தீரா வலியுடன் எனது பறவை....

**rameshnaga** · **rameshnaga** Wed Jun 29, 2011 4:18 pm

இன்றும் -எனக்காகக் காத்திருந்தது மரணம்.
நீங்கள்-இன்னமும் படிக்காத என் கவிதைகள் ..
காத்திருக்கின்றன...
எனது மரணத்தில்...என்னோடு இணைவதற்கு.
எனது..இன்றைய காயங்களின் வலி..
நாளையும் தொடரும்..நான் விரும்பாவிட்டாலும்.
ஒரு முட்டைக்குள்..தன் சிறகுகளோடு
பதுங்கி இருந்தது ...என் எதிர்காலம்.
அடைகாக்கப்பட்டாலும் ..அழிவின் வலியோடு..
வாழ்ந்து கொண்டிருந்தது..அது.
பிறகு..வெளிவரும் நாளில்..
தனது..மருந்தற்ற காயங்களுடன் சிறகசைக்கிறது..
எனது பறவை..தன் தீரா வலிகளுடன்.
இப்பொழுதுதான் தோன்றுகிறது..
நான் என் கடவுளோடு இருந்திருக்கலாம்..
உங்களை நம்பிக்கையுடன் பார்ப்பதற்கு.