ரபிக்கு ஜெயலலிதா, இப்படிக் கொடுத்தாரே!

தாமு · தாமு Thu 30 Jun 2011 - 17:57

சென்னை, இந்தியா: அ.தி.மு.க.வின் ராஜ்யசபா வேட்பாளராக, ஏ. வில்லியம் ரபி பெர்னார்ட்டை, அக்கட்சி பொதுச் செயலாளான தமிழக முதல்வர் ஜெயலலிதா அறிவித்துள்ளார். இந்தப் பதவிக்கான இடைத்தேர்தல், ஜூலை 22ம் தேதி நடைபெற உள்ளது.

ராஜ்யசபா எம்.பி.,யாக இருந்த அ.தி.மு.க.வைச் சேர்ந்த கே.வி.ராமலிங்கம், தனது பதவியை ராஜிநாமா செய்ததையடுத்தே ராஜ்யசபா எம்.பி. பதவி காலியாகியுள்ளது. கே.வி.ராமலிங்கம், தமிழக சட்டசபை தேர்தலில் போட்டியிட்டு எம்.எல்.ஏ.யாகி, பின்னர் பொதுப்பணித் துறை அமைச்சராகவும் பொறுப்பேற்றுள்ளார்.

முதல்வர் ஜெயலலிதாவால் வேட்பாளராக்கப்பட்ட ரபி பெர்னார்ட், ஆரம்பத்தில் சன் டீ.வி.யில் அரசியல் நிகழ்ச்சிகளை தொகுத்து வழங்கிப் பிரபல்யமடைந்தவர். சன் டீ.வி.யில் அவரது அரசியல் நிகழ்ச்சி பிரபலமாகப் போய்க்கொண்டிருந்த நிலையில் அவருக்கும், கலாநிதி மாறனுக்குமிடையே மனக்கசப்பு ஏற்பட்டது.

அந்த மோதலால் சன் டீ.வி.யிலிருந்து வெளியேறி, தொழிலதிபர் விஜய் மல்லையா நடத்திய விஜய் டி.வி.யில் டைரக்டராக இணைந்து கொண்டார் ரபி பெர்னார்ட். பின்னர், ஜெயா டி.வி.யில் அரசியல் நிகழ்ச்சிகளை தொகுத்து வழங்கி வருகிறார்.

சமீபத்தில் ஜெயலலிதாவின் முதல்வர் பதவியேற்பு நேரடி தொகுப்பு நிகழ்ச்சியை, தொகுத்து வழங்கியவர் இவர்தான். அதற்கான பரிசுதான் ஜெயலலிதா வழங்கியுள்ள இந்த ராஜ்யசபா வேட்பாளர் அறிவிப்பு என்று அ.தி.மு.க. வட்டாரங்களில் கூறப்படுகின்றது.

விவி