பள்ளி மாணவிகளிடம் சினிமா பாடலுக்கு ஆட வற்புத்திய ஆசிரியர் கைது!

ரஞ்சித் · ரஞ்சித் Mon 11 Jul 2011 - 11:28

திருவண்ணாமலை அருகே குடிபோதையில், வகுப்பறையில், மாணவியரை டான்ஸ் ஆடச் சொன்ன, ஆசிரியரை போலீசார் கைது செய்தனர்.

திருவண்ணாமலை அடுத்த ஆவூர் அரசு உயர் நிலைப்பள்ளி பட்டதாரி ஆசிரியர் சுந்திரமூர்த்தி, 48. இவர், இரு ஆண்டுகளாக இப்பள்ளியில் பணிபுரிகிறார்.

மருத்துவ விடுப்பில் இருந்த ஆசிரியர் சுந்தரமூர்த்தி, நேற்று முன்தினம் பள்ளிக்கு வந்தார். மதிய உணவு இடைவேளை நேரத்தில் பள்ளியில் இருந்து வெளியில் சென்றவர், பின்னர் குடிபோதையில் வகுப்புக்கு வந்தார்.

அவருக்கு பாடம் நடத்த ஒதுக்கப்பட்ட எட்டாம் வகுப்புக்கு செல்லாமல், ஆறாம் வகுப்புக்கு சென்றார்.அங்கிருந்த மாணவியரிடம் சினிமா பாடல்களுக்கு டான்ஸ் ஆடச் சொல்லி வற்புறுத்தினார்.

அதிர்ச்சி அடைந்த மாணவியர் டான்ஸ் ஆட மறுத்தனர். இதனால், மாணவியரை அருகில் அழைத்து ஆபாசமாக பேசியுள்ளார். வெறுப்படைந்த மாணவியர், அவர்களது பெற்றோருக்கு தகவல் தெரிவித்தனர்.

கொதிப்படைந்த பெற்றோர் பள்ளியை முற்றுகையிட்டு, ஆசிரியர் சுந்தரமூர்த்தியை தாக்க முயன்றனர்.தகவல் அறிந்து பள்ளிக்கு சென்ற, மாவட்ட கல்வி அலுவலர் ஜோசப் அந்தோணிராஜ், நடந்த சம்பவம் குறித்து மாணவியரிடம் விசாரணை நடத்தி அவரை வேட்டவலம் போலீசில் ஒப்படைத்தார்.

பள்ளி தலைமையாசிரியயை (பொ) ரமாதேவி கொடுத்த புகாரின்படி, வேட்டவலம் போலீசார் விசாரித்து, சுந்தரமூர்த்தியை கைது செய்தனர்.