பெர்சே: சனிக்கிழமை நாங்கள் மெர்தேக்கா அரங்கத்தில் இருப்போம்

**சிவா** · **சிவா** Thu Jul 07, 2011 6:38 am

யார் என்ன வேண்டுமானாலும் சொல்லலாம். திட்டமிட்டபடி ஜூலை 9 இல் மெர்தேக்கா அரங்கத்தில் பேரணி நடக்கும் என்று பெர்சே பிரகடனம் செய்துள்ளது.

“அங்கு அமைதியாகக் கூடுவோம் என்ற எங்களது முடிவிலிருந்து ஒரு கணம் கூட பின்வாங்க மாட்டோம்”, என்று பெர்சேயின் வழிகாட்டி குழுவின் மொத்த 14 உறுப்பினர்களும் கையெழுத்திட்டு நேற்றிரவு வெளியிடப்பட்ட அறிக்கை கூறுகிறது.

எதிர்வரும் சனிக்கிழமை நடத்துவதற்கு திட்டமிடப்பட்டுள்ள பேரணிக்கு தெரிவிக்கப்பட்ட பொதுமக்களின் ஆதரவுக்கு எதிராக விடுக்கப்பட்ட எச்சரிக்கைகள், மருட்டல்கள் மற்றும் கடும் நடவடிக்கைகள் ஆகியவற்றை தள்ளிவைத்துவிட்டு, பெரிதும் எதிர்பார்க்கப்பட்ட பேரணி ஓர் அரங்கத்தில் நடத்த அனுமதிக்கப்படும் என்று முன்னதாக அளிக்கப்பட்டிருந்த வாக்குறுதிக்கு பிரதமர் நஜிப்பும் அவரது அமைச்சரவையும் நம்பிக்கைத் துரோகம் செய்து விட்டது குறித்து அவர்கள் ஏமாற்றம் தெரிவித்தனர்.

வருவது வரட்டும், “ஒரு நேர்மையான, நியாயமான நோக்கத்திற்காக அமைதியாக ஒன்றுகூடுவதற்கான அரசமைப்புச் சட்ட உரிமையை” பெர்சே செயற்படுத்தும் என்றும் அத்திண்மை “தடுமாற்றமற்றது” என்றும் பெர்சே பிரகடனம் செய்துள்ளது.

“எங்களுடைய அமைதியான கூட்டத்தை நடத்துவதற்கு ஓர் அரங்கம் வழங்கப்படும் என்ற அவர்களின் அளிப்பிலிருந்து பிரதமரும் அவருடைய அமைச்சரவையும் பின்வாங்கிய பாங்கு பெர்சே 2.0 க்கு ஏமாற்றத்தை அளித்துள்ளது.

“வாய்மைக் கொள்கையில் ஈடுபாடுடைய ஒரு சிவில் அமைப்பின் உறுப்பினர்கள் என்ற முறையில், நாங்கள் முழுமையாக மேன்மைதங்கிய துவாங்கு யாங்டி பெர்த்துவா அகோங் வழங்கிய ஆலோசனையின்படி நடந்துகொள்ளும் எண்ணம் கொண்டுள்ளோம். ஓர் அரங்கத்தில் கூட்டத்தை நடத்தி ஒரு தூய்மையானதும் நேர்மையானதுமான தேர்தல்கள் வேண்டும் என்பதற்கான எங்களுடைய கோரிக்கையை அறிவிப்போம்.

“இந்நிகழ்ச்சியை நடத்துவதற்கு ஏற்ற இடமாக நாங்கள் மெர்தேக்கா அரங்கத்தை, அதன் முக்கியத்துவம் மற்றும் அமைந்துள்ள இடம் ஆகியவற்றை கருத்தில் கொண்டு, தேர்வு செய்துள்ளோம். அங்கு அமைதியாகக் கூடும் எங்களுடைய முடிவிலிருந்து ஒரு கணம் கூட தடுமாற மாட்டோம்.

“பிரதமர் தான் கொடுத்த வாக்கை காப்பாற்றுபவராக இருந்தால், இந்நிகழ்ச்சி மெர்தேக்கா அரங்கத்தில் அமைதியாக நடைபெறுவதற்கு பொருத்தமான ஏற்பாடுகளைச் செய்வார்”, என்று பெர்சே அறிக்கை கூறுகிறது.

மலேசியாஇன்று

பெர்சே: சனிக்கிழமை நாங்கள் மெர்தேக்கா அரங்கத்தில் இருப்போம்

பெர்சே: சனிக்கிழமை நாங்கள் மெர்தேக்கா அரங்கத்தில் இருப்போம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக