பிரென்ச் கார் ஜயன்ட், தமிழகம் வருகிறது!

தமிழகத்தில் புதிய ஆட்சி அமைந்தபின், வெளிநாட்டு முதலீடுகளுக்கு
எந்தளவுக்கு வாய்ப்புகள் உள்ளன? முதலாவது பெரிய வெளிநாட்டு நிறுவனம் தமிழக
அரசுடன் பேச்சுக்களை நடாத்த வந்துள்ளது.
வந்திருப்பது ஐரோப்பாவில் பிரபலமான கார் தயாரிப்பு நிறுவனம்.
பிரபல பிரென்ச் கார் தயாரிப்பு நிறுவனமான Peugeot Citroen (உச்சரிப்பு –
பேர்ஜோ சித்ரோ), தமது தொழிற்சாலை ஒன்றைத் தமிழகத்தில் அமைப்பதற்காக
சென்னையில் லான்ட் பண்ணியிருக்கின்றது. சித்ரோ நிறுவனத்தின் உயர்மட்டக்
குழுவினர் தமிழக அரசுடன் அடுத்த வாரம் சென்னையில் பேச்சுக்களை
நடாத்தவுள்ளனர்.
கடந்த தி.மு.க. ஆட்சியின்போது, வெளிநாட்டு நிறுவனங்கள் தமிழகத்தில்
மூதலீடு செய்யும் விஷயத்தில் பெரிதாக அக்கறை காட்டவில்லை. காரணம்,
தமிழகத்தின் அன்றைய ‘முதல் குடும்பம்’ சகல தொழில்களையும் தமது
கட்டுப்பாட்டில் வைத்திருந்தது.
தமிழகத்தில் புதிய தொழில் முயற்சி ஒன்று தொடங்கப்பட்டு அது வெற்றிகரமாக
லாபம் ஈட்டத் தொடங்கினால், அதன் முக்கிய பங்குதாரராக, முன்னாள் முதல்
குடும்பத்தின் உறுப்பினர்களில் யாராவது ஒருவரை இணைத்துக்கொள்ள வேண்டும்
என்பது எழுதப்படாத சட்டமாக இருந்தது.
இந்த லோக்கல் தாதா விளையாட்டெல்லாம் வெளிநாட்டு வர்த்தக ஜயன்ட்களுக்கு
ஒத்துவராது! அதனாலேயே, யாரும் தமிழகப் பக்கமாக வருவதில்லை. குஜராத்,
மகாராஷ்ட்ரா என்று போய்விடுவது வழக்கம்.
இந்தியச் சந்தைக்குள் மீண்டும் காலடியெடுத்து வைக்கத் திட்டமிடும்
பேர்ஜோ சித்ரோ, இந்தியாவில் மூன்று மாநிலங்களில் தமது தொழிற்சாலைகளை
அமைப்பதற்கு திட்டமிட்டுள்ளது. தமக்குப் பொருத்தமான மாநிலங்களைத் தேர்வு
செய்ய, ஆறு மாநிலங்களில் ஆரம்ப ஆய்வுகளை நடாத்தியிருந்தது.
அவற்றில் தமிழ்நாடும் ஒன்று.
பேர்ஜோ சித்ரோவின் இந்திய முதலீடு 2 பில்லியன் டொலர் எனத் தற்போது
திட்டமிடப்பட்டுள்ளது. தமிழ்நாட்டில் தொழிற்சாலை அமைப்பதாக முடிவு
செய்தால், அமைய வேண்டிய தொழிற்சாலைக்காக 800-1000 ஏக்கர் நிலம் தேவைப்படும்
என நிறுவனம் கூறுகின்றது.
இந்தத் தொழிற்சாலையில், கார் உதிரிப் பாகங்களுக்கான dye தயாரிப்பு
பிளான்ட், டிசைனுக்கான R&D லேப், body-building shop ஆகியவற்றை
அமைப்பதே தற்போதைய திட்டம்.
அடுத்த வாரம், தமிழக அரசுடன் மேற்கொள்ளப்படவுள்ள பேச்சுக்களின்பின், இரு
தரப்பும் இணக்கம் கண்டால், பேர்ஜோ சித்ரோ தொழிற்சாலை தமிழகத்துக்கு வந்து
சேரும். ஆயிரக்கணக்கில் புதிய வேலை வாய்ப்புகள் கிடைக்கும்.

பார்க்கலாம்,புதிய தமிழக அரசு இந்தச் சந்தர்ப்பத்தைப் பயன்படுத்திக் கொள்கின்றதா என்பதை.

நன்றி:விறுவிறுப்பு