இங்கிலாந்து அணியிடம் இலங்கை 110 ரன்னில் படுதோல்வி

ஈகரை தமிழ் களஞ்சியம் :: செய்திக் களஞ்சியம் :: விளையாட்டு செய்திகள்

Page 1 of 1 •

இங்கிலாந்து அணியிடம் இலங்கை 110 ரன்னில் படுதோல்வி

#566278

ராமகிருஷ்ணன்
இளையநிலா: பதிவுகள் : 259
இணைந்தது : 18/06/2011

Post ராமகிருஷ்ணன் Wed Jun 29, 2011 4:04 pm

இலங்கை கிரிக்கெட் அணி இங்கிலாந்தில் சுற்றுப்பயணம் செய்து விளையாடி வருகிறது. 3 டெஸ்ட் போட்டிக் கொண்ட தொடரை இங்கிலாந்து 1-0 என்ற கணக்கில் கைப்பற்றியது. ஒரே ஒரு 20 ஓவர் போட்டியில் இலங்கை 9 விக்கெட்டில் வெற்றி பெற்றது.

5 ஒருநாள் போட்டித் தொடரில் முதல் ஆட்டம் ஓவலில் நேற்று பகல்- இரவாக நடந்தது. இங்கிலாந்து அணி முதலில் பேட்டிங் செய்தது. ஆட்டம் மழையால் பாதிக்கப்பட்டது. இதனால் 32 ஓவர்களாக போட்டி குறைக்கப்பட்டது.

இங்கிலாந்து அணி 32 ஓவரில் 8 விக்கெட் இழப்புக்கு 229 ரன் குவித்தது. தொடக்க வீரரும், விக்கெட் கீப்பருமான கிரேக் குவிஸ் வெட்டர் 61 ரன்னும், மார்கன் 45 ரன்னும் எடுத்தனர். இலங்கை அணி தரப்பில் மலிங்கா 3 விக்கெட்டும், லக்மல் 2 விக்கெட்டும் கைப்பற்றினார்கள்.

இலங்கை அணிக்கு 32 ஓவரில் 232 ரன் இலக்கு நிர்ணயிக்கப்பட்டது. ஒரு ஓவருக்கு 7.15 ரன் எடுத்தால் வெற்றி என்ற கடினமான இலக்குடன் இலங்கை விளையாடியது. இங்கிலாந்து வீரர்களின் அபாரமான பந்துவீச்சால் இலங்கை விக்கெட்டுகள் மளமளவென்று சரிந்தன. அந்த அணி 27 ஓவரில் 121 ரன்னில் சுருண்டது.

இதனால் இலங்கை அணி 110 ரன் வித்தியாசத்தில் படுதோல்வியை தழுவியது. பந்து வீச்சாளரான மலிங்காதான் அதிகபட்சமாக 26 ரன்னும், ரந்தீவ் 24 ரன்னும் எடுத்தனர்.

இங்கிலாந்து தரப்பில் ஆண்டர்சன் 4 விக்கெட்டும், சுவான் 3 விக்கெட்டும் கைப்பற்றினார்கள். ஜெயசூர்யா தனது கடைசி ஒருநாள் போட்டியில் 2 ரன்களே எடுத்தார். இந்தப் போட்டியோடு அவர் ஓய்வு பெற்றார்.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: விளையாட்டு செய்திகள்

Page 1 of 1