என் அன்பின் தரு-வாய் நீ

வேணி மோகன் · வேணி மோகன் Thu 7 Jul 2011 - 16:22

தனிதான் நான் என தனித்திருந்தேன்
தனி இல்லை நீ என இனித்திருந்தான்
தனிமை எனக்கில்லை என அணியானேன்
துணையே உனக்கில்லை என தனியானேன்

உயிரிலே விழுந்தவன், உணர்விலே கலந்தவன்
இதயத்தை நிறைத்து, என் உதயத்தை உரைத்தவன்

விழி அசைவில் என் மனம் சொல்பவன்
மொழியில்லாமலே என் உளம் கொள்பவன்

என் எண்ணங்கள் வார்த்தைகள் ஆகும் முன்
அதையே அவன் வாய்மொழி சொல்பவன்

என் தேடலும் அவனுக்காய், என் நாளின்
விடியலும் அவனுக்காய்...

என் வாழ்நாள் அவனுக்காய், நான் வாழும்
நாளெல்லாம் அவனுக்காய்..

இன்றும் நான் அவனுக்காய்...

தனிமையில் நான் தவித்திருக்க
என் தனிமைக்கு யார் துணையிருக்க??
உயிர் தொட்டுப் போனவன், இன்று
எனை விட்டுப் போனவன், என்
நெஞ்சில் உன் இடம் தட்டிப்
போனவன்.. கண்ணீரில் எனை
கொட்டிப் போனவன்..

வருவாய் நீ, என் அன்பின் வரவாய் நீ
தருவாய் நீ, என் அன்பின் தரு-வாய் நீ

திவ்யா · திவ்யா Thu 7 Jul 2011 - 16:47

என் அன்பின் தரு-வாய் நீ....தலைப்பே சொல்கிறது உங்கள் கவிதையின் விளக்கத்தை ...........(உணர்ச்சி மிகுந்த கவிதை அக்கா)......

வேணி மோகன் · வேணி மோகன் Thu 7 Jul 2011 - 16:51

உறவுக்கும், உணர்வுக்கும்
இடையே நடக்கும் உரசல்
உணர்வுகளின் கரைசல்

வரிகளை ரசித்து, பதிவை தந்த தங்கைக்கு நன்றி

அப்துல்லாஹ் · அப்துல்லாஹ் Thu 7 Jul 2011 - 17:01

உயிர் தொட்டுப் போனவன், இன்று
எனை விட்டுப் போனவன், என்
நெஞ்சில் உன் இடம் தட்டிப்
போனவன்.. கண்ணீரில் எனை
கொட்டிப் போனவன்..

வருவாய் நீ, என் அன்பின் வரவாய் நீ
தருவாய் நீ, என் அன்பின் தரு-வாய் நீ

மிக நல்ல ஒரு கவிதையை வாசித்த திருப்தி. நன்றி வேணி மோகன் ...