பிள்ளைகளை மதம் மாற்ற முற்படும் கணவன் : தடை கோரி மலேசியாவில் இந்திய பெண் மனு

கோலாலம்பூர் : இஸ்லாம் மதத்திற்கு மாறிய தன் கணவர், பிள்ளைகளையும் மதம் மாற்ற முற்படுகிறார். அதற்கு தடை விதிக்க வேண்டும் எனக்கோரி, மலேசிய ஐகோர்ட்டில் இந்திய பெண் ஒருவர் வழக்கு தொடர்ந்துள்ளார். மலேசியா தலைநகர் கோலாலம்பூரில் வசிப்பவர் கிருஷ்ணவேணி, 29. இவருக்கு சிவதர்ஷிணி, சிவரூபிணி என்ற இரு பெண் குழந்தைகள் உள்ளனர். கடந்த ஒரு வாரத்திற்கு முன், கிருஷ்ணவேணியின் கணவர் மகேந்திர ராவ், இஸ்லாம் மதத்திற்கு மாறினர். இதையடுத்து, மகள்களையும் இஸ்லாம் மதத்திற்கு மாற்ற முற்பட்டுள்ளார். இதற்கு தடை கோரி, மலேசிய ஐகோர்ட்டில் கிருஷ்ணவேணி வழக்கு தொடுத்துள்ளார்.

இதுதொடர்பாக தாக்கல் செய்துள்ள மனுவில், "இஸ்லாம் மதத்திற்கு மாறிய என் கணவர், என் மகள்களையும் மாற்ற முயற்சிக்கிறார். இதற்கு தடை விதிக்க வேண்டும். எங்களை, என் கணவர் நெருங்காமல் இருக்க உரிய பாதுகாப்பு அளிக்கும்படி இடைக்கால உத்தரவு பிறப்பிக்க வேண்டும். என்னிடம் இருந்து வலுக்கட்டாயமாக என் குழந்தைகளை, கணவர் அழைத்துச் செல்லலாம். இதைத் தடுக்கும் வகையில், எனக்கு அனைத்து உதவிகளையும், ஒத்துழைப்பையும் வழங்கும்படி போலீசாருக்கு உத்தரவிட வேண்டும். எவ்வித காரணமும் இன்றி அடிக்கடி என் கணவர் என்னை அடித்து துன்புறுத்தியதுடன், திட்டியும் வந்தார்' என்று கூறியுள்ளார்.

கோர்ட்டிற்கு தன் இரண்டு குழந்தைகளுடன் வந்த கிருஷ்ணவேணி, ""நடப்பாண்டு துவக்கத்தில் இருந்தே என் கணவரின் நடத்தை வித்தியாசமாக இருந்தது,'' என்றார்.

கிருஷ்ணவேணியின் வழக்கறிஞர் சிவநேசன் கூறுகையில், ""தன் குழந்தைகளின் மதமாற்றத்தை தடுக்கும்படி கணவருக்கு உத்தரவிட வேண்டும் என, மனைவி கோரியிருப்பது, மலேசிய நாட்டின் சட்ட வரலாற்றில் இதுவே முதன்முறை,'' என்றார்.

தினமலர்

////கிருஷ்ணவேணியின் வழக்கறிஞர் சிவநேசன் கூறுகையில், ""தன் குழந்தைகளின் மதமாற்றத்தை தடுக்கும்படி கணவருக்கு உத்தரவிட வேண்டும் என, மனைவி கோரியிருப்பது, மலேசிய நாட்டின் சட்ட வரலாற்றில் இதுவே முதன்முறை,'' என்றார்.
////