இயக்குனர் பாலா சிங்கம்பட்டி ஜமீனை விமர்சித்தாரா?

அப்துல்லாஹ் · அப்துல்லாஹ் Mon Jun 20, 2011 12:38 pm

புகழுக்கும் பிரச்னைக்கும் சரிநிகர் சமமான இயக்குனர் பாலாவை கண்டித்து நெல்லை பகுதியில் ஒட்டப்பட்டுள்ள போஸ்டர்களால் பரபரப்பு ஏற்பட்டுள்ளது.

பிரபல திரைப்பட இயக்குனர் பாலா இயக்கத்தில் வெளியாகும் படங்கள் ஓரிரு அமைப்பினரின் எதிர்ப்புக்கு இடையே பிரபலம் அடைவது உண்டு. பாலா இயக்கத்தில் வெளியான நான் கடவுள் படத்தில் மாற்றுத்திறனாளிகளை மதிப்புக்குறைவாக சித்தரித்ததாக மாற்றுத்திறனாளிகள் போர்க் கொடி உயர்த்தினர்.

தற்போது அவரது இயக்கத்தில் வெளியாகி ஓடிக் கொண்டிருக்கும் அவன்-இவன் திரைப்படத்தில் நெல்லை மாவட்டத்தைச் சேர்ந்த புகழ் பெற்ற சிங்கம்பட்டி ஜமீனையும், பழமை வாய்ந்த சொரிமுத்தையனார் கோயிலையும் அவன்-இவன் படத்தில் அவதூறாக சித்தரிக்கப்பட்டுள்ளது எனவும் அந்த காட்சிகளை உடனடியாக நீக்க வேண்டும் என சட்டப்பூர்வ நடவடிக்கை எடுக்கப்படும் என சிங்கம்பட்டி சமஸ்தானம் எச்சரித்துள்ளது.

இதனிடையே நெல்லை மாநகர் முழுவதும் இயக்குனர் பாலாவை கண்டித்து சொரிமுத்து அய்யனார் பக்தர்கள் என்ற பெயரில் கண்டன போஸ்டர்கள் ஒட்டப்பட்டிருந்தன.

இப்போஸ்டர்கள் அவன்-இவன் திரைப்படம் ஓடிக் கொண்டிருக்கும் திரையரங்கம் முன்பாக ஒட்டப்பட்டிருந்ததால் ரசிகர்கள் மத்தியில் பரபரப்பு ஏற்பட்டது.

நன்றி இந்நேரம்