கரம் நீட்டும் மாதா வேண்டும்

ஹாசிம் · ஹாசிம் Sat 2 Jul 2011 - 17:44

எனை ஈன்றவளே உனக்குப் புரிந்திருக்குமா
இந்தப் பொல்லாத கொடுமையினை
வீதியில் விட்டுச்செல்வதற்கேன்
வீணாக ஈன்றெடுத்தாய்

பசியெடுக்கும் உடலோடு
பகலிரவாய் தவிக்கிறேனே
பாழ்பட்ட மனிதர்களுள்
பாவிகளைத்தான் காண்கிறேனே

கோடி கொடுத்துக் காக்கின்ற நாயை விட
கேவலமாக மதிக்கப்படும் மனிதங்களாக
அப்பாவிகளிங்கு அல்லல்படுகிறதென்று
உரக்கக்கதறியும் கேட்கவில்லையாருக்கும்

கொட்டிவிடும் உணவுகளைக் கூட
ஏந்திநிற்கும் குழந்தையெனக்கு கொடுத்திட
இரங்காத மனங்களைக் காண்கிறேன்
இரக்கமின்றியேன் எனையும் தவிக்கவிட்டாய்

அப்பா முகம் தெரியவில்லை
ஆதரவுக்கென்று யாருமில்லை
அனாதரவுடன் அவதியுறுகிறேன்
அம்மா நீ.......... எங்கிருக்கிறாய்

என்போன்ற பலநூறு ஏழைகளோடு
என்நிலையும் மாறிடுமா??
கரம் நீட்டும் மாதாவொன்றினை
காட்டிவிடு படைத்தவனே.....

**அருண்** · **அருண்** Sat 2 Jul 2011 - 21:33

அப்பா முகம் தெரியவில்லை
ஆதரவுக்கென்று யாருமில்லை
அனாதரவுடன் அவதியுறுகிறேன்
அம்மா நீ.......... எங்கிருக்கிறாய்

நெகிழ வைக்கிறது கவிதை அண்ணா! ஈழம் நிலை மாறவேண்டும் என்று இறைவனை வேண்டிக்கொண்டு தான் இருக்கிறேன் சீக்கிரம் மாறி விடும் அண்ணா!

அசுரன் · அசுரன் Sat 2 Jul 2011 - 23:39

இது குறித்து எனக்கு ஒரு கனவு உண்டு ஹாசீம். இந்த கவிதையை படித்தவுடன் என் மனம் ஏனோ அழுகிறது. சோகம்

ஹாசிம் · ஹாசிம் Sun 3 Jul 2011 - 10:41

அருண் wrote:
அப்பா முகம் தெரியவில்லை
ஆதரவுக்கென்று யாருமில்லை
அனாதரவுடன் அவதியுறுகிறேன்
அம்மா நீ.......... எங்கிருக்கிறாய்

நெகிழ வைக்கிறது கவிதை அண்ணா! ஈழம் நிலை மாறவேண்டும் என்று இறைவனை வேண்டிக்கொண்டு தான் இருக்கிறேன் சீக்கிரம் மாறி விடும் அண்ணா!

நன்றி அருண்