கலாநிதியை ‘வசமாக’ சிக்க வைத்தார் சக்சேனா!

சன் பிக்சர்ஸ் சக்சேனா இறுதியில் அந்த மந்திர வார்த்தையைக் கூறிவிட்டார் – “நானாக எதையும் செய்யவில்லை. ‘பாஸ்’ செய்யச் சொன்னதைத்தான் செய்தேன்”. பாஸ் வேறு யாருமல்ல, கலாநிதி மாறன்தான்!

நீதிமன்றத்தின் அனுமதியுடன் சக்சேனாவை தம்வசம் எடுத்து விசாரித்த போலீஸாரிடம்தான் இப்படி ஒப்புதல் வாக்குமூலம் கொடுத்திருக்கின்றார் சக்சேனா என்று தெரிகின்றது. அவரது வாக்குமூலத்தை ஒரு மஜிஸ்ட்ரேட்டுக்கு முன்னால் பதிவு செய்வதற்கான ஏற்பாடுகளைச் செய்கின்றது காவல்துறை.

கைது செய்யப்பட்ட ஆரம்ப நாட்களில் வீராப்பாக இருந்த சக்சேனா, நாளாக நாளாக காற்றுப் போன பலூன் போலாகத் தொடங்கி விட்டார் என்கிறார்கள் காவல்துறையில். தொடக்கத்தில் ஒரு மிரட்டல் கேஸில் உள்ளே வந்தவர்மீது அடுத்தடுத்து வழக்குகள் பதிவாகத் தொடங்கியபோதுதான், நிலைமையின் தீவிரத்தை உணர்ந்தார் என்கிறார்கள்.

ஆரம்ப நாட்களில் கலாநிதி மாறனுக்கு எதிராக ஒரு வார்த்தைகூட தனது வாயிலிருந்து வராமல் அவர் பார்த்துக் கொண்டார். கலாநிதி எப்படியாவது தன்னைக் காப்பாற்றி விடுவார் என்றும் எதிர்பார்த்தார். ஆனால், நடந்ததோ வேறு.

போலீஸ் சம்மனுக்குக்கூட வராமல், வெளிநாட்டுக்குப் பறந்துவிட்டார் கலாநிதி.

இந்த நிலையில் போலீஸ் விசாரணை வேறு ‘முறையாக’ நடக்கத் தொடங்க, ஒருவழியாக கலாநிதியை நோக்கி கையைக் காட்டியிருக்கிறார் சக்சேனா.

“நான் சன் பிக்சர்ஸில் சம்பளம் வாங்கும் ஊழியன் மாத்திரமே. சன் பிக்சர்ஸ் சம்மந்தப்பட்ட எல்லா முடிவுகளையும் கலாநிதிதான் எடுப்பார். அவர் என்ன சொல்கிறாரோ, அதைத்தான் நான் செய்து கொடுத்தேன்…” என்று போகின்றது சக்சேனாவின் ஒப்புதல் வாக்குமூலம்.

இதே வாக்குமூலத்தை ஒரு மஜிஸ்ட்ரேட் முன் சக்சேனா கூறி, அதுவும் பதிவானால், கலாநிதி மீது வேறு விதமான சம்மன் பிறப்பிக்கப்படும் என்கிறார்கள் காவல்துறை வட்டாரங்களில். தற்போது பிறப்பிக்கப்பட்ட சாதாரண சம்மன் போல அல்லாமல், இது அதிகாரங்கள் உடையதாக அமையும்.

அதன் அதிகபட்ச அதிகாரம், சம்மனுக்குப் பணிந்து தானாக வராத ஒருவரைக் கைது செய்து அழைத்துவரும் அதிகாரம்.

ஆனால், இதில் மற்றொரு சிக்கல் இருக்கின்றது. இது இந்தியாவுக்குள்தான் செல்லுபடியாகும். இந்தியாவுக்கு வெளியே கைது செய்ய வேண்டுமானால், இன்டர்போலின் சௌத் ஏஷியன் பீரோவிடம், மத்திய அரசின் மூலமாகவே ரிக்வெஸ்ட் அனுப்ப வேண்டியிருக்கும்.

இந்திய அரசியல் என்னும் சினிமாவில் இன்னும் நிறைய நிகழ்சிகள் (கூத்துகள்) நடைபெற உள்ளது.வேடிக்கை பார்க்கும் மக்களில் நானும் ஒருவனாக நின்று வேடிக்கை பார்க்க முடியும்.

உப்பு தின்னவன் தண்ணீ குடிக்கணும்

“நான் சன் பிக்சர்ஸில் சம்பளம் வாங்கும் ஊழியன் மாத்திரமே. சன் பிக்சர்ஸ் சம்மந்தப்பட்ட எல்லா முடிவுகளையும் கலாநிதிதான் எடுப்பார்.

ஊழியன் என்கிற முறையில் சரியாக சொல்லியிருக்கிறார்.