அரசாங்கத்தின் போர் குற்றங்கள் தொடர்பான செய்மதிப்படங்கள் அமெரிக்க அமைப்பினால் சேகரிப்பு

மீனு · மீனு Sun Sep 13, 2009 11:40 pm

ஞாயிற்றுக்கிழமை, 13 செப்ரெம்பர் 2009

இலங்கை அரசாங்கத்தினால், தமிழ் மக்களுக்கு எதிராக திட்டமிட்டு நடத்தப்பட்ட போர்க்குற்றங்கள் தொடர்பான செய்மதிப்படங்களை, அமெரிக்காவை தளமாக கொண்டு இயங்கும் இனப்படுகொலைக்கு எதிரான தமிழர்கள் அமைப்பு ஒன்று சேகரித்து வருகிறது.

இந்த மோதல்களின் போது சுமார் 20000 பொது மக்களுக்கும் அதிகமானவர்கள் கொல்லப்பட்டமைக்கான ஆதாரங்களை, ஆய்வாளர்களின் துணை கொண்டு இந்த புகைப்படங்கள் ஊடாக திரட்டவிருப்பதாக தெரிவிக்கப்படுகிறது.
செய்மதிப் படங்களை ஆதாரமாகக் கொண்டு இலங்கை உயரதிகாரிகளுக்கு எதிராக அமெரிக்க நீதிமன்றில் வழக்குத் தாக்கல் செய்ய திட்டமிடப்பட்டுள்ளதாக இனப்படுகொலைகளுக்கு எதிரான தமிழர்கள் அமைப்பு தெரிவித்துள்ளது.

அமெரிக்க பிரஜையான பாதுகாப்புச் செயலாளர் கோதபாய ராஜபக்ஷ மற்றும் அமெரிக்க குடியுரிமையுடைய முன்னாள் இராணுவத் தளபதி சரத் பொன்சேகா ஆகியோருக்கு எதிராக வழக்குத் தொடரவும் திட்டமிடப்பட்டுள்ளது.

யுத்தம் முடிவடைந்ததாக அறிவிக்கப்பட்ட மே மாதம் 18ம் திகதிக்கு முன்னரும், அதற்கு பின்னரும் இடம்பெற்ற யுத்தக் குற்றச் செயல்கள் குறித்த ஆதாரங்கள் திரட்டப்பட்டு வருவதாகத் தெரிவிக்கப்படுகிறது.

யுத்த சூன்ய வலயம் மற்றும் வைத்தியசாலை கட்டிடங்கள் மீது நடத்தப்பட்ட தாக்குதல் தொடர்பான தகவல்கள் கிடைக்கப் பெற்றுள்ளதாக அந்த அமைப்பு குறிப்பிட்டுள்ளது.

யுத்தக் குற்றச் செயல்களில் ஈடுபட்டவர்களுக்கு எதிராக அமெரிக்க சட்ட திட்டங்களுக்கு அமைவாக வழக்குத் தொடர முடியும் என்பது குறிப்பிடத்தக்கது.

ரூபன் · ரூபன் Sun Sep 13, 2009 11:42 pm

எமக்கான காலம் சிறிது சிறிதாக கனிந்து வருவதாக உணருகின்றேன்

அரசாங்கத்தின் போர் குற்றங்கள் தொடர்பான செய்மதிப்படங்கள் அமெரிக்க அமைப்பினால் சேகரிப்பு

அரசாங்கத்தின் போர் குற்றங்கள் தொடர்பான செய்மதிப்படங்கள் அமெரிக்க அமைப்பினால் சேகரிப்பு

Re: அரசாங்கத்தின் போர் குற்றங்கள் தொடர்பான செய்மதிப்படங்கள் அமெரிக்க அமைப்பினால் சேகரிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக