கவிதைகள்

**சிவா** · **சிவா** Mon 27 Jun 2011 - 10:18

பூக்கள் பூக்களே

வேலிக்காக சாலையோரம்
வெட்டப்பட்டு வீழ்ந்த
செம்பருத்தி கிளைகளில்
பூக்கள்
வாகனங்கள் வாரியிறைத்த
புழுதியில் குளித்தும்
சருகாகும் வரை
சிரிக்கவே சிரிக்கின்றன
சின்னஞ்சிறு குழந்தைகளாய்!

- சு.ஸ்ரீவித்யா, போத்தனூர்

இலவசம்

தாலிக்கு தங்கம்
இலவசமாய் கிடைத்தாலும்
கிடைப்பதில்லை இலவசமாய்
தாலிகட்டும் கணவன் மட்டும்

-ஏ.டி.தமிழ்மணி, தளிகைவிடுதி.

கடல்

உப்பு நீரால் நிறைந்திருக்கும்
பரந்து விரிந்திருக்கும்
ஓயாமல் அலையடிக்கும்
கணக்கிட முடியாக் கடல்வாழ்
உயிர்கள் இருக்கும்
மலைமலையாய் பணிப்
பாறைகளிருக்கும்
இராமன் விளைவால்
நீலமாயிருக்கும்
தமிழக மீனவர்களின் உடல்கள்
மிதக்கும்.

இரா.சிவசுப்பிரமணியன், புதுச்சேரி.

அழுகை

அம்மா தன்னை
அடிக்கும்
பொழுதை விட...
அம்மாவை
அப்பா அடிக்கும்
பொழுதுதான்
அதிகம் அழுகிறது
குழந்தை

-கு.வைரச்சந்திரன், திருச்சி.

நட்புடன் · நட்புடன் Sat 2 Jul 2011 - 1:21

படித்ததை எங்களுடன்
பங்கிட்டமைக்கு நன்றிகள் சிவா.

கவிதை சிறுசானாலும் மேட்டர் ரொம்ப பெரிசு...

மஞ்சுபாஷிணி · மஞ்சுபாஷிணி Sat 2 Jul 2011 - 1:27

பூக்களின் இயல்பே மலர்ச்சி தானே.. அதன் இறுதி வரை கூட தன் இயல்பை விடுவதில்லை....

நெசம் தானே சாமி.... கா பவுனு தங்கத்துக்காக ஆரு வராக இந்த காலத்துல மாப்பிள்ளை? வரதட்சணை கொடுக்கனும்ல?

இறந்த கணக்கில்லாத மீனவர்களின் நிலை சொல்லி செல்கிறது கடல் கவிதை.

குழந்தையின் மனம் எத்தனை பாதிக்கப்பட்டிருந்தால் இப்படி அப்பா அம்மாவை அடிக்கும்போது அழும்... தன்னை அடித்தாலும் அம்மா அணைச்சுக்கிறாளே அன்புடன்.... ஆனா அப்பா???

சிவா நீங்க ரசித்த கவிதைகளை எங்களுடன் பகிர்ந்தமைக்கு அன்பு நன்றிகள் சிவா அனைத்தும் அருமை... குறிப்பாக முதல் கவிதை கடைசி கவிதை கடல் கவிதை என் மனதை தொட்ட வரிகள்.

**rameshnaga** · **rameshnaga** Sat 2 Jul 2011 - 10:49

மிக நல்ல குட்டிக் குட்டிக் கவிதைகள்.இது போன்ற கவிதைப் பகிர்வுகள் கவிதை எழுதும் ஆரம்ப நிலையில் உள்ளவர்களுக்கு
மிகச் சிறந்த பயிற்சிக் களமாக அமையும். பகிர்ந்தமைக்கு நன்றி
திரு.சிவா.
அன்புடன் ரமேஷ்.

முரளிராஜா · முரளிராஜா Sat 2 Jul 2011 - 11:27

பகிர்ந்தமைக்கு நன்றி சிவா

Sponsored content · Sponsored content

கவிதைகள்

கவிதைகள்

Re: கவிதைகள்

Re: கவிதைகள்

Re: கவிதைகள்

Re: கவிதைகள்

Re: கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக