பூரண குணம் அடைந்ததால் ரஜினிகாந்த் ரசிகைகள் மொட்டை போட்டனர்

ரஜினிகாந்த் பூரண குணமடைந்ததையொட்டி, சென்னை வடபழனி முருகன் கோவிலில் ரசிகைகள் மொட்டை போட்டு நேர்த்திக்கடனை நிறைவேற்றினார்கள்.

ரஜினிகாந்த்

நடிகர் ரஜினிகாந்த் உடல் நலக்குறைவால் கடந்த ஏப்ரல் மாதம் 29-ந் தேதி சென்னை இசபெல்லா மருத்துவமனையில் அனுமதிக்கப்பட்டார். இதன்பின்பு சில நாட்கள் போரூர் ராமச்சந்திரா மருத்துவமனையில் தங்கியிருந்து சிகிச்சை பெற்றுவந்த அவர், மேல் சிகிச்சைக்காக சிங்கப்பூரில் சுமார் 46 நாட்கள் தங்கியிருந்து சிகிச்சை பெற்றபின், கடந்த 13-ந் தேதி விமானம் மூலம் அவர் சென்னை திரும்பினார்.

ரஜினிகாந்த் உடல்நலக் குறைவு காரணமாக மருத்துவமனையில் அனுமதிக்கப்பட்டுள்ளார் என்ற செய்தி கேள்விப்பட்டதும், அவர் குணமடையவேண்டும் என்று தமிழ்நாடு முழுவதும் ஏராளமானோர் கோவில்களில் பிரார்த்தனை செய்தனர். சென்னையை சேர்ந்த ஒரு ரசிகை, ரஜினிகாந்த் பூரண குணம் அடைந்தால், வடபழனி முருகன் கோவிலில் மொட்டை போடுகிறேன் என்று வேண்டுதல் வைத்தார்.

5 பேர் மொட்டை போட்டனர்

இவர் தனது கையில், `ரஜினிகாந்த் கடவுள்' என்று பச்சை குத்தியுள்ளார். அந்த பெண்ணின் பெயர் கவுரி (வயது 40). சென்னை சாலிகிராமம், விஜயராகபுரத்தில் வசித்து வருகிறார். இவர், ரஜினிகாந்த் பூரண குணம் அடைந்ததையொட்டி, தனது நேர்த்திக்கடனை நிறைவேற்றுவதற்காக நேற்று காலை வடபழனி முருகன் கோவிலுக்கு வந்தார். அங்கு தனது நீளமான கூந்தல் முடியை இழந்து, மொட்டை போட்டுக்கொண்டார். கவுரியுடன் சேர்ந்து, அவரது மகன் கோபிராஜ் (19), கொடுங்கைïரைச் சேர்ந்த அமுதா (39), மேற்கு சைதாப்பேட்டையை சேர்ந்த சிவகுமார் என்பவரது மகன் ஹேமராஜ் (10), குடியாத்தத்தை சேர்ந்த ஜம்புலிங்கம் (78) ஆகியோரும் மொட்டை போட்டனர்.

இதுகுறித்து கவுரி, நிருபர்களிடம் கூறியதாவது:-

முருகன் கைவிடவில்லை

நான், சினிமா `டப்பிங் ஆர்ட்டிஸ்ட்' ஆக பணியாற்றி வருகிறேன். 8 வயதில் இருந்தே ரஜினிகாந்தின் தீவிர ரசிகை. ரஜினிகாந்த் நடித்த அனைத்து படங்களையும் தவறாமல் பார்த்துவிடுவேன். ரஜினிகாந்த் பிறந்தநாள் அன்று ஏழை பெண்களுக்கு புடவை வாங்கிக்கொடுத்து, அன்னதானமும் செய்வேன். ரஜினிகாந்தை நான் நேரில் சந்தித்து உள்ளேன். அப்போது அவர் ஆடம்பரமாக செலவு செய்யக்கூடாது என்று சொல்லுவார். ரஜினிகாந்தை நான் கடவுளாக பார்க்கிறேன். அப்படிப்பட்டவருக்கு உடல்நிலை சரியில்லை என்று கேள்விப்பட்டதும், என்னால் தாங்கிக்கொள்ள முடியவில்லை. அவர் பூரண குணம் அடைந்தால் வடபழனி முருகன் கோவிலில் மொட்டை போடுவதாக வேண்டினேன்.

ரஜினிகாந்த் தலைமையில் திருமணம்

ரஜினிகாந்த் குணமடைந்துவிட்டதால், இப்போது மொட்டை போட்டு நேர்த்திகடனை நிறைவேற்றி உள்ளேன். அவர் 100 ஆண்டு காலம் வாழவேண்டும். எனது மகள் லாவண்யாவுக்கும், ராஜசேகருக்கும் திருமணம் நிச்சயம் செய்யப்பட்டுள்ளது. ரஜினிகாந்த் தலைமையில்தான் எனது மகள் திருமணம் நடைபெற வேண்டும் என்று சபதம் செய்திருக்கிறேன். அவர் தேதி கொடுக்கும்வரை காத்திருப்போம்.

இவ்வாறு கவுரி கூறினார்.

தினதந்தி

இதைப் பற்றி நான் எதாவது கமெண்ட் சொன்னால் நம் ஈகரை சிஸ்டர் உறவுகள் கோவித்து கொள்வார்கள் , முதலில் அவர்கள் என்ன கமெண்ட் சொல்கிறார்கள் பார்போம்

விட்டா உயிரும் கொடுப்பங்க போலருக்கே

அட

இந்த மாதிரி ஆட்கள் இருக்குறதாள தான் நாட்டுல கொஞ்சமாச்சும் மழை பெய்யுது!

ஆட்சி மாறினதுக்கு நாக்கை அறுக்குறது, கட்டை விரலை வெட்டிக்கிறது.. முடியலேன்னா நேர்ந்துக்கிட்டு மொட்டை போடுறது... நாக்கை அறுத்துகிட்ட அந்த பெண்ண நேரில போயி பார்த்து ஆறுதல் சொல்லி கவர்ன்மெண்ட் வேலைக்கும் அப்பாய்ன்மெண்ட் கொடுத்துட்டு வந்திருக்காங்க மாண்புமிகு "அம்மா" அதன் தொடர்ச்சி தான் கட்டைவிரல் அறுப்பு.

இதெல்லாம் சொந்த நலனுக்காவும், சுய விளம்பரத்துக்காக செய்யிற வேலை.. ஒரு நாளாச்சும் உன் தாயி தந்தை நல்லாயிருக்கணும்னோ இல்ல உன் கணவர் மற்றும் பிள்ளைகள் நல்லாயிருக்கணும்னோ வேண்டிக்கிட்டு இருந்திருக்கிறாயா? ஒரு நடிகரை கடவுள் அளவுக்கு என்னும் மனோபாவம் இந்த திருநாட்டில் மட்டும் நடக்கும் அதிசயமாகும்..

kitcha wrote:இதைப் பற்றி நான் எதாவது கமெண்ட் சொன்னால் நம் ஈகரை சிஸ்டர் உறவுகள் கோவித்து கொள்வார்கள் , முதலில் அவர்கள் என்ன கமெண்ட் சொல்கிறார்கள் பார்போம்

தலைல ஒரே பேன், ஈறு தொல்ல தாங்க முடியல இந்த பொம்பளைவோளுக்கு. இதான் சாக்குன்னு ரஜினி பேர சொல்லி ஓவர் நைட்ல பேமஸ் ஆகலாம்னு பாக்குதுக!

குபேரன் wrote:

kitcha wrote:இதைப் பற்றி நான் எதாவது கமெண்ட் சொன்னால் நம் ஈகரை சிஸ்டர் உறவுகள் கோவித்து கொள்வார்கள் , முதலில் அவர்கள் என்ன கமெண்ட் சொல்கிறார்கள் பார்போம்

தலைல ஒரே பேன், ஈறு தொல்ல தாங்க முடியல இந்த பொம்பளைவோளுக்கு. இதான் சாக்குன்னு ரஜினி பேர சொல்லி ஓவர் நைட்ல பேமஸ் ஆகலாம்னு பாக்குதுக!

குபேரன் wrote:

kitcha wrote:இதைப் பற்றி நான் எதாவது கமெண்ட் சொன்னால் நம் ஈகரை சிஸ்டர் உறவுகள் கோவித்து கொள்வார்கள் , முதலில் அவர்கள் என்ன கமெண்ட் சொல்கிறார்கள் பார்போம்

தலைல ஒரே பேன், ஈறு தொல்ல தாங்க முடியல இந்த பொம்பளைவோளுக்கு. இதான் சாக்குன்னு ரஜினி பேர சொல்லி ஓவர் நைட்ல பேமஸ் ஆகலாம்னு பாக்குதுக!

வார்த்தைகளை சரியா என்று பார்த்து விட்டு பின் பதியவும்.எழுத்துப் பிழை உள்ளது.மாற்றவும் (பொம்பளைகளுக்கு அல்லது பெண்களுக்கு).