இறந்த பின்னும் 6 பேரை வாழ வைத்த சிறுமி

ரஞ்சித் · ரஞ்சித் Mon 18 Jul 2011 - 11:47

திருச்சி அருகே, விபத்தில் மூளைச்சாவு அடைந்த புதுச்சேரி சிறுமியின் உடல் உறுப்புகள் தானமாக வழங்கப்பட்டன.தூத்துக்குடியில் இருந்து சென்னைக்கு, அஜீத் டிராவல்ஸ் என்ற தனியார் ஆம்னி பஸ், கடந்த 15ம் தேதி கிளம்பியது. பஸ்ஸை நெல்லையை சேர்ந்த ராஜன் (32) என்பவர் ஓட்டினார்.திருச்சியை அடுத்த சமயபுரம் பள்ளிவிடை அருகே நள்ளிரவு ஒரு மணியளவில், டிரைவரின் கட்டுப்பாட்டை இழந்த பஸ், சாலையின் நடுவில் உள்ள தடுப்புக்கட்டையில் மோதி இடபுறம் சென்றது.

எதிரே வந்த, புதுச்சேரியில் இருந்து பழனிக்கு சுற்றுலா சென்ற கார்த்திகேயன் என்ற பஸ் மீது பயங்கரமாக மோதியது. விபத்தில் இரண்டு பஸ்களும் சாலையில் இருந்து, 25 அடி பள்ளத்தில் கவிழ்ந்தன.விபத்தில், புதுச்சேரியை சேர்ந்த சுபாஷிணி (22), திலீப் பரத் (12) சம்பவ இடத்திலேயே உயிரிழந்தனர்.

புதுச்சேரியை சேர்ந்த தனியார் மருந்து தயாரிப்பு நிறுவன ஊழியரான சிங்கார வடிவேலு மகள் சிந்தாமணி (8) உட்பட 37 பேர் படுகாயமடைந்தனர்.திருச்சி கே.எம்.சி., மருத்துவமனையில் அனுமதிக்கப்பட்டிருந்த சிறுமி சிந்தாமணிக்கு மூளைச்சாவு ஏற்பட்டது.

இறந்த பின்னும் 6 பேரை வாழ வைத்த சிறுமி Sinthamani

இறந்த பின்னும் 6 பேரை வாழ வைத்த சிறுமி Sinthamani

அவரது உடல் உறுப்புகளை தானம் செய்ய சிங்கார வடிவேலும், அவரது மனைவி மீனாட்சியும் முன்வந்தனர்.

கே.எம்.சி., மருத்துவமனையில் நேற்று காலை 10.30 மணிக்கு, டாக்டர் வேல் அரவிந்த் தலைமையில், டாக்டர்கள் மணிவண்ணன், செந்தில்குமார் உள்ளிட்ட டாக்டர்கள் குழுவினர், சிந்தாமணியின் இரண்டு கண்கள், சிறுநீரகம், இதயம், கணையத்தை அறுவை சிகிச்சை மூலம் உடலிருந்து பிரித்தெடுத்தனர்.

பாதுகாப்பான முறையில் சென்னை, திருச்சி, மதுரையில் உள்ள மருத்துவமனைக்கு அனுப்பி வைக்கப்பட்டது.சிறுமி சிந்தாமணி மூளைச்சாவு அடைந்தாலும், உடல் உறுப்பு தானம் மூலம் ஆறு பேரை வாழ வைத்து, அவர்கள் மூலம் உயிர் வாழ்ந்து வருகிறார்.

tamilcnn.com

**சிவா** · **சிவா** Mon 18 Jul 2011 - 11:50

இறந்தாலும், ஆறு பேருக்கு வாழ்வளித்துள்ள இச்சிறுமியின் ஆத்மா சாந்தியடையப் பிரார்த்திக்கிறேன்!

ரபீக் · ரபீக் Mon 18 Jul 2011 - 11:58

நல்லார் ஒருவர் பொருட்டு எல்லோருக்கும் பெய்யும் மழை !!

miruthula · miruthula Mon 18 Jul 2011 - 14:02

சிறுமியின் ஆத்மா சாந்தியடைய நானும் பிரார்த்திக்கிறேன். அவரது உறுப்புகளை தானம் செய்ய முன் வந்த சிறுமியின் பெற்றொருக்கு எனது அனுதாபத்துடன் கூடிய .

SK · SK Mon 18 Jul 2011 - 14:28

செத்தும் கொடுத்தான் சீதக்காதி
மகிழ்ச்சி

**உமா** · **உமா** Mon 18 Jul 2011 - 14:29

miruthula · miruthula Mon 18 Jul 2011 - 14:31

உண்மை.

கோவை ராம் · கோவை ராம் Mon 18 Jul 2011 - 15:12

இந்த பெற்றோரை மிக பெரிய அளவில் கவுரவிக்க வேண்டும் .அப்போதுதான் இதுபோல் இன்னும் பலர் இதுபோல சிந்திக்க ஆரம்பிப்பார்கள் .மகளை இழந்த இக்கட்டிலும் இதுபோல் சிந்தித்து பிறருக்கு உதவிய பெற்றோரை என்ன பாராட்டினாலும் தகும்

ராம்

kitcha · kitcha Mon 18 Jul 2011 - 15:41

rarara wrote:இந்த பெற்றோரை மிக பெரிய அளவில் கவுரவிக்க வேண்டும் .அப்போதுதான் இதுபோல் இன்னும் பலர் இதுபோல சிந்திக்க ஆரம்பிப்பார்கள் .மகளை இழந்த இக்கட்டிலும் இதுபோல் சிந்தித்து பிறருக்கு உதவிய பெற்றோரை என்ன பாராட்டினாலும் தகும்

ராம்