முதல் காதல்

மீனு · மீனு Sun Sep 13, 2009 12:51 pm

முதல் காதல்

மேகம் கலைந்து சென்று
வருடம் பல ஆகியும்
அதன் ஈரம்
இன்னும் காயவில்லை
உயிரினுள். . .

கிளி பறந்து
சென்றபின்னும்
கிளைகள்
அதன்
வரவை எதிர்ப்பார்த்து
தினமும் பூக்கின்றன

அவள்
கொலுசு போடுவதை
நிறுத்திவிட்டாள்
ஆனாலும்...
அவளின்
இளமை கால கொலுசின் ஓசை
அவனுக்குள்
இன்றும் எதிரொலிக்கும்

பேரன் பேத்தியை
கண்ட பின்னும்
இதயத்தின்
மெல்லிய பகுதியில்
அவளின் கால்தடம்
ஆழமாக பதிந்திருக்கும்

காதல் நிலவை
கண்டு வருடம் பல
ஆனாலும்
கடைசி சுவாசக்காற்றுக்காக
காத்திருக்கும் தருணத்தில்
அந்த வெண்ணிலவை காண
மனம் துடியாய் துடிக்கும்

உறவென்னும்
விழுதுகளும்
கிளைகளும்
ஆயிரம் இருந்தாலும்
காதல் ஆலமரத்தின்
ஆணி வேராக
இருப்பது
முதல் காதல்தான் .

இதய புத்தகத்தின்
முதல் பக்கத்தில்
கிறுக்கிவைத்த
அவளின் பெயரை
ஒரு தடவையாவது
வாசித்து பார்க்காமல்
கண்கள் தூங்குவதில்லை

உயிரின் செடியில்
முதலாவதாக பூத்த
அந்த ஒற்றை
ரோஜாவின் வாசம்
வாழும் காலம் வரை
உயிரினுள் வீசும்

எழுத்து:விஜய் சேசுலா....

**Tamilzhan** · **Tamilzhan** Sun Sep 13, 2009 12:58 pm

மீனா இதை எழுதியவர் பெயரும் வெளியிடவும்..! முதல் காதல் 440806

மீனு · மீனு Sun Sep 13, 2009 12:59 pm

கண்டிப்பா வேணுமா அண்ணா..? சொல்லுங்கள்..

ரூபன் · ரூபன் Sun Sep 13, 2009 1:00 pm

வித்தியாசமான கவிதை இது காதல் கவிதை என்றால் இளமையை அதிகம் வைத்தே பாடப்படும் ஆனால் இக்கவிதை முதுமைக்காலத்தில் தன இளமைக்கால காதலின் நினைவை மீட்டும் ஒரு முதியவரின் உணர்வை எடுத்துக்காட்டுகின்றது
மினு வித்தியாசமா பின்னுறிங்க

**Tamilzhan** · **Tamilzhan** Sun Sep 13, 2009 1:04 pm

meenuga wrote:கண்டிப்பா வேணுமா அண்ணா..? சொல்லுங்கள்..

அப்படி வெளியிட்டால்தான் நம் தளத்திற்க்கு சிறப்பாக இருக்கும்..!

மீனு · மீனு Sun Sep 13, 2009 1:07 pm

விஜய் சேசுலா.... இவரின் கவிதைதான் இந்த முதல் காதல்

**Tamilzhan** · **Tamilzhan** Sun Sep 13, 2009 1:09 pm

நன்றிகள் மினா..! முதல் காதல் 677196

Sponsored content · Sponsored content

முதல் காதல்

முதல் காதல்

Re: முதல் காதல்

Re: முதல் காதல்

Re: முதல் காதல்

Re: முதல் காதல்

Re: முதல் காதல்

Re: முதல் காதல்

Re: முதல் காதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக