பூஜ்யம்

பூஜ்யம் - இறைவன். பூஜ்யத்திற்குள் இருந்து கொண்டு ராஜ்யம், சாம்ராஜ்யமாய் படைத்து, உயிரனங்களை படைத்து, காப்பாற்றி, முடிவில் அழித்து படைத்ததை பூஜ்யமாக்கி, தன்னுள் ஐக்கியப் படுத்திக்கொள்கிறான்.

இறைவனை (பூஜ்யத்தை), அறிந்தது போல் இருக்கும். ஆனால் அறிய முடியாது. தெரிந்ததுபோல் இருக்கும் ஆனால் தெரியாது. புரிந்தது போல் இருக்கும் ஆனால் புரியாது. உணர்ந்தது போல் இருக்கும் ஆனால் உணர முடியாது. தூங்குவது போல் இருக்கும் ஆனால் விழித்திருப்பதிலை. அவனே இறைவன். இறை சக்தியும் இப்படித்தான்.

புவியில் சிவபெருமான், லிங்க வடிவில் தான் பார்க்க இயலும். இதிலிருந்து விண்ணாட்சி புரிபவன் அவன் என்று உணரவேண்டும். சிவன் உருவமாக வடித்திருக்கும் காட்சியினைப் பாருங்கள். அவரின் கண்கள், தூங்குவது போன்று இருக்கும். விழித்த நிலையிலும் , அரை பார்வையாய் இருக்கும். இதுவே தவ நிலை. தவநிலையிலிருந்து கொண்டு அனைத்தையும் பார்த்துக் கொண்டு இருக்கிறார்.

புவியில் உள்ள, பெருமாள் ( 5 விதமான கோலங்களில் - சயன கோலத்தில் உள்ள ) காட்சியினைப் பாருங்கள். இவரும், சிவனைப் போலவே, உறங்கி உறங்கா நிலையில் அனைத்தையும் பார்த்து கொண்டிருக்கிறார். கண்காணித்து கொண்டிருக்கிறார். காப்பாற்றிக் கொண்டிருக்கிறார். முடிவை, சிவனிடம் ஒப்படைத்து விடுகிறார். பூலோகத்தை மட்டுமல்ல ஈரேழு உலகத்தையும் காக்கும் பொறுப்பு இவருக்கே.

சக்தி (அம்மன்) உருவத்தினைப் பாருங்கள். கண்கள் விழித்த நிலையில் இருக்கும். வாழ்க்கை வாழ மனிதன் எப்பொழுதும் விழித்த நிலையில்,இருந்தால் தான், தவறு நேராதபடி வாழ்ந்து, இறையை அடையமுடியும். இறைவன் படைத்த உயிரணங்களுக்குண்டான சக்தியினைக் கொடுத்து விழித்த நிலையில் வாழ வைக்கிறார்.

குரு - ஆசான் - படைத்த உயிரணங்களுக்கு அறிவு கொடுக்கப்பட்டுள்ளது. அறிவை பயன் படுத்ததவன், தன் வாழ்வில், தவறுகளும், தப்புகளும் ஏற்படுகின்றன. இவர்களை, திருத்தவே, குருவாக இறைவனே ஆசானாக இருந்து வாழும் வழியை சொல்லி கொடுக்கிறார்.

இந்த கட்டுரையை எதிலோ படித்த மாதிரி இருக்கு. எனினும் நல்ல பகிர்வு. தாங்கள் எந்த கட்டுரையை எடுத்து பதித்தாலும் அந்த கட்டுரை எழுதியவர் பெயர் மற்றும் பத்திரிகை பெயரையும் சேர்க்கலாம். நல்லது.

அடுத்தவரின் கட்டுரை பிரசுரிக்கும்போது தங்களின் கருத்தினை செயல் படுத்துவேன். என்னுடைய சொந்த படைப்பு தான். என்னுடைய வழிமுறைகள் , தற்கால நடைமுறையிலிருந்து சிறிது மாறுபட்டிருக்கும். என்னுடைய குரு, எனக்கு உபதேசித்தவை.

நல்லது. நன்றி நண்பரே.