ஒரு லட்சம் கோடி தங்கப் புதையல் - கேரளாவில்

அப்துல்லாஹ் · அப்துல்லாஹ் Mon Jul 04, 2011 3:05 pm

2G ஸ்பெக்ட்ரம் அலைக்கற்றை ஒதுக்கீட்டில் நடந்த முறைகேடுகளால் அரசுக்கு 1 லட்சத்து 76 ஆயிரம் கோடி ரூபாய் அளவுக்கு இழப்பு ஏற்பட்டதாகச்சொல்லப்பட்டது.ஏறத்தாழ இதன் பாதியளவு மதிப்பிலான பொக்கிஷங்கள் திருவனந்தபுரம் பத்மநாபசாமி கோவில் பாதாள அறைகளில் கண்டுபிடிக்கப்பட்டுள்ளதால் கோவில் பாதுகாப்பை ராணுவத்திடம் ஒப்படைக்க வேண்டும் என்று, கோவில் ஊழியர்கள் சங்கத்தினர் கோரிக்கை விடுத்துள்ளனர்

பத்மநாபசாமி கோவிலிலுள்ள ரகசிய அறைகளில் தங்கம், வெள்ளி மற்றும் விலை உயர்ந்த வைரம், வைடூரியம் நகைகள்,தங்க மாலைகள், தங்க நாணய குவியல்கள்,சாமி சிலை உள்ளிட்டவை கண்டெடுக்கப்பட்டு அவற்றின் விவர பட்டியல் தயாரிக்கப்பட்டு வருகிறது. கொள்ளை முயற்சியை தடுக்கும் விதமாக கோவிலுக்கு 3 அடுக்கு பாதுகாப்பு ஏற்பாடுகள் செய்யப்பட்டு கண்காணிப்பு கேமராக்கள் அமைக்க நடவடிக்கை மேற்கொள்ளப்பட்டு வருகிறது.

விலை மதிப்பற்ற பொக்கிஷங்கள் கோவிலில் இருப்பது வெளியான சூழ்நிலையில் கோவிலின் பாதுகாப்பை ராணுவத்திடம் ஒப்படைக்க வேண்டும் என்று பத்மநாபசாமி கோவில் ஊழியர்கள் சங்க பொதுச்செயலாளர் ஜி.என்.போற்றி, தலைவர் எஸ்.கே.விஜயசங்கர் ஆகியோர் கோரிக்கை விடுத்துள்ளனர்.

inneram

அப்துல்லாஹ் · அப்துல்லாஹ் Mon Jul 04, 2011 3:10 pm

பத்மநாபசாமி கோவிலிலுள்ள ரகசிய அறைகளில் தங்கம், வெள்ளி மற்றும் விலை உயர்ந்த வைரம், வைடூரியம் நகைகள்,தங்க மாலைகள், தங்க நாணய குவியல்கள்,சிலைகள் உள்ளிட்டவை கண்டெடுக்கப்பட்டுள்ள நிலையில் அவற்றை கொள்ளையடிக்க வெளிநாட்டு அமைப்புகளும், எதிரி நாடுகளும் முயற்சி மேற்கொள்ளும் வாய்ப்புகள் உள்ளதாகச் சொல்லப்படுகிறது.

நிதிக்குவியல் பாதுகாத்து வைக்கப்பட்டுள்ள ரகசிய அறைகளுக்கு செல்வதற்கான வரைபடங்கள் ஊடகங்களில் வெளியிடப்பட்டதால் கோவில் பாதுகாப்புக்கு அச்சுறுத்தல் அதிகரித்துள்ளது'' என்று பத்மநாபசாமி கோவில் ஊழியர்கள் தெரிவித்தனர்.

நாட்டில் பஞ்சம் ஏற்படும்போது பயன்படுத்துவதற்காக திருவிதாங்கூர் அரச குடும்பம் நூற்றாண்டுகளாக சேமித்து வைத்திருந்த நிதிக்குவியலின் உரிமை பத்மநாபசாமிக்கு உள்ளதாக இருக்க வேண்டும் என்று ஸ்ரீகண்டேஸ்வரம் கவுன்சிலர் பி.ராஜேந்திரன் அரசுக்கு கோரிக்கை வைத்துள்ளார்.

இந்நிலையில் கோவில் சொத்துக்களை அங்கேயே பாதுகாத்து இந்துக்களின் நன்மைக்காக பயன்படுத்தவேண்டும். இதை அரசு கையகப்படுத்த முயன்றால் அனைத்து சக்திகளையும் ஒன்றுதிரட்டி எதிர்ப்பு தெரிவிக்கப்படும் என்றும் இந்து ஐக்கிய வேதி அமைப்பு பொதுச்செயலாளர் கும்மனம் ராஜசேகரன் கூறி இருக்கிறார்.

கண்டுபிடிக்கப்பட்டுள்ள கலைநயமிக்க ஆபரணங்கள் மற்றும் பொக்கிஷங்களை அருங்காட்சியகம் அமைக்க வேண்டும் என்றும் அரசுக்கு கோரிக்கை விடப்பட்டு உள்ளது. தற்போது திருவிதாங்கூர் மன்னர் பொறுப்பிலுள்ள உத்திராடம் திருநாள் மார்த்தாண்டவர்மா இந்த சர்ச்சைகள் குறித்து, தான் எதுவும் சொல்வதற்கில்லை என்று தெரிவித்தார்."நீதி, நியாயப்படி இதுகுறித்து ஒன்றும் பேசக்கூடாது. கண்களால் மட்டும் பேசலாம்'' என்று மட்டும் அவர் கூறினார்.

**உமா** · **உமா** Mon Jul 04, 2011 3:13 pm

இந்த பதிவைத் துவங்கியவர் நன்றி கூறியுள்ளார் உமா

ரேவதி · ரேவதி Mon Jul 04, 2011 3:56 pm

dsudhanandan · dsudhanandan Mon Jul 04, 2011 4:04 pm

வெள்ளையர்களிடமிருந்து பாதுக்காகவே இப்படி மறைத்து வைத்திருக்கலாம் என் ஓர் கருத்தும் நிலவுகிறது.

SK · SK Mon Jul 04, 2011 4:09 pm

ஒரு லட்சம் கோடி தங்கப் புதையல் - கேரளாவில் Sonia-gandhi3

இப்போ இது போன்ற கொள்ளையர்களிடம் இருந்து எப்படி காப்பது

மஞ்சுபாஷிணி · மஞ்சுபாஷிணி Mon Jul 04, 2011 5:09 pm

யாராச்சும் திருடிட்டு போயிருவாங்களா? அதிர்ச்சி

அப்துல்லாஹ் · அப்துல்லாஹ் Mon Jul 04, 2011 5:18 pm

மஞ்சுபாஷிணி wrote:யாராச்சும் திருடிட்டு போயிருவாங்களா?

ஏன் ஏதாவது பிளான் இருக்கிறதா சகோதரி...தங்கம் என்கிறதால கொஞ்சம் ஜாக்கிறதையாகத் தான் பாதுகாக்க வேண்டியிருக்கும்...
நான் காவலாளியா இருந்திருந்தால் .... நெனக்கவே சுகமாய் இருக்கு...
சே வட போச்சே ....

murugesan · murugesan Mon Jul 04, 2011 6:11 pm

இது குறித்த வீடியோ அல்லது போட்டோ ஏதாவது வெளியிட்டிருக்காங்களா? அப்படி வெளியிட்டிருந்தால் கொஞ்சம் எனக்கும் காட்டுங்களேன்.... ஆசயா இருக்கு..

றினா · றினா Mon Jul 04, 2011 11:48 pm

இவ்வளவு காலமும் பாதுகாக்கப் பட்ட பொருட்களை
வெளி உலகிற்கு வெளிப்படுத்தி இருப்பதும் கடவுளின் செயலாகக்கூட இருக்கலாம்.
இது பாதுகாக்கப்பட்டதான் நோக்கம் சரியாக அமைந்தால் சரி.
எது நடந்தாலும் அதனால் நன்மை விளைந்தால் சரி.