எண்ணங்கள்

mravi · mravi Mon Jul 11, 2011 9:13 pm

நாம் ஒவ்வொருவரும், அடுத்தவரை விட, எல்லா வகையிலும் உயர்வானவர்கள் என்கிற எண்ணம் ஏற்படுகிறது. இந்த எண்ணம் அதிகரிக்க, அதிகரிக்க, அது பெருமிதமாய், பெருமையாக பரிணாமம் கொள்கிறது. அடுத்தவரை விட தானே உயர்ந்தவர் என்ற தலைக்கணம் ஏற்படுகிறது. அலட்சியபடுத்துதல் உள்ளத்தில் குடிகொள்கிறது. அது அகங்காரமாக மாறுகிறது.அது கோபமாக, வெறுப்பான, அலட்சியப்படுத்தும் வார்த்தைகளாக வெளிப்பட்டு, அனைவரையும் உதாசீனபடுத்த செய்கிறது.

கொஞ்சம் கொஞ்சமாக அனைவரும் நம்மை விட்டு, விலக வைக்கிறது. நம்மை புறக்கணிக்கும் செயல் நிகழ்கிறது. வெற்றியின் வாயிலில் தோல்விகள் வந்து உட்கார்ந்து அனைத்திலும் தோல்வி நிலை ஏற்படுகிறது. வெற்றிக்கான தண்டனை தோல்வியா?

அகங்காரம், ஆணவம், கோபம், வெறுப்பு, பணிவில்லாத தன்மை, இவற்றிற்கான தண்டனையே தோல்வி.
இது நிரந்தரமா? இல்லை.நமது செயலில் உண்மை, பேச்சில் அன்பு, கண்களில் கனிவு, அடுத்தவரை மதிக்கும் தன்மை, பொறுமை, பணிவாய் இருத்தல் , இறை பக்தி கொண்டிருத்தல் ஆகையானவே மனிதனின் குணாதிசயங்களாய் இருக்க வெற்றியின் வாயிலில் தென்றலான ஏகாந்தமான ஆனந்தம் இருக்கும்.