எழுத்து பிழையினால் மில்லியன் கணக்கான பவுண்கள் நட்டம்?

தாமு · தாமு Thu Jul 14, 2011 3:15 pm

இங்கிலாந்தில் இணைய நிறுவனங்களின் எழுத்து பிழைகள் மில்லியன் கணக்கான ஸ்ரெலிங் பவுண் நட்டத்திற்கு வழிகோலுவதாக தெரிவிக்கப்படுகிறது.

ஒரு எழுத்து பிழை வர்த்தக நடவடிக்கைகளை பாரியளவில் பாதிக்கக் கூடும் என ஆய்வாளர்கள் சுட்டிக்காட்டியுள்ளனர்.

இணைய நிறுவனத்திற்காக ஆட்களை சேர்க்கும் போது சிலரது ஆங்கில எழுத்தாற்றல் அதிர்ச்சியளிக்கும் வகையில் மோசமாக காணப்படுவதாக தெரிவிக்கப்பட்டுள்ளது.

தொழில்நுட்ப அறிவு சார் நிபுணர்களை தேடுவதனை விடவும் மொழியாற்றல் உடையவர்களை பணிக்கு அமர்த்துவதில் இணைய நிறுவனங்கள் நெருக்கடிகளை எதிர்நோக்கி வருவதாகக் குறிப்பிடப்பட்டுள்ளது.

மொழிப் பிரச்சினையினால் நிறுவனங்கள் பெருமளவில் நட்டமடைவதாகக் குற்றம் சுமத்தப்பட்டுள்ளது.

இங்கிலாந்தின் அநேக நிறுவனங்கள் இணையத்தைப் பயன்படுத்தி கொடுக்கல் வாங்கல்களில் ஈடுபடுவதாகவும் எனவே காத்திரமான மொழிப் பயன்பாடு மிகவும் அவசியமானது எனவும் சுட்டிக்காட்டப்பட்டுள்ளது.

எனவே, சிறிய எழுத்து பிழை மில்லியன் கணக்கான வருமானத்தை இல்லாமல் செய்யக் கூடும் என தெரிவிக்கப்பட்டுள்ளது.

சரியான மொழிப் பிரயோகம் இணைய தளங்களின் நம்பகத் தன்மையை அதிகரிப்பதாகக் குறிப்பிடப்பட்டுள்ளது.

பாடசாலை மற்றும் பல்கலைக்கழக மாணவ மாணவியருக்கு போதியளவு மொழிப் பயிற்சி வழங்கப்பட வேண்டுமென வலியுறுத்தப்பட்டுள்ளது.

பெருமளவான மாணவ மாணவியர் கணனியின் உதவியின்றி சரியாக வாசனங்களை எழுதுவதற்கு திண்டாடுவதாகக் குற்றம் சுமத்தப்பட்டுள்ளது.

ஒரு சிறிய எழுத்து பிழை பொருள் ஒன்றின் வர்த்தகத்தை பெருமளவு வீழ்ச்சியடையச் செய்யும் என ஆய்வாளர்கள் சுட்டிக்காட்டியுள்ளனர்.

வணக்கம்