சாலமன் பாப்பையா பேச்சு : திமுகவினர் அதிர்ச்சி

கோவை ராம் · கோவை ராம் Tue Jun 28, 2011 6:04 pm

மதுரையில் டாக்டர் கு. கண்ணன் எழுதி தொகுத்த திருக்குறள் (தமிழ், ஆங்கிலம், ஹிந்தி உரைகள் தொகுப்பு) நூல் வெளியீட்டு விழாவில் பேராசிரியர் சாலமன்பாப்பையா பங்கேற்று வாழ்த்துரை வழங்கினார்.

அப்போது அவர், ‘’ தமிழகத்திலிருந்து வெளிநாட்டவர் மிளகு, முத்து ஆகிய பொருள்களையே தங்கள் நாட்டுக்கு எடுத்துச் சென்று வந்துள்ளனர். அவற்றையே, தமிழகத்தில் கிடைக்கும் அரிய சொத்தாகவும் அவர்கள் கருதி வந்தனர்.

ஆனால், தமிழகத்துக்கு வந்த வீரமாமுனிவர் மட்டுமே, திருக்குறளை லத்தீன் மொழிக்கு எடுத்துச் சென்றார்.

அதன்பிறகே, தமிழகத்தில் அரிய சொத்தாக திருக்குறள் போன்ற நூல்கள் இருப்பதை, வெளிநாட்டறிஞர்கள் தெரிந்து கொண்டுள்ளனர்.

அதன்பிறகுதான், பிரெஞ்சு உள்ளிட்ட வெளிநாட்டு மொழிகளில் திருக்குறள் மொழி பெயர்க்கப்பட்டுள்ளது. ஆங்கிலத்தில் 35-க்கும் மேற்பட்ட பதிப்புகளில் திருக்குறள் மொழி பெயர்க்கப்பட்டுள்ளது.

தமிழை ஹிந்தி அழித்துவிடும் என நடந்த பிரச்சாரத்தால், தமிழகத்தில் ஹிந்தி கற்பது தடைபட்டது.

ஹிந்தி தமிழை அழித்துவிடும் எனக் கூறியே, ஹிந்தி எதிர்ப்பு பிரச்சாரம் நடந்தது. ஆனால், தற்போது ஆங்கிலம்தான் தமிழை அழித்து வருகிறது.

ஹிந்தியை, நமது தமிழர்கள் கடந்த 30 ஆண்டுகளுக்கு முன்பு கற்றிருந்தார்கள் என்றால், இப்போது வடஇந்திய அரசியலில் மதிப்பு மிக்கவர்களாக தமிழர்கள் விளங்கியிருக்க முடியும். ஹிந்தியை கற்காமல்போனது இழப்புத்தான்.

தற்போது திருக்குறள் உரை நூலில் தமிழ், ஆங்கிலம் ஆகியவற்றுடன் ஹிந்தி உரையைப் புகுத்தி இருப்பது சிறப்பாகும்’’ என்று தெரிவித்தார்.

இந்தி எதிர்ப்பு பிரச்சாரம்தான் திமுகவின் அடித்தளம். இப்படியிருக்க திமுகவின் அபிமானி பேராசிரியர் சாலமன் பாப்பையா இப்படி பேசியிருப்பது திமுகவினரிடையே அதிர்ச்சியை ஏற்படுத்தியிருக்கிறது.

நன்றி நக்கீரன்

ராம்

உதயசுதா · உதயசுதா Tue Jun 28, 2011 6:08 pm

காலம் கடந்து இந்த உண்மைய சொல்லி இருக்கும் ஐயா அவர்களுக்கு என் தலை தாழ்ந்த வணக்கங்கள்.இத முன் கூட்டியே சொல்லி இருந்த உங்க கிட்ட படிச்சா மாணவர்களாச்சும் ஹிந்தி படிச்சு இருப்பாங்க இல்ல

அசுரன் · அசுரன் Tue Jun 28, 2011 6:38 pm

உண்மையை தானே சொல்லியிருக்கிறார். சபாஷ்

murugesan · murugesan Tue Jun 28, 2011 7:12 pm

இந்தி எதிர்ப்பில் கலந்து கொண்ட தலைவர்களின் வாரிசுகள் இந்தியை நன்றாக கற்றுக்கொண்டு விட்டார்கள். தொண்டர்களின் பிள்ளைகள்தான் கொடிபிடிக்க
தேவைபடுவார்கள் என்று இந்தியை வேண்டாம் என்று ஒதுக்கி தள்ளினார்கள்.
இது அனைத்து தமிழனுக்கும் தெரியும்.. அய்யா பாப்பையா அவர்களே உங்களுக்கு எங்கள் நன்றி..

**கே. பாலா** · **கே. பாலா** Tue Jun 28, 2011 7:15 pm

சாலமன் பாப்பையா பேச்சு : திமுகவினர் அதிர்ச்சி 224747944

சாலமன் பாப்பையா பேச்சு : திமுகவினர் அதிர்ச்சி 678642

**அருண்** · **அருண்** Tue Jun 28, 2011 7:18 pm

உண்மையை இப்பவாது உரைத்ததுக்கு

jesudoss · jesudoss Tue Jun 28, 2011 7:31 pm

தமிழ் நாட்டை தாண்டி பாருங்கள். ஹிந்திஈன் அருமை புரியும்.
ஹிந்திஐ மட்டும் தமிழ் நாடு மக்கள் கற்று இருந்தால் இன்று தமிழ் நாட்டில் இருந்து இந்தியா பிரதமர் உருவாகி இருக்கலாம்...

தையவு செய்து பிள்ளைகளை ஹிந்தி படிக்க சொல்லுங்கள

கல்ஃப் நாடுகளில் வேலைக்கு செல்வோருக்கு ஹிந்தி கட்டாய்யம் தேவை.
சௌதி அரபியாவில் அரபிக்காரன் ஹிந்தி பேசுகிறான். இந்த அவலத்தை எங்கே போயி சொல்வது...
சாலமன் பாப்பையா பேச்சு : திமுகவினர் அதிர்ச்சி 56667