இன்னமும் இருக்கிறது ஒரு வண்ணத்துப் பூச்சி.

**rameshnaga** · **rameshnaga** Fri Jul 01, 2011 6:31 pm

என் பதின்... வயதின் மத்திகளில்..
என் மனசுக்குள் மல்லாந்தது ஒரு பட்டாம் பூச்சி.
எந்தப் பறவையின் முட்டையால் அது எனக்குள்..
முளைத்தது என்று இன்று வரை தெரியவில்லை.
அதற்குச் சிறகுகள் முளைத்த நாள் முதலாய்..
சீறிச் சீறி அமர்ந்தது அது.. என் கண்கள் அமர்ந்த எல்லாப் பூக்களிலும்.
இரவுகளில் தன் கூடடையாமல்.. என்னைக் குளிராமல் காத்தது.
பின்னொரு நாளில்..நான் அறியாமலேயே மரித்து விட்டது.
என்றாலும்-அது பீனிக்ஸ் பறவை போல--
தன் சாம்பலில் இருந்து உயிர்த்தெழுந்து..
தன் சிறகுகளை அவ்வப்போது அசைத்துக் காட்டுவதை மட்டும்
நான் சொல்வதேயில்லை..என் மனைவியிடம்.