என் நட்பேதாண்டா...நீ. ( என் 3000வது பதிவு )

தேனி சூர்யாபாஸ்கரன் · 09/06/2010

First topic message reminder :

என் நட்பேதாண்டா...நீ. ( என் 3000வது பதிவு ) - Page 3 Friendshipgreychildreni

வாய்க்கால் ஓரத்தில் அணைகட்டி..
நீர் இறைத்து கெண்டைமீனைப் பிடித்து.
உப்புக்கல்லும்,,மிளகாய்த்தூளும் தடவி
தீயில் சுட்டு தின்ற நாட்களும்..

கால்மிதி எட்டாத மிதிவண்டியில்
இரட்டை கால் போட்டு ஒட்டி
உடைத்த அலமாரியில் ஓரமாய்
கிடக்கும் ஒரு கால் மிதிவண்டியும்..

தாவிசெல்லும் குரங்குகள் போல
ஆற்றின் கரையில் ஆலமர விழுதை
தாவிப்பிடித்து தவறி விழுந்து முட்டி
மோதிய என் முழங்காலின் தழும்பும்..

ஊருக்கு வெளியே ஒதுக்குப்புற
மாந்தோப்பில் கல்லெறிந்து
களவாடித் திருடித் தின்ற நம்
கல்லடிபட்ட மா மரங்களும்..

களத்துமேட்டு பக்கத்தில் முளைத்த
கள்ளிச்செடியில் எழுதி வைத்த நம்
பெயரின் எழுத்துக்கள்..இன்றும் சில காயங்களோடும்..

வீரபாண்டி திருவிழாவில் நம்
வேண்டுதலுக்காக மேனிமீது
சேற்றை வாரிப்பூசி ஆடி வீதி
வழி வந்த நாம் அடையாளங்களும்..

தாவிக் கும்மாளமிட்ட படித்துரையும்..
ஒன்றில் மூன்று என பங்கிட்ட
தேனீர்க் கடை பெஞ்சுகளும்..
சாலையோர குட்டிச்சுவர்களும்..

என் நட்பின் நினைவுகளாய்..நெஞ்சினிலே...

என்னோடு திரிந்த என் நண்பா..! இன்று
ஏனடா..என்னை விட்டுப் பிரிந்தாய்.?

எங்கு உள்ளாய்..நீ..? வாழ்க்கைச் சக்கரம்
நம் வாழ்வை பிரித்து வைத்தது..ஏனடா..?

எதுவும் எதிர்பாரா உன்னன்பு
எங்கு கிடைக்குமடா...எனக்கு..?

எங்கோ மறைந்து இருந்தாலும்...
என்னை மறந்து இருந்தாலும்...என்
நன்பேண்டா..நீ.. என் நட்பேதாண்டா...நீ..

தேனி சூர்யாபாஸ்கரன் · 09/06/2010

மு.வித்யாசன் wrote:நண்பா... இந்த கவிதையில் நனைந்து விட்டேன்... நினைவுகளை வட்டமிட வைத்திருக்கிறாய் நீ...

எந்த வரியை பிரித்து வாழ்த்த என்று தெரியவில்லை... கிராமத்தின் சுவடுகளை இந்த கவிதை கால் தடமாக பதித்துள்ளது.

நீ... தீட்டப்பட வைரமாய் ஒளி வீச ஆரம்பித்து விட்டாய்... உனது கற்பனைகள் நன்கு சுவாசிக்க கற்றுக் கொண்டுவிட்டது. கனவுகளின் பயணத்தில் நீ காற்றாக உனை உரு மாற்றி கொண்டு விட்டாய்...

சிலாகித்துவிட்டேன்...

தொடர்ந்து எழுது.. வாழ்த்துக்கள்.

நண்பா...உன் வாழ்த்தின் வரிகளில் நான் வைரமாய் மின்னுகிறேன்...
அன்பு நன்றிகள்..வித்யா...

தேனி சூர்யாபாஸ்கரன் · 09/06/2010

ஜாஹீதாபானு wrote:

அன்பு நன்றிகள்...பானு...

தேனி சூர்யாபாஸ்கரன் · 09/06/2010

ரேவதி wrote:

நன்றிகள்..ரேவதி.... என் நட்பேதாண்டா...நீ. ( என் 3000வது பதிவு ) - Page 3 678642

என் நட்பேதாண்டா...நீ. ( என் 3000வது பதிவு ) - Page 3 806360

நட்புடன் · நட்புடன் Thu Jun 23, 2011 2:41 am

நன்பேண்டா... நட்பேதாண்டா...
அந்தக் காலமே பொற்காலமடா...

உங்களது மூவாயிரமாவது பதிப்பு - நட்பிர்க்கு தித்திப்பு...

kavimuki · kavimuki Thu Jun 23, 2011 2:21 pm

அன்பு நண்பா நானும் கிராமத்தை சேர்ந்தவன் தான் நீங்கள் எலுதிய ஒவ்வொரு வரிகளையும் நிஜமாக அனுபவித்ததுண்டு.பெரியாகுலத்திற்கு அருகே உள்ள சிற்றூரில்த்ன் நான் பிறந்தேன் இன்று வால்வது வைகை அணை பாயும் ஊருக்குல்தான்.........உமது ஒவ்வொரு வரிகளிலும் வந்த பாதையை திரும்பி பார்க்க வைத்து விட்டாய் அருமை நண்பரே தொடர்ந்து உம் படைப்புகளை எதிர்பார்த்து கொண்டிருக்கும் அன்பு நண்பன் ....................கவிமுகி