தாய்ப்பாசத்திற்கு ஏங்கும் இளவரசர்

தாமு · தாமு Thu Jul 14, 2011 3:18 pm

இளவரசர் வில்லியம் தனது தாய் இளவரசி டயானாவின் இளப்பினால் கவலைப்படுவதாக 3 சகோதரிகளிடம் வெளிப்படையாக பேசியுள்ளார். இளவரசர் வில்லியத்திற்கு 15 வயதாக இருக்கும் பொழுது 1997ஆம் ஆண்டு பாரிஸ் கார் விபத்தில் அவரது தாயார் டயானா இறந்தார்.

இந்த இறப்பு குறித்து வில்லியம் பேசுவது மிக அரிது. ஆனால், 2002ஆம் ஆண்டு மார்பகப் புற்றுநோயில் தமது தாயை இழந்த மெரில், மர்கொட் மற்றும் மெகான் கூப்பர் ஆகியோரிடம் தான் தன்னுடைய தாயை அன்றாடம் நினைவு கூர்வதாகவும் அவரை இழந்துவிட்டதாக உணர்வதாகவும் வில்லியம் குறிப்பிட்டுள்ளார்.

கடந்த வாரம் கனடாவின் வடமேற்கு எல்லைப்புற தலைநகரான யெல்லோ நைபில் வில்லியமும் கேத்தியும் ஒரு தோட்டத்தில் நடந்து சென்று கொண்டிருந்த வேளை அந்த மூன்று பெண்களிடமும் உரையாடும் போதே அவர் அவ்வாறு குறிப்பிட்டுள்ளார்.

‘நாங்கள் எமது தாயை எவ்வாறு இழந்தோம் என்பது குறித்துக் கேட்டு வில்லியம் உண்மையில் இரக்கப்பட்டார்’ என 25 வயதான மெகான் குறிப்பிட்டார். இளம் வயதில் தாயை இழப்பது எவ்வாறு இருக்கும் என்பது எனக்குத் தெரியும் என வில்லியம் குறிப்பிட்டதாகவும் மெகான் தெரிவித்தார்.

‘என்னுடைய மற்ற சகோதரிகளை கவனித்துக் கொள்ளும்படிக் கூறினார். நல்ல புரிந்துணர்வுள்ள மனிதர். அவர்கள் நல்லெண்ணம் கொண்ட மனிதர்கள்’ என்றார் மெகான்.

‘நான் என் தாயை இழந்துவிட்டது உங்களுக்குத் தெரியும். எனவே, உங்களுடைய வலியை என்னால் உணர முடியும்’ என வில்லியம் குறிப்பிட்டதாக 27 வயதான மெரில் தெரிவித்தார்.

‘எனது தாய் இளவரசி டயானாவின் தீவிர ரசிகை. வில்லியம் தன்னுடைய தாய் குறித்து வருத்தத்துடன் பேசியது கவலைக்குரியது’ என 23 வயதான மர்கொட் குறிப்பிட்டார்.

வணக்கம்

தாய்ப்பாசத்திற்கு ஏங்கும் இளவரசர்

தாய்ப்பாசத்திற்கு ஏங்கும் இளவரசர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக