சிறுவனை துண்டு துண்டாக வெட்டி ப்ரிட்ஜில் வைத்த கொடூரம்!

ரஞ்சித் · ரஞ்சித் Sat Jul 16, 2011 10:30 am

அமெரிக்காவின் நியூயார்க் நகரில் உள்ள முக்கிய பகுதி ப்ரூக்ளின். இப்பகுதியில் வசிக்கும் லெப்பி கிளட்சி என்ற 8 வயது சிறுவன் கடந்த திங்கட்கிழமை மாயமானான். டியூஷன் சென்றுவிட்டு மாலை வீடு திரும்பிய மாணவனை காணவில்லை என அவரது தாய் போலீசில் புகார் கொடுத்தார். அந்த மாணவனை தேடும் முயற்சியில் போலீசார் ஈடுபட்டனர்.

டியூஷன் விட்டு மாணவன் வீடு திரும்பும் பாதை முழுவதும் ஆய்வு நடத்தினர். அந்த பகுதியில் உள்ள கட்டிடங்களில் வைக்கப்பட்டிருக்கும் கண்காணிப்பு கேமராவில் பதிவான காட்சிகளை ஆய்வு செய்தனர்.

அப்போது சிறுவன் லெப்பி முதுகில் பையை சுமந்தபடி வீடு திரும்புவதையும், அவனுக்கு அருகே வேறொருவர் நடந்து சென்றதையும் போலீசார் பார்த்தனர். இந்த வீடியோ காட்சியை வைத்து அந்த நபரை போலீசார் அடையாளம் கண்டனர்.

அவரை அழைத்து தீவிரமாக விசாரித்தனர். அவரது வீட்டில் சோதனையிட்டனர். ப்ரிட்ஜில் மனித உறுப்புகள் மறைத்து வைக்கப்பட்டிருந்ததை கண்டுபிடித்தனர். உறுப்புகள் ஆய்வுக்காக அனுப்பி வைக்கப்பட்டுள்ளன.

சிறுவனின் மற்ற உடல் பகுதிகள் சூட்கேஸில் வைக்கப்பட்டு, ப்ரூக்ளின் பகுதியில் உள்ள குப்பை தொட்டியில் வீசப்பட்டிருந்ததையும் போலீசார் கண்டுபிடித்தனர். சிறுவன் லெப்பியை அந்த நபர் கொலை செய்து துண்டு துண்டாக வெட்டியது கண்டுபிடிக்கப்பட்டுள்ளது. சிறுவனை எதற்காக கொடூரமாக கொலை செய்தார் என விசாரணை நடந்து வருகிறது.

tamilcnn.com