பசி.. பசி..

வித்யாசாகர் · வித்யாசாகர் Sat Sep 12, 2009 9:30 pm

பசி

பசி..

பசி..

பசித்துக் -
கொண்டே இருக்கிறது;

பசியை -
பணமுள்ளவர்கள்
விரட்டிக் கொண்டே
இருக்கிறோம்;

விரட்டுகையில்
யாராவது
சாப்பிடாதவர்களை
நினைத்திருப்போமா?

பசியால் -
இறந்தவர்களையாவது
நினைத்திருப்போமா?

நினைத்தவர்கள்
இருப்பதை இல்லாதவர்களுக்குக்
கொடுத்திருப்போமா?

கொடுத்தவர்கள்
வெளியில் -
தெரிவதில்லை;

கொடுக்காதவர்கள்
கொடுத்தது போல்
காட்டப்
படுகிறார்கள்;

கலிகாலமென
வந்த கோபத்தை - பெருமூச்சாய்
விதியின் மேல்
இழுத்து விடுகையில்,

பசியில்
இறந்தவர்களின்
பட்டியல் மட்டும் -

இருப்பவருக்கும் இல்லாதவர்க்கும்
இடையே -
நீண்டுகொண்டே
இருக்கிறது!

இன்னும்..
இப்பொழுதும்..

சாப்பிட்டவர்கள்
மீதத்தை மூடி வைத்துவிட்டு
பொது அறிவு பெற-
இறந்தவர்களின்
எண்ணிக்கையை
செய்தியில்
வாசிக்கிறோம்;

பசி -
கொடுமையென
பசிப்பவருக்குத் தானேத்
தெரியும்!!
----------------
வித்யாசாகர்

மீனு · மீனு Sat Sep 12, 2009 9:52 pm

அருமையான கவிதை வித்யாசாகர் ..பாராட்டுக்கள்..

ஊரில் சாவு....
இன்று நிறையும்...
வெட்டியான் வயிறு ..

வித்யாசாகர் · வித்யாசாகர் Sat Sep 12, 2009 9:55 pm

ஊரில் சாவு....
இன்று நிறையும்...
வெட்டியான் வயிறு ..

அருமை மீனு..

நாலு வரி கவிதை கேட்டீங்களே நேற்று அதை பார்கலையா..

மீனு · மீனு Sat Sep 12, 2009 9:59 pm

நன்றிகள் வித்யாசாகர் ..

இல்லையே ..இதோ பார்க்கின்றேன்.. பார்த்து விட்டு வருகின்றேன்..

**கா.ந.கல்யாணசுந்தரம்** · 28/02/2009

Dear Vidyasagar, good, your lines are very true. In adition to this 'meenu's' haiku is very powerful.
Wishing both of your colourful future.

.........Kaa Na Kalyanasundaram........

மீனு · மீனு Sat Sep 12, 2009 10:08 pm

நன்றிகள்..கானா கல்யாண சுந்தரம்..

nandhtiha · nandhtiha Sat Sep 12, 2009 11:37 pm

வணக்கம்
உண்டு கொழுத்தவன் தரமாட்டான் - அவனை
உழைத்துப் பிழைப்பவன் விடமாட்டான் - என்ற ஜீவாவின் கருத்தை ஒட்டி கவிதையின் தோற்றம். இன்னும் பல கவிதைகளை எதிபார்க்கிறேன்
அன்புடன்
நந்திதா

அன்புள்ள மீனு சகோதரி மன்னிக்க வேண்டும்
ஊரில் சாவு
வெட்டியான் வயிற்றில்பாதி காலி
என்றிருந்தால் இன்னும் சிறப்பாக இருந்திருக்கும். மீண்டும் மன்னிக்க வேண்டுகிறேன்
அன்புடன்
நந்திதா

மீனு · மீனு Sat Sep 12, 2009 11:43 pm

அன்பின் அக்கா ..இதில் மன்னிப்பு கேக்க ஒன்றுமே இல்லை அக்கா,, ..உங்களை போன்றவர்கள் நம் கவிதைங்களை படிப்பதே பெருமையான விஷயம்....அதிலும் படித்து விட்டு குறை இருப்பின் அதில் திருத்தம்களை சொல்வதால் நாமும் நம் கவிதைகளை திருத்தி கொள்ள வழி வகுக்கின்றீர்கள்..நன்றிகள் அக்கா

nandhtiha · nandhtiha Sun Sep 13, 2009 12:19 am

வணக்கம்
அன்புடைச் சகோதரி மீனு
உன்றன் கவிதையென் உள்ளம் கவர்ந்தவை.
பொன்னெனச் சொற்கள் பொலிந்து நிற்பன
நின்னைப் புகழ்ந்து நிமிர்ந்த தென்சென்னி
தன்னிக ரற்றுத் தமிழ்க் கவி புனைக
என வாழ்த்தும்
என்றும் நின் நந்திதா

மீனு · மீனு Sun Sep 13, 2009 12:24 am

வாழ்த்துக்களிற்கு நன்றிகள் அக்கா.. உங்கள் வாழ்த்துக்கள் எனக்கு நிறைய உற்சாகம் தருகின்றதே.. மிக்க நன்றி அக்கா..

Sponsored content · Sponsored content

பசி.. பசி..

பசி.. பசி..

Re: பசி.. பசி..

Re: பசி.. பசி..

Re: பசி.. பசி..

Re: பசி.. பசி..

Re: பசி.. பசி..

பசி..பசி

Re: பசி.. பசி..

Re: பசி.. பசி..

Re: பசி.. பசி..

Re: பசி.. பசி..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக