ரவி சங்கருக்கு ஜெர்மனியின் உயரிய விருது

**சிவா** · **சிவா** Mon Jun 27, 2011 7:21 am

புரூசெல்ஸ் : உலகின் மிகப் பிரபலமான அரசியல் தலைவர்களுக்கு ஜெர்மன் அரசால் வழங்கப்படும் மிக உயரிய விருதான கிரான்ஸ் மோண்டானா பேரவை விருது, வாழும் கலை அமைப்பின் நிறுவனர் ஸ்ரீஸ்ரீ ரவி சங்கருக்கு ஜூன் 24ம் தேதியன்று வழங்கப்பட்டுள்ளது. இந்த விருதினைப் பெறும் முதல் இந்தியர் என்ற பெறுமையையும் ரவிசங்கர் பெற்றுள்ளார். இவ்விழாவில் உலகின் பல்வேறு நாடுகளைச் சேர்ந்த அதிபர்கள், பிரதமர்கள், தூதர்கள் உள்ளிட்ட பல முக்கிய தலைவர்கள் கலந்து கொண்டுள்ளனர். இதற்கு முன் இந்த விருது ஜெர்மன் தலைவர் ஏஜெல்லா மெர்கல், இஸ்ரேலிய அதிபர் ஷீமோன் பீரிஸ், பாலஸ்தீன விடுதலை இயக்க முன்னாள் தலைவர் யாஷர் அராஃபத் உள்ளிட்ட தலைவர்களுக்கு வழங்கப்பட்டுள்ளது குறிப்பிடத்தக்கது.

2011ம் ஆண்டுக்கான கிரான்ஸ் மோண்டானா பேரவை விருது ஸ்ரீஸ்ரீரவி சங்கர் மட்டுமின்றி ரோமானியா முன்னாள் பிரதமர் அட்ரியன் நாஸ்டாஸ், மனோதத்துவ நிபுணரும் எழுத்தாளருமான தாஹர் பென்ஜிலியன், ஆப்பிரிக்க பொதுச் செயலாளர் முகம்மது இபின் சம்பாஸ் உள்ளிட்டோருக்கு வழங்கப்பட்டுள்ளது. ரவி சங்கருக்கு விருது வழங்கிய பின்னர் விழாவில் பேசிய கிரான்ஸ் மோண்டானா பேரவையின் நிறுவனர் ஜீன் பால் கர்டிரன், கிழக்கத்திய நாட்டில் வாழும் நீங்கள் ஆன்மிக பணியில் மட்டுமல்லாமல், செயல்களிலும் உலகை வழிநடத்தலாம்; அதிர்ஷ்டசாலியான நீங்கள் உங்களுக்கு கிடைத்துள்ள தொலைநோக்கு எண்ணங்களை பிற நாடுகளுடன் பகிர்ந்து கொள்ள வேண்டும்; உங்களின் போதனைகளை பின்பற்றி இருந்தால் உலக அரசியல் தலைவர்கள் எங்கேயோ இருந்திருப்பார்கள். இவ்வாறு அவர் தெரிவித்தார். பின்னர் பேசிய ரவிசங்கர், வருங்காலத்தில் தனது போதனைகளை உலக மக்களிடம் பரப்புவதன் மூலம் உலகை மேன்மை நிலைக்கு கொண்டு செல்ல உள்ளதாக தெரிவித்தார்.

ரவி சங்கருக்கு ஜெர்மனியின் உயரிய விருது

ரவி சங்கருக்கு ஜெர்மனியின் உயரிய விருது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக