்.

அதானே பார்த்தேன்! இந்த ’சிந்தனை’ன்னா என்னான்னே எனக்குத் தெரியாததுனாலே தான், இதுவரை நான் குண்டாகாம இருக்கிறேன்.

ஆகவே, மகாஜனங்களே! நீரிழிவு, மாரடைப்பு, மூட்டுவலி போன்ற நோய்களிலிருந்து தப்பிக்க ஒரே வழி... எதைப் பத்தியும் யோசிக்காதீங்க!

மொத்தத்துலே மூளைன்னு ஒண்ணு இருக்கிறதை மறந்தா, ஊளைச்சதை வர வாய்ப்பேயில்லை. உடம்பும் டைட்டா, லைட்டா இருக்கும். எனவே, மக்களே.... உடம்பை டைட்டா வச்சுக்க, எல்லாத்தையும் லைட்டா எடுத்துங்க!

அப்ப வர்ட்டா....?

(இன்னைக்கு ஏன் இப்படி ஒரு பதிவுன்னு கேட்கறீங்களா? இதான்... 1. தாமுவின் பதிவு 2. கிருஷ்ணம்மாவின் பதிவு )

dsudhanandan · dsudhanandan Mon Jul 18, 2011 9:54 pm

கோபி சதீஷ் wrote:எப்படி இருந்த நீங்க இப்படி ஆயிட்டீங்க போல

நான் எப்பவுமே ஒரேமாதிரிதான் இருக்கேன் கோபியாரே.... ஜாலி

கோபி சதீஷ் · கோபி சதீஷ் Mon Jul 18, 2011 10:00 pm

dsudhanandan wrote:
கோபி சதீஷ் wrote:எப்படி இருந்த நீங்க இப்படி ஆயிட்டீங்க போல
நான் எப்பவுமே ஒரேமாதிரிதான் இருக்கேன் கோபியாரே....

குழந்தையாகவா?

dsudhanandan · dsudhanandan Mon Jul 18, 2011 10:01 pm

கோபி சதீஷ் wrote:
dsudhanandan wrote:
கோபி சதீஷ் wrote:எப்படி இருந்த நீங்க இப்படி ஆயிட்டீங்க போல
நான் எப்பவுமே ஒரேமாதிரிதான் இருக்கேன் கோபியாரே....
குழந்தையாகவா?

ஆம்... என் பெற்றோருக்கு...

kummachi · kummachi Mon Jul 18, 2011 10:02 pm

அடேங்கப்பா நல்ல பதிவா இருக்கே. நானும் அதே ஜாதிதான் சாம்பர்ல எடுத்து சப்பி போட்ட முருங்கைக்காய்தான்.

எப்படியோ நூறு பதிவு ஆயிடுச்சு.

dsudhanandan · dsudhanandan Mon Jul 18, 2011 10:04 pm

kummachi wrote:அடேங்கப்பா நல்ல பதிவா இருக்கே. நானும் அதே ஜாதிதான் சாம்பர்ல எடுத்து சப்பி போட்ட முருங்கைக்காய்தான்.

எப்படியோ நூறு பதிவு ஆயிடுச்சு.

நன்றி.... என் இனமா நீங்க... சிரி

100வது பதிவுக்கு அன்பு மலர்

kitcha · kitcha Mon Jul 18, 2011 10:09 pm

dsudhanandan · dsudhanandan Tue Jul 19, 2011 9:54 am

நன்றி கிச்சா அன்பு மலர்

**krishnaamma** · **krishnaamma** Tue Jul 19, 2011 6:30 pm

நல்ல பதிவு சுதானந்தன் புன்னகை

நான் உங்களைப்போல் இல்லை என்ன செய்தாலும் , செயாட்டாலும் நான் குண்டாக தான் இருக்கேன் சோகம்

dsudhanandan · dsudhanandan Tue Jul 19, 2011 6:48 pm

krishnaamma wrote:நல்ல பதிவு சுதானந்தன் நான் உங்களைப்போல் இல்லை என்ன செய்தாலும் , செயாட்டாலும் நான் குண்டாக தான் இருக்கேன்

உடம்ப நல்லா கவனிசுக்குங்க,... சில சிரிப்பு மாத்திரைகளை நான் அப்பப்போ தரேன்...

ரபீக் · ரபீக் Tue Jul 19, 2011 6:50 pm

பகிர்வுக்கு நன்றி !!

Sponsored content · Sponsored content

சூதுவாது இல்ல அதான்....

சூதுவாது இல்ல அதான்....

Re: சூதுவாது இல்ல அதான்....

Re: சூதுவாது இல்ல அதான்....

Re: சூதுவாது இல்ல அதான்....

Re: சூதுவாது இல்ல அதான்....

Re: சூதுவாது இல்ல அதான்....

Re: சூதுவாது இல்ல அதான்....

Re: சூதுவாது இல்ல அதான்....

Re: சூதுவாது இல்ல அதான்....

Re: சூதுவாது இல்ல அதான்....

Re: சூதுவாது இல்ல அதான்....

Re: சூதுவாது இல்ல அதான்....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக