ஜெயந்தி நடராஜன் சுற்றுச்சூழல்துறை அமைச்சர்- மொய்லியிடம் சட்டம் பறிப்பு

மத்திய சுற்றுச்சூழல் துறை அமைச்சராக தமிழக காங்கிரஸ் எம்பியான ஜெயந்தி நடராஜன் நியமிக்கப்பட்டுள்ளார். ரயில்வே அமைச்சராக திரிணமூல் காங்கிரஸ் கட்சியைச் சேர்ந்த தினேஷ் திரிவேதி நியமிக்கப்பட்டுள்ளார்.

சட்டத்துறை அமைச்சராக இருந்த வீரப்ப மொய்லியிடம் இருந்து அந்தத் துறை பறிக்கபடுகிறது. இந்தத் துறை, சல்மான் குர்ஷித் வசம் ஒப்படைக்கப்படுகிறது.

சுற்றுச்சூழல் அமைச்சராக இருந்த ஜெய்ராம் ரமேஷ், ஊரக வளர்ச்சித்துறை அமைச்சராக்கப்படவுள்ளார்.

வீரப்ப மொய்லிக்கு கம்பெனிகள் விவகாரத்துறை ஒதுக்கப்படுகிறது.

ஐக்கிய முற்போக்குக் கூட்டணி அரசின் அமைச்சரவை இன்று மாற்றியமைக்கப்படுகிறது. மாலை 5 மணிக்கு புதிய அமைச்சர்கள் பதவியேற்கின்றனர்.

திமுக சார்பில் யாருமில்லை!

புதிதாக வெளியாகியுள்ள அமைச்சர்கள் பட்டியலில் திமுக சார்பில் சேர்க்கப்பட வேண்டிய 2 அமைச்சர்கள் இடம் பெறவில்லை. இதன் மூலம் 2 அமைச்சர்களை சேர்க்க திமுக தலைமை விரும்பவில்லை என்பது புலனாகியுள்ளது.

தயாநிதி மாறன் வசம் இருந்த ஜவுளித்துறை கூடுதல் பொறுப்பாக அனந்த் சர்மாவிடம் கொடுக்கப்பட்டுள்ளது.

புதிதாக பதவியேற்கவுள்ள அமைச்சர்கள் விவரம் வருமாறு:

கேபினட் அமைச்சர்கள்:

1. வி கிஷோர் சந்திர தியோ - பழங்குடியினர் விவகாரம் மற்றும் பஞ்சாயத்து ராஜ்

2. பேனி பிரசாத் வர்மா - ஸ்டீல்

3. தினேஷ் திரிவேதி - ரயில்வே

4. ஜெய்ராம் ரமேஷ் - ஊரக வளர்ச்சித் துறை

இணை அமைச்சர்கள் (தனி பொறுப்பு):

5. ஸ்ரீகாந்த் ஜெனா - புள்ளியியல் மற்றும் திட்ட அமலாக்கம், ரசாயனம்

6. ஜெயந்தி நடராஜன் - சுற்றுச்சூழல்

7. பிரணாப் சிங் கடோவர் - வடகிழக்கு பிராந்திய வளர்ச்சி

8. குருதாஸ் காமத் - குடிதண்ணீர் மற்றும் சுகாதாரம்

இணை அமைச்சர்கள்:

9. சுதிப் பந்தோபத்யாய - உடல்நலம் மற்றும் குடும்பநலம்

10. சரண் தாஸ் மகந்த் - விவசாயம் மற்றும் உணவு பதனிடும் தொழிற்சாலை

11. ஜித்தேந்திர சிங் - உள்துறை

12. மிலிந்த் தியோரா - தகவல் தொடர்பு

13. ராஜீவ் ஷுக்லா - நாடாளுமன்ற விவகாரம்

இலாகா மாற்றப்பட்டவர்கள்:

கேபினட் அமைச்சர்கள்:

விலாஷ் ராவ் தேஷ்முக் -அறிவியல் மற்றும் தொழில்நுட்பத் துறை

வீரப்ப மொய்லி - கம்பெனி விவகாரத்துறை

ஆனந்த் சர்மா - வர்த்தகம், கூடுதலாக ஜவுளித்துறை

பவன் குமார் பன்சால் - நாடாளுமன்ற விவகாரம் மற்றும் கூடுதலாக நீர் வளம்

சல்மான் குர்ஷித் : சட்டம், கூடுதலாக சிறுபான்மை விவகாரங்கள்

இணை அமைச்சர்கள்:

இ. அகமது - வெளியுயறவுத் துறை மற்றும் மனித ஆற்றல்

வி. நாராயணசாமி - ஊழியர் நலன், ஓய்வூதியம் மற்றும் பிரதமர் அலுவலகம்

ஹரிஷ் ராவத் : விவசாயம் மற்றும் உணவு பதனிடும் தொழிற்சாலை, நாடாளுமன்ற விவகாரம்

முகுல் ராய் - கப்பல்

அஷ்வனி குமார் - திட்டம், அறிவியல், தொழில்நுட்பம் மற்றும் புவி அறிவியல்

ஏற்கனவே அமைச்சர்களாக இருந்த தயாநிதி மாறனும், முரளி தியோராவும் ராஜினாமா செய்து விட்டார்கள். இவர்கள் போக பி. கே. ஹந்திக், எம். எஸ். கில், காந்தி லால் புரியா, சாய் பிரதாப், அருண் எஸ். யாதவ் ஆகியோர் அமைச்சரவையிலிருந்து நீக்கப்படுகின்றனர்.

எதிர்பார்த்தபடியே, நிதித்துறை, உள்துறை, வெளியுறவுத்துறை மற்றும் பாதுகாப்புத்துறை அமைச்சர்கள் மாற்றப்படவில்லை

அப்ப தி மு க வுக்கு எதுவும் இல்லையா