உஷார் ரிப்போர்ட்: பெண் குருவிகள்!

பாசிலா.. சென்னைக்கு அருகேயுள்ள மாங்காட்டைச் சேர்ந்தவர். நான்கு பெண் குழந்தைகளின் தாய், படிப்பறிவுவில்லாதவர். கணவர் இறந்து போய்விட, வறுமை வாட்டியது. அன்றாட செலவுக்கே அல்லாட வேண்டிய நிலைமை! உள்ளூரில் சம்பாதிக்கும் பணத்தில் பெண்களைக் கரை சேர்க்க முடியாது என்பதால் மலேசியாவில் வீட்டு வேலைக்கு முயற்சித்தார். வேலை கடினம். ஆனால் சம்பளம் அதிகம். ஒப்புக் கொண்டார். விசா நடைமுறைகள் முடிந்து விமான நிலையத்தில் நுழையும்போது பாசிலாவிடம் பார்சல் ஒன்று கொடுக்கப்பட்டது, மலேசிய விமான நிலையத்தில் சந்திக்கும் நபரிடம் பார்சலை ஒப்படைக்கவேண்டும் பிரச்னை வராது! என ஏஜெண்ட் சொன்னதால் ஒப்புக்கொண்டார்.

ஆனால் நடந்தது என்ன தெரியுமா?

மலேசிய விமானநிலைய சோதனையின் போது பார்சலில் கேட்டமைன் என்கிற போதைப் பொருள் இருந்தது தெரிய வர, அதிர்ந்து போனார் பாசிலா, உடனடியாக கைது செய்யப்பட்டு சிறையிலடைக்கப்பட்டார். அங்கே அவருக்கு மரண தண்டனை விதிக்கப்பட்டிருக்கிறது. ரத்தத்தை ஜிலீரிட் வைக்கும் இந்த நிகழ்வு ஒரு சாம்பிள். இதேபோல் பதினைந்து நாள் விசாவில் வெளிநாடு சென்று வரும் பெண் குருவிகள் (முன்பெல்லாம் ஆண்கள் மட்டும்தான் குருவி என்ற பெயரில் போய் வந்தார்கள்) விசா காலத்துக்குப் பின்னரும் அங்கிருந்து திரும்பி வர முடியாமல் தவித்து வருதாகச் சொல்கிறார்கள். இது உண்மையா? என்பது குறித்து சென்னை தி.நகரில் உள்ள பிரபல டிராவல்ஸ் நிர்வாக இயக்குனர் பாத்திமா முசாபரிடம் பேசினோம். ஆமாம் பெண்கள் குருவிகளாகச் செயல்பட ஆரம்பித்திருப்பது சமீப காலமாகத்தான்.

பொதுவாக படிப்பறிவு இல்லாத வறுமையில் வாடும் பெண்கள்தான் வெளிநாட்டில் வீட்டு வேலைக்குச் செல்கின்றனர். அடுத்து வெளிநாட்டில் வேலை வாங்கித் தரும் ஏஜெண்ட் (முகவர்) விமான நிலையம் வரை வழியனுப்ப வருவார். விமானம் ஏறுவதற்கு சற்று நேரம் முன்பு அவசரமாக ஏதேனும் ஒரு பார்சலைக் கொடுப்பார் எப்படியாவது வேலை கிடைத்தால் போதும் என்கிற எண்ணத்தில் இருக்கும் பெண்களால் அதனைத் தவிர்க்க முடியாது. கவனம் குறைவனாலும் சிக்கல் வரும் ஆபத்து அதிகம் என்கிறார் பாத்திமா.

குருவியாக 15 நாட்கள் டிராவல்ஸ் விசாவில் வெளிநாடு செல்லும் பெண்களால் குறிப்பிட்ட காலத்துக்குள் திரும்ப முடிவதில்லை. அடுத்த அந்த பெண்களுக்கு அங்கே செக்ஸ் டார்ச்சர் கொடுக்கப்படுவதாகவும் சொல்லப்படுகிறது. இப்படி வெளிநாடுகளில் சித்திரவதை அனுபவிக்கும் தமிழ்ப் பெண்களின் எண்ணிக்கை சில ஆயிரங்கள் இருக்குமாம். சரி, இவற்றைச் சமாளிக்க வழிகள் உண்டா? விசா உண்மையா என்பதைத் தெரிந்து கொள்வது எப்படி? என்பது குறித்து பாஸ்போர்ட் அலுவலக அதிகாரி ஒருவரிடம் கேட்டோம். வழக்கமாக வெளிநாடு செல்பவர்கள் விசா உண்மையானதா என்பதை அந்தந்த நாட்டுத்தூதரக வெப் சைட்டுகளில் செக் செய்யலாம். இதற்கென்றே ஆன்-லையன் வசதி இருக்கு துதரகத்துக்கு நேரில் சென்றும் க்ளியர் செய்து கொள்ளலாம். இதற்காக தூதரங்களில் விசா ஃபெஸிலிட்டி சர்வீஸ் நடைமுறையில் உண்டு ஒகே! போதைப் பொருள் கடத்தலுக்கு என்ன தண்டனை? சென்னை உயர்நீதிமன்ற வழக்கறிஞர் சுரேஷ் சொல்கிறார்: தமிழ்நாட்டில் ஆறு மாதம் முதல் ஏழு ஆண்டுகள் வரை கடுங்காவல் தண்டனை உண்டு. ஆனால் வெளிநாடுகளில் கசையடி அல்லது மரணதண்டனை விதிக்கப்படும்.

-எஸ்.அன்வர் @ குமுதம்

ஜாக்கிரத ஜாக்கிரத கஞ்சா பார்சல் ஜாக்கிரத

பாவம் ,, வெளிநாட்டில் வேலை செய்ய வேண்டும் என்ற எண்ணத்தில் இப்படி சிக்கி தவிக்கின்றனர்....
எவ்வளவோ வேலைகள் இங்கேயே உண்டு,,,,அதை விட்டுவிட்டு இப்படி சென்று ஏன் அவதி பட வேண்டும்....
இனிமேலாவது சிலரேனும் இந்த செய்தியை கேட்டு திருந்தட்டும்....