ரஜினி - நிஜத்திலும் சிறந்த நடிகர்!

thillalangadi · thillalangadi Mon Jun 20, 2011 11:40 pm

First topic message reminder :

ரஜினி - நிஜத்திலும் சிறந்த நடிகர்!

''ஜெயலலிதா ஆட்சிக்கு வந்தால் தமிழ்நாட்டை ஆண்டவனாலும் காப்பாற்ற முடியாது!''

''ஜெயலலிதா வெற்றி பெற்று முதல்வரானதன் மூலம் தமிழகம் காப்பாற்றப் பட்டு விட்டது!''

மேற்கண்ட இரண்டையும் சொன்னது வேறு யாருமில்லை, நம்ம சூப்பர் ஸ்டார் ரஜினிகாந்த் தான்.

ஒரு ஆட்சியின் அவல நிலையைக் கண்டு அந்த ஆட்சியை விமர்சிப்பதில் தவறில்லை. ஆனால் அது வெளிப் படையாக இருக்க வேண்டுமே தவிர தொழிலுக்கேற்ப நடிப்பாக இருக்கக் கூடாது. தமிழகத்தைக் கருணாநிதி ஆண்ட 5 வருடங்கள் கருணாநிதி கதை வசனம் எழுதிய திரைப் படங்களை அவருடன் கண்டு களித்து தன் காரியங்களைச் சாதித்துக் கொண்ட ரஜினி, தற்போது தமிழகம் காப்பாற்றப் பட்டு விட்டதாக திருவாய் மலர்ந்து இருக்கிறார்.

பாட்சா பட வெற்றி விழாவின் போது அப்போதைய முதல்வர் ஜெயலலிதாவின் ஆட்சி குறித்து "தமிழகத்தில் எங்கு பார்த்தாலும் குண்டு வெடிப்புகள்; தமிழகத்தில் அமைதியில்லை" என்று பேசி படத் தயாரிப்பாளரான முன்னாள் அமைச்சர் ஆர்.எம் வீரப்பனின் பதவிக்கு வேட்டு வைத்தவர். இன்று ஜெயலலிதா முதல்வரானதன் மூலம் தமிழகத்தைக் கருணாநிதியிடம் இருந்து காப்பாற்றி விட்டார் என்றும் ஜெயலலிதா முதல்வராகா விட்டால் கருணாநிதி தமிழகத்தை ஒரு வழி பண்ணி இருப்பார் என்றும் சொல்லாமல் சொல்லி இருக்கிறார்.

''என் ஒரு ஒரு துளி வியர்வைக்கு ஒரு பவுன் தங்கக் காசு கொடுப்பது தமிழ் அல்லவா என் உடல் பொருள் அனைத்தையும் தமிழுக்கும் தமிழர்க்கும் கொடுப்பது முறையல்லவா'' என்று பாட்டு பாடும் ரஜினி, தன்னுடைய ரசிகர்களுக்காகவும் தமிழர்களுக்காகவும் என்ன செய்து விட்டார் என்று பட்டியலிடத் தயாரா? குறைந்தப் பட்சம் தன் மனைவி நடத்தும் ஆஸ்ரம் பள்ளியில் தன் ரசிகர்களின் குழந்தைகளுக்கு இலவசக் கல்வியை வழங்குவாரா? காவிரி தண்ணீர் பிரச்னைக்குத் தனியாக உண்ணாவிரதம் இருந்து தமிழர்களின் ஒற்றுமைக்கு வேட்டு வைப்பார். ரஜினிக்கு நிஜமாகவே தமிழர்கள் மீதும் தமிழ்நாட்டின் மீதும் அக்கறை இருந்தால் தேர்தலுக்கு முன்பே தன் நிலையைத் தெளிவாகச் சொல்லி தமிழகம் எப்படி காப்பாற்றப் பட வேண்டும் என்றும் தெரிவித்து இருந்தால் இன்று ரஜினி பேசுவதை அவரின் நடிப்பில்லை என்று நாம் நம்பலாம்!

ஒரு வேளை அதிமுக ஆட்சிக்கு வராமல் திமுகவே மீண்டும் ஆட்சி அமைத்து இருந்தால் "தமிழகம் காப்பாற்றப் படவில்லை" என்று ரஜினி தெளிவாக அறிவித்து இருப்பாரா என்ற நியாயமான கேள்விக்கு அவரின் மனசாட்சிதான் பதில் சொல்ல வேண்டும்.

தமக்கு காரியம் ஆக வேண்டும் என்றால், மொழி, இன அடிப்படையில் மக்களிடையே வேற்றுமையை விதைத்து நாட்டு ஒற்றுமைக்கு வேட்டு வைக்கும் பால் தாக்கரே போன்ற மத துவம்சம் பிடித்தவர்களையும் தெய்வம் என்பார். ஐந்து ஆண்டு கால ஆட்சியின் போது கருணாநிதியைப் பற்றியோ கருணாநிதியின் ஆட்சியை பற்றியோ வாய் திறக்காத ரஜினி, தேர்தலில் வாக்களித்த பின்பு மக்கள் ஆட்சி மாற்றத்தை விரும்புவதாகக் கூறினார். தற்போது தமிழகம் காப்பாற்றப் பட்டு விட்டதாகத் தெரிவித்துள்ளார்.

கமல் - ரஜினி இவரில் நடிக்கத் தெரிந்தவர் யாரென்று கேட்டால் பட்டெனப் பதில் வரும் கமல்தான் என்று. ஆனால் உண்மையிலேயே கமலைவிட நடிக்க மட்டுமல்ல, வசனம் பேசவும் தெரிந்தவர் ரஜினிதான் என்பதை அவர் பேசியதாக வெளியான இத்தகவல் மூலம் அறிய முடிகிறது.

"உப்பிட்ட தமிழ் மண்ணை நான் மறக்கமாட்டேன்..." என்ற பாடலை அவர் எழுதாவிட்டாலும் அவர் பாடுவது போன்று அமைக்கப்பட்டதால், ரஜினியே சொல்வது போன்றுதான் இன்றும் அவரது ரசிகர்கள் நினைத்துக் கொண்டுள்ளனர். ஆனால், உப்பிட்ட மண்ணை மறந்துவிட்டுத் தன்னுடைய வருமானத்தையெல்லாம் தன் தாய் மண்ணிலே முதலீடு செய்துள்ளார். ஒகனேக்கல் குடிநீர்த் திட்டத்தில் எழுந்த பிரச்னையில் ரஜினி நடித்த திரைப் படங்களை கர்நாடக மாநிலத்தில் திரையிட விட மாட்டோம் என்று கர்நாடகாவைச் சேர்ந்தவர்கள் பிரச்னை செய்த போது, உடனே மன்னிப்பு கேட்டு சமாதானம் பேசி, தான் நடித்த குசேலன் திரைப் படத்தை வெளியிட்டார்.

ரஜினிகாந்த் என்று அழைக்கப்படும் ஸிவாஜிராவ் கெய்க்வாட் ஒரு நடிகர்; தேர்ந்த நடிகர். நடிப்பு அவருக்கு வருவாய் ஈட்டும் தொழில். அரிதாரம் பூசி அவர் போடும் வேடங்கள் அவரின் உண்மையான குணாதிசயங்கள் அல்ல. அரிதாரத்தைக் கலைத்த பின் அவர் ஸிவாஜிராவ் கெய்க்வாட் எனும் தனி நபர். இது நடிப்புத் தொழிலில் ஈடுபட்டிருக்கும் அனைவருக்கும் பொருந்தும். தமிழ்நாட்டில் நடிகர்களின் ரசிகர்கள், தாம் விரும்பும் நடிகர்கள் திரையில் செய்யும் ஸூப்பர்மேன் சாகசங்களை நிஜ வாழ்விலும் செய்வர் என நம்பிக்கொண்டு அவர்களைத் தங்களுக்குத் தலைவர்களாக வரித்துக் கொண்டு, அவர்களின் கட்அவுட்டுக்கு மாலையிட்டுச் சூடம் கொளுத்திப் பாலாபிஷேகம் செய்கின்றனர்.

ரஜினிக்கு இணையாக சமகால நடிகர்கள் பலர் இருந்தும், ரஜினியைச் சுற்றிலும் ஓர் அரசியல் ஒளிவட்டத்தை ஏற்படுத்தி அதில் பலனடைந்தவர்கள் எல்லோருமே சினிமாத்துறை சார்ந்தவர்களே என்பது வெள்ளிடைமலை! இருப்பினும் 30+ ஆண்டுகள் ஆகியும், இனியும் அவர் நேரடி அரசியலில் ஈடுபட்டு ஒளியேற்றுவார் என்று நம்பும் அப்பாவி ரஜினி ரசிகர்களை நினைக்கும்போது, ரஜினியின் வசனத்தில் "அவர்களை யாராலும் காப்பாற்ற முடியாது" என்றே கருத வேண்டியுள்ளது.

சினிமா வசனகர்த்தா எழுதிக்கொடுத்த அவர் நடித்த படங்களிலுள்ள வசனங்களைக்கூட, அரசியல் கட்சிகளுக்கான மறைமுக எச்சரிக்கை என்று ரசிகர்களை ஏமாற்றியதில் ஊடகங்களின் பங்கும் இருப்பதை மறுப்பதற்கில்லை. சினிமா நடிகர்களில் ரஜினிமீது ஊடகங்கள் காட்டிய கரிசனம், பாரபட்சமானது என்பதையும் வெட்கத்துடன் ஒப்புக்கொள்ள வேண்டும்.

ஆட்சி மாறும்போது ஒரே வாசகங்களை மாற்றி மாற்றிப் போட்டு முதல்வர்களுக்கு பாராட்டு விழா என்ற பெயரில் ஜால்ரா அடித்த திரை உலகினரை நன்றாக புரிந்து வைத்திருந்த ஜெயலலிதா, இம்முறை அது தன்னிடம் நடக்காது என்பதைத் தனிப்பட்ட தொலைப்பேசி உரையாடலில் ரஜினி கூறிய வாசகத்தை அரசு அறிக்கையாக வெளியிட்டு ரஜினிக்கு நாமம் போட்டுக் காட்டியுள்ளார். ஆரம்பத்தில், ஆட்சிப் பொறுப்பேற்றதும் தனக்குப் "பாராட்டு விழா" நடத்த தேதி கேட்டு வந்த திரை உலகத்தினரைத் திருப்பியனுப்பி, இனிமேலும் உங்களின் அரிதார அற்ப ஜால்ரா புகழுரைகள் என்னிடம் பலிக்காது என்று முதல்வர் ஜெயலலிதா சம்மட்டியால் அடித்து விரட்டியது பாராட்டத்தக்கது! இது போன்ற சினிமாத் துறையினரின் சந்தர்ப்பவாத பேச்சுக்களை கருணாநிதி போன்ற அரசியல் சாணக்கியர்கள் இனியாவது புரிந்து கொள்ள வேண்டும்.

நோய் வாய்ப்பட்டுள்ள நிலையில் ரஜினியை இகழ்ந்து பேசுவது நமது நோக்கமல்ல. தமிழகமே அவர் மீது பித்தம் கொண்டது போன்ற தோற்றத்தை உருவாக்கி, அவரது ஒவ்வொரு அசைவையும் செய்திகளாக்கி, காசு பார்க்கும் ஊடக வியாபாரிகளின் பொறுப்பற்றத்தன்மையை வெளிச்சமிட்டுக் காட்டுவதோடு, நேரத்துக்கும் காலத்துக்கும் தகுந்ததுபோல் தன் நிலைபாடுகளை மாற்றி நிஜ வாழ்விலும் சிறந்த நடிகர்களாக வலம்வரும் இவர்களை நம்பியிருந்து தம் வாழ்வைத் தொலைக்காமல் நாட்டுக்கும் வீட்டுக்கும் நலம் பயப்பவர்களாக தம் வாழ்வை இளைஞர்கள் மாற்றியமைத்துக் கொள்ள சுட்டுவதே நம் நோக்கம்!

ரஜினி நலம் பெறட்டும்! தமிழர் தம் நிலை உணரட்டும்!!

இந்நேரம்.காம்

**Manik** · **Manik** Tue Jun 21, 2011 11:43 am

சரத்குமார், விஜயகாந்த், எஸ்.வி.சேகர், விசு, சோ இப்படி பல பேர் இருக்கிறார்கள் இவர்கள் எல்லாம் மனிதர்கள் இல்லையா அன்றைக்கு 1 இன்றைக்கு 1 என்று மாற்றிப் பேசவில்லையா முடிந்தால் அதையும் கூறுங்களேன் அனைவரும் தெரிந்து கொள்ளட்டும் குறிப்பிட ஒரு நபர் மீது ஏன் இவ்வளவு பாசம் உங்களுக்கு உங்கள் வீட்டு விருந்தினரா இவர் இவ்வளவு ஆர்வம் காட்டுகிறீர்கள்............. இவரைப் பற்றி பேசுவதற்கு

ஒரே ஒரு விசயம் சொல்றேன் நன்மைகள் மறைக்கப்படும் நேரத்தில் தீமைகள் மட்டுமே கண்ணுக்கு தெரியப்படும்...... உண்மைகள் மறைக்கப்படும் நேரத்தில் பொய் மட்டுமே உண்மை என்று தெரியும்....... எதையும் புரிஞ்சுக்கிட்டு பேசுங்க ......

முரளிராஜா · முரளிராஜா Tue Jun 21, 2011 11:59 am

மணி உனக்கு வேற உருப்படியான வேலை எதுவும் இல்லையா? உடுட்டுக்கட்டை அடி வ

ரேவதி · ரேவதி Tue Jun 21, 2011 12:18 pm

Manik wrote:சரத்குமார், விஜயகாந்த், எஸ்.வி.சேகர், விசு, சோ இப்படி பல பேர் இருக்கிறார்கள் இவர்கள் எல்லாம் மனிதர்கள் இல்லையா அன்றைக்கு 1 இன்றைக்கு 1 என்று மாற்றிப் பேசவில்லையா முடிந்தால் அதையும் கூறுங்களேன் அனைவரும் தெரிந்து கொள்ளட்டும் குறிப்பிட ஒரு நபர் மீது ஏன் இவ்வளவு பாசம் உங்களுக்கு உங்கள் வீட்டு விருந்தினரா இவர் இவ்வளவு ஆர்வம் காட்டுகிறீர்கள்............. இவரைப் பற்றி பேசுவதற்கு

ஒரே ஒரு விசயம் சொல்றேன் நன்மைகள் மறைக்கப்படும் நேரத்தில் தீமைகள் மட்டுமே கண்ணுக்கு தெரியப்படும்...... உண்மைகள் மறைக்கப்படும் நேரத்தில் பொய் மட்டுமே உண்மை என்று தெரியும்....... எதையும் புரிஞ்சுக்கிட்டு பேசுங்க ......

ரொம்ப டென்ஷன் ஆகதிங்க அண்ணா ரிலாக்ஸ் புன்னகை

ரபீக் · ரபீக் Tue Jun 21, 2011 12:25 pm

இந்த உலகத்தில் உள்ள அனைவரும் ஏதாவது ஒரு வகையில் நடிக்கிறார்கள் ,நடித்துக் கொண்டுதான் இருக்கிறார்கள்

இதில் ரஜினியை மட்டும் பேசுவது வேடிக்கையாக உள்ளது

**மாணிக்கம் நடேசன்** · 14/12/2009

அரசியல்ல இதெல்லாம் சகஜமப்பா, குடிச்சா கிக்கு ஏறுதாம், இப்படி சொன்னவர் ரஜினி தானே.அவர் குடிக்கட்டும் நிறைய குடிக்கட்டும், ஆனால் குடிப்பதால் கிக்கு ஏறுதே என்று மதுவுக்கு மவுசு ஏற்றும் ராஜினிக்கு இவ்வளவு மதிப்பும் மரியாதையும் தேவையா? தாயை தெய்வமாக எண்ணும் தமிழர்களின் மத்தியில் ஒரு சினிமாவில், தன் தாயையே காலில் விழ வைத்த தங்கமான நாயகன் ரஜினி தானே. பெண்கள் என்றாலே ரஜினிக்கு பிடிக்காதா. பல திரைகளில் பெண்களை அவமானப்படுத்துவதில் சிறந்தவராச்சே.

பது · பது Tue Jun 21, 2011 2:16 pm

ரஜனி பல இடங்களில் என்னை மக்கள் திரையில் மட்டும் நல்லவனாக இருப்பதயே மக்கள் விரும்புகின்றனர் . நான் திரையில் பேசுவதை நிஜத்தில் எடுத்து கொள்ளவேண்டாம் என கூறியிருக்கிறார்

**krishnaamma** · **krishnaamma** Tue Jun 21, 2011 2:25 pm

nadesmani wrote:உங்களின் கருத்தில் பல உண்மைகளை சுருக்கி சுந்தரமாக்கி இருக்கிறீர்கள். ரஜினியைப் பற்றி பல கசப்பான சம்பவங்கள் இன்னும் இருக்கின்றன. அண்மையில் அவர் உடல் நலமின்றி இருப்பதும் ஒரு நடிப்பாக இருக்குமோ?

irukkalaam , J vai pattri pugazndhu pesittare, vadivelu maadhiri agittaa? adharkkana dramavaga irundhaalum irukkum. konjam udambu paduththugadhai perisaai kondaadi irukkalaam புன்னகை

onnum solvadarkkillai

**சிவா** · **சிவா** Tue Jun 21, 2011 2:32 pm

ஒரு சில பதிவர்கள், தங்களைப் பிரபலப்படுத்திக் கொள்ள இது போன்று முக்கியமானவர்களை விமர்சித்துக் கட்டுரைகள் எழுதுவது இப்பொழுது அதிகரித்துவிட்டது!

ஒரு பழமொழி மட்டும் நினைவுக்கு வருகிறது!

யானை படுத்தாலும் குதிரை மட்டம்

மஞ்சுபாஷிணி · மஞ்சுபாஷிணி Tue Jun 21, 2011 2:33 pm

கோவை ராம் · கோவை ராம் Tue Jun 21, 2011 2:47 pm

யார் யாரெல்லாமோ பட்டயம் கொடுக்கவேண்டும் என்ற நிலையில் ரஜினி இல்லை .ரஜினி கொலை செய்தாரா ,இல்லை கொள்ளை அடித்தாரா

.கடந்த 14 வருடங்களாக வருமான வரி மிக சரியாக காட்டும் மிக்கிய நபர் என வருமான வரி துறை ரஜினிக்கு பட்டயம் கொடுத்து வருகிறது .இது ஒன்றே போதும் ரஜினி எப்படி பட்ட நபர் என்பதற்கு சான்று

கட்டுரியாளர் ரொம்ப வருத்தபடுகிறார் ,ரஜினி 5 வருடத்திற்கு ஒரு முறை மாற்றி மாற்றி பேசுகிறார் என்று

1996 ரில் அம்மா அட்டகாசம் செய்தார் ரஜினி அதனை எதிர்த்து பேசினார் 2011 இல் தி.மு.க அட்டகாசம் செய்தது ரஜினி அதனை எதிர்த்து சற்று அமைதியாக பேசினார் (அ.ஆதி.மு.க விர்க்கு ரஜினி ஓட்டு போட்டது தெளிவாக தொலைகாட்சியில் தெரிந்தது )

எனவே ரஜினி விருப்பப்படி அ.தி.மு.க வந்தது ,அதைத்தான் மக்கள் மாற்றத்தை விரும்புகிறார்கள் என ரஜினி கூறினார் .

5 வருடங்களுக்கு ஒரு முறை மாறுவது ரஜினி மற்றும் இல்லை ஓட்டு மொத்த தமிழகமும்தான் .ரஜினி மக்கள் மனநிலையை சரியாக புரிந்து வைத்து இருப்பதால் அதேபோல் ஆட்சி மாற்றத்திற்கு முன்பே அவரால் கணிக்க முடிகிறது

தமிழ் நாட்டை விடுங்கள் ஆந்திராவில் சந்திரபாபு நாயுடு ஆட்சியை கைபற்றியபோது ரஜினி சந்திரபாபு நாயுடுவை ஆதரித்து அவருடன் சென்றதாதால் தான் பல எம்‌எல்‌ஏ கள் என் டி ராமாராவை விட்டுவிட்டு சந்திரபாபுவை நம்பி வந்தார்கள் .மற்றவர்கள் நம்பும் மனிதர் ரஜினி

இந்த உலகில் ஒரு சிலருக்கு மட்டும்தான் சில அற்புத சக்தி இருக்கும் ,அவர் சொல்வதை மக்கள் நம்புவார்கள் ,அவர் முகத்தை பார்த்தாலே சந்தோஷம் பிறக்கும் ,எம்.ஜி.ஆர் ,ரஜினி எல்லாம் அந்த ரகத்தை சேர்தவர்கள் ,இவர்களை மீடியா சுற்றி சுற்றி வருவது இயற்க்கை

ஆனால் ஒரு சிலருக்கு இதனை பார்க்கும்போது எரிச்சல் வரும் ,இது ஒரு வகை மன நோய் ,கட்டுரையாளரும் (இந்நேரம் .கொம் ) அந்தவகையை சார்தவராக இருப்பரோ என்னமோ

பழுத்து மரம் தான் கல்லடி படும் .
ரஜினி மற்றவர் பொறாமை படும் பழுத்த மரம் கல்லடி படத்தான்செய்யும் .
இதனை ரஜினி மீது அன்பு வைக்கும் தமிழ் நெஞ்சங்கள் புரிந்து கொள்ளும்

ராம்

Sponsored content · Sponsored content

ரஜினி - நிஜத்திலும் சிறந்த நடிகர்!

ரஜினி - நிஜத்திலும் சிறந்த நடிகர்!

Re: ரஜினி - நிஜத்திலும் சிறந்த நடிகர்!

Re: ரஜினி - நிஜத்திலும் சிறந்த நடிகர்!

Re: ரஜினி - நிஜத்திலும் சிறந்த நடிகர்!

Re: ரஜினி - நிஜத்திலும் சிறந்த நடிகர்!

Re: ரஜினி - நிஜத்திலும் சிறந்த நடிகர்!

Re: ரஜினி - நிஜத்திலும் சிறந்த நடிகர்!

Re: ரஜினி - நிஜத்திலும் சிறந்த நடிகர்!

Re: ரஜினி - நிஜத்திலும் சிறந்த நடிகர்!

Re: ரஜினி - நிஜத்திலும் சிறந்த நடிகர்!

Re: ரஜினி - நிஜத்திலும் சிறந்த நடிகர்!

Re: ரஜினி - நிஜத்திலும் சிறந்த நடிகர்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக