மனைவி அவமானப்படுத்தியதால் 3 பேரை குத்தி கொன்றேன்: கைதான தொழிலாளி வாக்குமூலம்

வியாசர்பாடி ஏ. கல்யாணபுரத்தைச் சேர்ந்தவர் யோகேஷ் என்கிற யோகராஜ் (வயது 33). கூலித் தொழிலாளி. இவரது மனைவி ருக்மணி (30). யுவராஜ், தீபிகா 2 குழந்தைகள் உள்ளனர். யோகராஜூக்கு குடிப்பழக்கம் உண்டு. தினமும் குடித்து விட்டு மனைவியுடன் தகராறு செய்வார்.

நேற்று முன்தினம் குடிபோதையில் மனைவியுடன் தகராறு செய்தார். அப்போது ஏற்பட்ட வாக்குவாதத்தில் மனைவி ருக்மணி மற்றும் 2 குழந்தைகளை கழுத்தை நெரித்து யோகராஜ் கொலை செய்தார். பின்னர் 3 பேர் பிணங்களையும் வீட்டில் வைத்து பூட்டி விட்டு தப்பி விட்டார்.

இந்த கொலை சம்பவம் வியாசர்பாடியில் பெரும் பரபரப்பை ஏற்படுத்தியது வியாசர்பாடி போலீசார் 3 பேர் பிணங்களையும் கைப்பற்றி விசாரணை நடத்தினர். விசாரணையில் 3 பேரை கொன்றது யோகராஜ் என்பதும் அவர் திருப்பதி தப்பி சென்றதும் தெரிய வந்தது. அவரை போலீசார் கைது செய்தனர்.

மனைவி, 2 குழந்தைகளை கொலை செய்தது ஏன்? என்பது குறித்து யோகராஜ் போலீசில் வாக்குமூலம் அளித்தார். அவர் கூறியதாவது:-

வெள்ளிக்கிழமை காலை எனக்கும் எனது மனைவிக்கும் வாய்த்தகராறு ஏற்பட்டது. அப்போது அவள் என்னை அவமானப்படுத்தி திட்டினாள். இது எனக்கு ஆத்திரத்தை ஏற்படுத்தியது. அவளை அடித்தேன். அப்போதும் என்னை அசிங்கமாக திட்டினாள். இதனால் அவள் கழுத்தை பிடித்து நெரித்து கொன்று விடுவேன் என்று மிரட்டினேன். அதற்கு அவர் நீ சரியான ஆம்பிள்ளை என்றால் என்னை கொன்று பார் என்றாள்.

ஆத்திரம் அடைந்த நான் சமையல் அறையில் இருந்து கத்தியை எடுத்து வந்து அவளது மார்பில் குத்தினேன். பின்னர் கொடி கட்டியிருந்த டெலிபோன் வயரை எடுத்து அவளது கழுத்தை நெரித்தேன். அவள் துடிதுடித்து கட்டிலில் இருந்து கீழே விழுந்தார். நான் விடாமல் கழுத்தை நெரித்து கட்டில் காலில் கயிற்றால் கட்டினேன். பின்னர் தற்கொலை செய்யும் முடிவில் நான் அதே வயரில் தூக்கில் தொங்கினேன். ஆனால் கயிறு அறுந்து விழுந்தது. அப்போது என் குழந்தைகள் அழுதது. அவர்கள் அனாதையாகி விடுவார்கள் என கருதி அவர்களையும் கழுத்தை நெரித்து கொன்று மின்விசிறியில் தொங்க விட்டேன்.

அப்போது வெளியில் யாரோ வரும் சத்தம் கேட்டது. நான் வெளியில் எட்டிப்பார்த்தேன். யாரும் இல்லை. இதுதான் சரியான நேரம் என்று கருதி வீட்டில் இருந்து தப்பினேன். நேராக திருப்பதி சென்றேன். மேல் திருப்பதியில் வைத்து எனது தம்பியுடன் செல்போனில் பேசினேன். உன் அண்ணியை கொன்று விட்டேன் என்று கூறினேன்.பின்னர் கீழ் திருப்பதி வந்து மீண்டும் ஒருமுறை பேசினேன். அப்போது போலீசார் என்னை பிடித்து விட்டனர்.

இவ்வாறு யோகராஜ் கூறினார்.

மாலை மலர்

அட நாசமா போறவனே.மூணு பேரை கொன்ற நீ எதுக்காக இனி உயிர் வாழ போகிறாய்.நீயும் செத்து போ

ஈவு இரக்கம் இல்லாத ஜென்மம் ................