அருகம்புல் பற்றிய ஆன்மீகக் கதை

First topic message reminder :


சிவலோகம்.

பிரம்மதேவன் புடைசூழ அனைத்து தேவர்களும் விநாயகப் பெருமானைத் தரிசிக்க வந்தனர்.

பிரம்மதேவன் 'ஐய்யனே ! அனலாசுரன் என்கிற அசுரன் நம் தேவர்களுக்கு மிகவும் தும்பன் தந்து கொடுமை படுத்துகிறான். நாளாக நாளாக அவன் தரும் தொல்லைகளுக்கு அளவோ, வரம்போ இல்லை" என்றார்.

மற்ற தேவர்களும் விநாயகரை அடிபணிந்து, "பிரபோ, அந்த அசுரன் அருகே செல்வதற்கே எங்களுக்கு அச்சமாக இருக்கிறது. அந்த அசுரனின் வாயிலிருந்து நெருப்பு வருகின்றது. அப்படியே பொசுக்கி விடுவான் போல இருக்கிறது. எங்களை காத்தருள வேண்டும். ஏற்கனவே பல அரக்கர்களை அழித்து எங்களை காப்பாற்றியுள்ளவர் நீங்கள்." என்று மன்றாடிக்கேட்டுக் கொண்டனர்.

விநாயகர் அவர்கள் கூறுவதைக் கேட்டுக் அவனை துவம்ச்ம் செய்து விடுகிறேன் என்று வாக்குறுதி அளித்தார்.

விநாயகப் பெருமான், தனது போர்ப்படையுடன் அனலாசுரனைப் போரிடச் சென்றார். அந்த் அசுரனோ, வாயிலிருந்து நெருப்பு கக்கினான். விநாயகரின் படைகள் பொசுங்கின.

விநாயகருக்கு கோபம் பொங்கிற்று. தொடர்ந்து போர் செய்தார். ஆனால் அசுரனை வெல்ல முடியவில்லை. இதனால், தனது தும்பிக்கையால் அசுரனை அப்படியே தூக்கி, வாயில் போட்டு விழுங்கிவிட்டார்.

வயிற்றின் உள்ளே சென்ற அசுரன் சும்மா இருக்கவில்லை. விநாயகருக்கு தகிக்க வைத்தான். விநாயகரும் வயிறு எரிகிறதே என்று கத்திக் கொண்டே நடனம் ஆடத் தொடங்கினார்.

இந்த விஷயம் தெரிந்தவுடன் தேவர்கள் ஓடோடி வந்தனர். விநாயகர் மீது குடம் குடமாக கங்கை நீரை அபிஷேகம் செய்தனர். பலனில்லை. அடுத்த முயற்சியாக, சந்திரனிடமிருந்து ஒளியைப் பாய்ச்சினர்.

எரிச்சல் அப்படியே இருந்தது.

அப்போது ஒரு ரிஷி வந்தார். நிறைய அருகம்புல்லை எடுத்து வந்து விநாயகரின் தலையில் வைத்தார். விநாயகருக்கு எரிச்சல் தணிய ஆரம்பித்தது. வயிற்றில் இருந்த அனலாசுரன் அப்படியே ஜீரணம் ஆகிவிட்டான்.

விநாயகருக்கு மகிழ்ச்சி தாளவில்லை. அதனால், விநாயகரின் அருளைப் பெறவிரும்பும் பக்தர்கள், அருகம்புல்லை அர்ச்சனை செய்தால் நல்லது என்ற வழக்கம் உண்டானது.

ஜெகதீஸ்வரன்.இரா wrote:

தெளிவாக எழுத்துக்களில் கருத்துக்கள் கூறினால் மிகவும் எளிதாக இருக்கும். எதுவாக இருந்தாலும் தங்களுக்கு மிக்க நன்றி.

வணக்கம் ஜெகதீஸ்வரன் தங்களின் பதிவுகளை முன்பே நான் படித்திருக்கிறேன் தங்களின் மறுமொழிகளையும் நான் மிகவும் ரசித்துள்ளேன் ஆனால் இந்த விஷயத்திர்க்கு தங்கள் கூறிய கருத்து ஏற்று கொள்ள முடியாது இந்து மதத்தின் ஒவ்வொரு அசைவிலும் அர்த்தம் உள்ள இந்து மதம், மேலும் சில விஷயங்களை பூடகமாக கூறுவது சிலருக்கு வேடிக்கையாக தெரியும் அது மட்டுமின்றி மந்திரம் குறித்து நீங்கள் இங்கே சொன்னது வெறும் மந்திரங்கள் ஓம் என்ற மந்திரத்தினை இன்று மேற்க்குலகம் ஆராய்ந்து பல நல்ல விஷயங்களை வெளி கொணர்ந்து இருக்கிறது உங்களுக்கு மேலும் சந்தேகம் மந்திரங்கள் பற்றி யெனில் யுடியூபிள் பிரீக்குவன்சி குறித்து தேடி பாருங்கள் ஒலி அலைகளின் மூலம் பொருள்கள் மாற்றம் அடைவதை காணலாம், அடுத்த விஷயம் அன்பு செலுத்துங்கள் இது இந்து மதத்திர்க்கு புதிது இல்லை அன்பே சிவம் என்பது இங்கே பிரபலம் ஆனால் ஒரு கேள்வி எழும் கடவுள் அவதாரம் எடுத்து தீயவர்களை அழிக்கவில்லையா என ஆனால் அதற்க்குல் உள்ள பதில் கடவுள் கையால் மாண்டவர்கள் முன் செய்த பாவத்தை கழித்து தேவர் உலகம் செல்வதாக வரும் ஆகா கொடிய பாவங்கள் செய்தவரை மீட்க்கவே அப்படிப்பட்ட அவதாரங்கள் என்பதையும் நீங்கள் நினைவில் கொள்ள வேண்டும் நிறைய எழுத ஆசைதான் விரிவஞ்சி இத்துடன் நிறைவு செய்கிறேன்

.

அறிய வேண்டிய தகவல்.

இருக்கும் இடத் தைவிட்டு இல்லாத இடம் தேடி எங்கு எங்கோ அலைகிறார்.....உங்களுக்குள்ளே இறைவன் இறைவன் இருக்க, இறைவன் வெறும் கல்லாக ஏன் பார்க்கிர்கள் ? நீண்ட விளக்கம் வேண்டுமா?