ஊமையின் கனவை யார் அறிவார்?

**rameshnaga** · **rameshnaga** Tue Jun 21, 2011 12:51 am

உனது மரணம் குறித்தான செய்தி வந்த போது..
நான் இரவு விடுதி ஒன்றிலிருந்தேன்.
நெருக்கும் (உறவுகளின்) சம்பிரதாயங்களை
மீற இயலாமல்..
உன் சிதைக்கு இன்று தீ மூட்டுகிறேன்.
இப்போது-
தீ தின்ன நீ எரிந்து கொண்டிருக்கிறாய்...
உன் மனசைப் போலவே மயானத்தினுள்.
வெளியில்-
நீ வாழ்ந்த எழுபது ஆண்டு காலப் பேச்சுக்கள்
திரிகின்றன..
இந்தக் கணத்தில் உனக்கு அன்னியமாகி விட்ட
மனிதர்களின் காலங்களிநூடே..
எனது சிந்தனைகள் எங்கெங்கோ சிதறிவிட
வாய் பிதற்றுகிறது மந்திரங்களை.
உளறும் மந்திரங்களைச் சொல்லியபடி ...
உன்னை பூமியிலிருந்து பிரித்து அழைத்துச் செல்கிறேன்..
வேறு வேறு உலகங்களுக்கு.
நடு நடுவே... உன் பசிக்குப் பிண்டம் வைப்பதாய் சொல்கிறேன்..
வாய் மந்திரங்களை உளறியபடி இருக்க..
என் மூளைக்குள் வந்து செல்கிறது இரவு விடுதியின் ஆட்டங்கள்...
என்றாலும்-
உளறியபடியே கேட்கிறேன் உனது ஆசீர்வாதங்களை..
எனக்கும்...எனது சந்ததிக்குமாய்..
உன்னை ஒழுங்காய் மேலுலகத்திற்கு அனுப்பிவிட்டதாய்..வாழ்த்தி..
எல்லோரும் என்னிடமிருந்து விடைபெற்றுச் சென்றுவிட்ட
ஓய்வு வேளையில் நினைத்துப் பார்க்கிறேன்..
அன்புக்கும்..மருந்துக்கும்..ஒருவேளையாவது நல்ல உணவுக்கும்..
நீ அல்லாடித் தலைசாய்ந்த உன் கடைசிக் கணத்தில்..
நீ என்ன சொல்லித் திட்டியிருப்பாய் ..
நீ தினம் கும்பிடும் உன் கடவுளை?

மஞ்சுபாஷிணி · மஞ்சுபாஷிணி Tue Jun 21, 2011 1:07 am

தாய் ஒரு அற்புத பிறவி

தனக்கு உணவு அளிக்கவில்லை என்றாலும்
தன்னை நன்றாக பார்த்துக்கொள்ளவில்லை என்றாலும்
தன் சிதைக்கு தீ மூட்டவில்லை என்றாலும்
தனக்கு பிண்டம் வைக்கவில்லை என்றாலும்
தாயின் மனம் பதைப்பது ஐயோ நம் பிள்ளை நல்லாருக்கணுமே என்று மட்டுமே....

அதனால் தாய்க்கு திட்ட தெரியாது...

அருமை வரிகள்.... சூப்பருங்க