தென்கச்சி கோ.சுவாமிநாதனின் ஒரு ஞாபகம்

NAKKEERAN · NAKKEERAN Mon Jun 20, 2011 3:47 am

இன்று ஒரு தகவல் என்றால் தெரியாதவர்களே இருக்கமுடியாது.அந்த அளவுக்கு சகல வயதினரையும் கவர்ந்திளுத்த ஒரு பயனுள்ள நிகழ்ச்சி அது.
எனக்கு அறிவு தெரிந்த நாள்முதலாய் சென்னை வானொலி நிலையத்தில் காலை 7.35 க்கு ஒலிபரப்பாகும் இன்று ஒரு தகவலைக் கேட்காத நாளே இல்லை எனலாம்-சுவாமிநாதன் அவர்கள் தொகுத்தளித்த காலத்தில்.
காலையில் பள்ளிக்கு ஆயத்தமாகும் வேளை அப்பா வானொலியைக்கொண்டுவந்து என்னருகில் வைத்து விட்டு சாப்பிட,அம்மா எனக்கு ஊட்டிவிட,ரசித்து ரசித்து கேட்ட நிகழ்ச்சி.
அது மட்டுமன்றி,பிறகு இடைநிலைக் கல்விக்காக வேறு உயர் பாடசாலைக்கு வந்த பிறகு அங்குள்ள நூல் நிலையத்தில் கண்டேன் அந்த பொக்கிசத்தை.கதை வாசிப்பதற்கென்று கதைப்புத்தகம் தேடிக்கொண்டிருக்கையில் கையில் அகப்பட்டது- தென்கச்சி கோ.சுவாமிநாதனின் இன்று ஒரு தகவல்,பாகம்-7 - என்ற ஒரு புத்தகம்.
எனக்கு வியப்பும்,மகிழ்ச்சியும் உச்சக்கட்டத்தை அடைந்திருந்தது.பெரிய சத்தம் போட்டுக் கத்தி, என் மகிழ்ச்சியை வெளிப்படுத்தவேண்டும் போல இருந்தது.
அன்றிலிருந்து நூலகத்தில் இருந்த இன்று ஒரு தகவல் புத்தகத்தின் அனைத்து பாகங்களையும் படித்து முடித்தேன்.
குழந்தைப்பருவத்தினருக்கு மட்டுமன்றி வளர்ந்தவர்களுக்கும்கூட தேவையான எத்தனையோ விடயங்களை அழகாக கதைவடிவில் பழையகால புராண இதிகாச உதாரணங்களுடன் நகைச்சுவையும் கலந்து அளித்து அனைவரையும் கேட்கவைத்து,ரசிக்கவைத்தவர் சுவாமிநாதன் அவர்கள்.
அவரது இழப்பு தமிழ்ப்பிள்ளைகள் அனைவருக்கும் நேர்ந்த ஒரு அறிவின் இழப்பு.
இருந்தாலும் அவரது இன்று ஒரு தகவல் புத்தகங்களை வாங்கி வாசித்து பயன்பெற முடியும்.
இந்தியாவில் பல இடங்களில் நான் தேடிப்பார்த்துவிட்டேன்,இதுவரை கிடைக்கவேயில்லை.
சினிமா சார்ந்த புத்தகங்களும் ,வயதுவந்தவர்களுக்கான புத்தகங்களும் மட்டும் எங்கு வேண்டுமானாலும் வாங்க முடியும் என்ற நிலை இருக்கிறது.ஆனால் இப்படியான நல்ல நூல்களை வாங்கவே முடியவில்லை. காரணம்தான் விளங்கவில்லை.
அப்படி, நான் சில முக்கியமான தமிழ்நூல்களை தேடி அலைந்த நேரங்களில் கடைக்காரர்கள் என்னைப்பார்த்து-தமிழ் டிப்பார்ட்மெண்டில் இருந்து வர்றீங்களா?- என்று கேலியாகக் கேட்கிறார்கள்.இதற்கு என்ன பதிலை சொல்வது?
நல்ல, அறிவுசார்ந்த நூல்களையோ அல்லது இலக்கிய நூல்களையோ தேடினால் இப்படித்தான் கேட்கிறார்கள்,கேலி பேசுகிறார்கள்.ஆனாலும் நான் அதை அக்கறைப்படுத்தவே இல்லை.
எனக்கு புத்தகம்தானே தேவை.
உங்களில் யாருக்காவது தென்கச்சி கோ.சுவாமிநாதன் அவர்களின் இன்று ஒரு தகவல் புத்தகம் எங்கேயாவது கிடைத்தால் அதை அனைவருடனும் பகிர்ந்துகொள்ள வேண்டுகிறேன்.
இணையத்தில் மென் நூலாகவோ அன்றி,கடைகளிலோ கண்டால் அதற்குரிய இணைய/கடை முகவரியையும் பகிர்ந்துகொள்வீர்களென்று நம்புகிறேன்.

மகா பிரபு · மகா பிரபு Mon Jun 20, 2011 9:53 am

திருச்சிராப்பள்ளி வானொலி நிலையத்தில் தினமும் 8 மணிக்கு சுவாமிநாதன் ஐயாவின் இ.ஒ.தகவல் ஒலிபரப்பானாது. நானும் தொடர்ந்து கேட்டு வந்தேன். அவர் மறைந்தாலும் அவருடைய குரல் இன்னும் என் காதுகளில் ஒலிக்கிறது. இன்று ஒரு தகவல் புத்தகங்களை மணப்பாறை நூலகத்தில் பல முறை கண்டு படித்துள்ளேன். அந்த புத்தக பதிப்பர் முகவரியை கொண்டு அதை வாங்க முடியுமா?

**பிளேடு பக்கிரி** · 01/03/2010

நானும் கேட்டு ரசித்துள்ளேன் தென்கச்சி கோ.சுவாமிநாதனின் ஒரு ஞாபகம் 678642

NAKKEERAN · NAKKEERAN Mon Jun 20, 2011 1:59 pm

பதிப்பகம்/வெளியிட்ட நிறுவனத்தின் விபரம் தெரிந்தால் அவர்களைத் தொடர்புகொண்டு,வாங்கிக்கொள்ள முடியும் என்று நினைக்கிறேன்.
புத்தகத்தில் குறிப்பிட்ட விபரங்கள் இருக்கும்.