பதி - என்னில் பாதி அவள்

அப்துல்லாஹ் · அப்துல்லாஹ் Thu Jul 14, 2011 4:30 pm

இல்லற வாழ்வுதனில் இனிய துணை சேர்ந்ததனால்
நல்லறமானதுவே நான் கொண்ட நனிவாழ்க்கை
உற்றதும் உறவதும் உன்வரவால் உவப்பாக
உத்தமியே உயிரே வாழி

பிள்ளைகள் பிறந்தனரே பிணிமறந்து வளர்ந்தனரே
எல்லைகள் ஏதுமின்றி இன்பவானில் பறந்தனரே
பேணிவளர்த் அவரை பெருமிதம் சேர்த்தவளே
பெண்ணே பெருவாழ்வு வாழி

நஞ்சிலா நெஞ்சுடைத்த அஞ்சிடா வஞ்சியே
கொஞ்சிக் குலாவிஎன்னை குளிர்வித்து எந்நாளும்
தாழை நறுமடல் போல் என்நெஞ்சம் தகதகக்க
தகைமை கொண்டவளே வாழி

சந்தனப் பேழையே உன்கந்தமே உறவாக
என் தனப்பெட்டகமே நின்உள்ளமை பொருளாக
மண்ணினில் நான்பெற்ற பிறவிக்குப் பயனான
கண்ணான கண்மணியே வாழி

மன்னன் மனமொடிந்தால் மதிகூறும் மந்திரியாய்
கன்னல் மொழிபேசி காதல் சிறைப்படுத்தி
இன்னல் களைந்திங்கே இன்பம் சேர்த்திடுவாய்
மின்னல்கொடியே மேதினியில் வாழி

இல்லம் செழித்திருக்க இருப்புணர்ந்து செலவிடுவாய்
இல்லாளென நீயிருக்க நான் களிப்பின் இல் லானேன்
சொல்லின் பெரும்பொருளே சொர்க்கத்தின் உயிருறவே
சொந்தம் முழுமையே வாழி

வேங்கையின் வடிவெடுத்து வன்பகை வேட்டையாடி
ஆங்கதன் ஆணிவேரை அற்றம் கண்டறுத்து
தாங்கிப் பிடித்திடுவாள் தாழ்ந்திடாதென் குடும்பம்
பாங்கியே என்பைங்கிளியே வாழி

**ஜாஹீதாபானு** · **ஜாஹீதாபானு** Thu Jul 14, 2011 4:35 pm

அருமை அண்ணா கவிதை பதி - என்னில் பாதி அவள் 224747944

செய்தாலி · செய்தாலி Thu Jul 14, 2011 5:27 pm

பதியை பற்றி சதியின் வரிகள் பதியின் உன்னதம் உயர்த்துகிறது

இவ் மண்வாழ்க்கைக்கும் மணவாழ்க்கைக்கும் பெண்மையின் அவசியம்
நிறைய பேரின் பெண்ணை பற்றிய தவறுதலான புரிதல்களால்
மண்ணுலகில் பென்மையுன் உன்னதம் உணர மறந்து விடுகிறார்கள்

ஆனால் மணயாளியை பற்றிய உங்கள் வரிகள் பெண்மையின் உன்னதம் சொல்கிறது
கோர்த்த பைந்தமிழ் வரிகளும் மணயாளியின் அழகும் கவிதைக்கு அழகு சேர்க்கிறது

பாராட்டுக்கள் வாழ்த்துக்கள் கவிஞரே

இந்த பதிவைத் துவங்கியவர் நன்றி கூறியுள்ளார் செய்தாலி

**இளமாறன்** · **இளமாறன்** Thu Jul 14, 2011 6:30 pm

வேங்கையின் வடிவெடுத்து வன்பகை வேட்டையாடி
ஆங்கதன் ஆணிவேரை அற்றம் கண்டறுத்து
தாங்கிப் பிடித்திடுவாள் தாழ்ந்திடாதென் குடும்பம்
பாங்கியே என்பைங்கிளியே வாழி

சூப்பருங்க

உனக்கென பிறந்தவள் பாதியாக தானே இருக்க முடியும் வாழ்த்துக்கள் பதி - என்னில் பாதி அவள் 154550

அப்துல்லாஹ் · அப்துல்லாஹ் Fri Jul 15, 2011 11:08 am

இளமாறன் wrote:வேங்கையின் வடிவெடுத்து வன்பகை வேட்டையாடி
ஆங்கதன் ஆணிவேரை அற்றம் கண்டறுத்து
தாங்கிப் பிடித்திடுவாள் தாழ்ந்திடாதென் குடும்பம்
பாங்கியே என்பைங்கிளியே வாழி

உனக்கென பிறந்தவள் பாதியாக தானே இருக்க முடியும் வாழ்த்துக்கள்

நன்றி இளமாறன்

**உமா** · **உமா** Fri Jul 15, 2011 12:01 pm

அருமையான கருத்துக்கள் நிறைந்த வரிகள்...
சூப்பருங்க

தொடருங்கள்...
மகிழ்ச்சி

அப்துல்லாஹ் · அப்துல்லாஹ் Fri Jul 15, 2011 12:34 pm

நன்றி உமா... தங்களின் பின்னூட்டத்திற்கு .

Sponsored content · Sponsored content

பதி - என்னில் பாதி அவள்

பதி - என்னில் பாதி அவள்

Re: பதி - என்னில் பாதி அவள்

Re: பதி - என்னில் பாதி அவள்

Re: பதி - என்னில் பாதி அவள்

Re: பதி - என்னில் பாதி அவள்

Re: பதி - என்னில் பாதி அவள்

Re: பதி - என்னில் பாதி அவள்

Re: பதி - என்னில் பாதி அவள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக