எனக்கு மட்டும் பூவாய் இருந்த நாட்கள்.

**rameshnaga** · **rameshnaga** Sun Jun 26, 2011 2:30 pm

உன் கண்களும், என் கண்களும் சந்தித்ததைத்தானே..
மொழி பெயர்த்தேன்?..
உனக்கும்..எனக்கும்..ஏன் அர்த்தங்கள் வேறு ..வேறாய்?
ஒரு இராஜகுமாரனுக்கு மாலை ஆவதற்காக ..
இந்த ஏழைக்கு ஏன் வண்டு ஆனாய் ?..
எனது இதய நந்தவனத்தில்..
ஒற்றைப் பூவிற்குத்தான் இடமிருந்தது..
எனது காதலில் நான்..
எனது தாமரைக்கு சூரியனாய் இல்லாமல் போகலாம்..
உனது காதலோ..
இரவில் வாங்கிய இந்திய சுதந்திரமாய் சிதைந்திருக்கலாம்..
என்றாலும்-
வேறு மலர் தேட விருப்பமற்று..
நீ நீட்டிய.... பாலையில் நீளும் வார்த்தைகளற்ற ஒரு பயணத்தில்..
எனது காதல் செல்லும்..
தள்ளாடும் வயதிலும் உன்னைத் தாலாட்டும் நினைவுகளோடு..
எனக்கு மட்டும் நீ பூவாய் இருந்த நாட்களை நினைத்தபடி.

**ரா.ரமேஷ்குமார்** · 23/01/2011

அருமை அண்ணா... சூப்பருங்க

**rameshnaga** · **rameshnaga** Sun Jun 26, 2011 2:47 pm

நன்றி!ரா.ரமேஷ்குமார்.

**rameshnaga** · **rameshnaga** Sun Jun 26, 2011 4:51 pm

rameshnaga wrote:நன்றி!ரா.ரமேஷ்குமார்.

முரளிராஜா · முரளிராஜா Sun Jun 26, 2011 6:35 pm

ரசிக்கபடவேண்டிய கவிதை
மகிழ்ச்சி

**rameshnaga** · **rameshnaga** Sun Jun 26, 2011 6:41 pm

நன்றி!முரளிராஜா.

மஞ்சுபாஷிணி · மஞ்சுபாஷிணி Sun Jun 26, 2011 8:13 pm

உணர்வுப்பூர்வமான மிக அசத்தலான வரிகள் ரமேஷ்.....

ஒரு பெண்ணையே நேசித்து அவள் காதலையே சுவாசித்து அவளுக்காகவே வாழ்ந்து அவளை நினைத்தபடியே இறுதி மூச்சு நிற்பது கோடியில் ஒருத்தர் மட்டுமே இத்தனை சத்திய காதலோடு இருக்க முடியும்......

அன்பு வாழ்த்துகள் ரமேஷ்.