ஈழம் - மரணித்துப் போன மனிதம் -காட்சியும் கவிதையும்

அப்துல்லாஹ் · அப்துல்லாஹ் Sun Jun 19, 2011 3:43 pm

சிதறிய உடல்கள்
பதறிய உள்ளங்கள்
நடுங்கிய தேகம்
ஒடுங்கிய தேசம்
சத்தமிடும் ஓலம்
சகித்திடும் காலம்
அழித்திடும் முடிகொண்டு
வெடித்திடும் வெடிகுண்டு
நிலையில்லா சித்தம்
நிலமெல்லாம் ரத்தம்

ஈழம் - மரணித்துப் போன மனிதம் -காட்சியும் கவிதையும் Mullivaikkal1

ஈழம் - மரணித்துப் போன மனிதம் -காட்சியும் கவிதையும் Mullivaikkal1

மானம் மறைக்கிறது ஒரு கை
கண்ணீர் துடைக்கிறது மறு கை
துண்டாகி கிடக்கிறது ஒரு கை
துடிதுடித்து தவிக்கிறது மறு கை

மண்ணுமில்லை இழக்க ஒன்றுமில்லை
உறவுமில்லை காக்க எவருமில்லை
துக்கம் துடைக்க யாருமில்லை
உயிரை துறக்க வழியுமில்லை
புத்தனும் இங்கே புனிதமில்லை
மறந்தும் அங்கே மனிதமில்லை
ஈழம் - மரணித்துப் போன மனிதம் -காட்சியும் கவிதையும் Mullivaikkal2

ஈழம் - மரணித்துப் போன மனிதம் -காட்சியும் கவிதையும் Mullivaikkal2

காமம் கழிக்க எங்குலப் பெண்டீரா
ஐக்கிய சபையே இந்நிலை கண்டீரா
இவர்களின் நிலையாவும் சர்வநாசம்
இனியாவது களைஎடுக்குமா சர்வதேசம்

ஈழம் - மரணித்துப் போன மனிதம் -காட்சியும் கவிதையும் Mullivaikkal3

ஈழம் - மரணித்துப் போன மனிதம் -காட்சியும் கவிதையும் Mullivaikkal3

புயலென தாக்கி அழித்த குண்டுகள்
புல்லென வீழ்ந்தன மழலை செண்டுகள்
நெருப்பென தகிக்கிறது தமிழர் நெஞ்சம்
கடவுளுக்கும் கருணையில் ஏனிந்த கஞ்சம்

சொந்தத்தை இழந்து நிற்கின்றனர்
துன்பத்தை தொடர்ந்து கற்கின்றனர்
அடிமைத்தனமே அவர்கள் நிலையானது
அழுதழுது கண்ணீரே கடலலையானது

ஈழம் - மரணித்துப் போன மனிதம் -காட்சியும் கவிதையும் Mullivaikkal4

ஈழம் - மரணித்துப் போன மனிதம் -காட்சியும் கவிதையும் Mullivaikkal4

தமிழர்களும் ஆண்டாண்டு காலமாய் ஆண்டவரே
இவர்களின் துயர்துடைக்க வருவீரா ஆண்டவரே

நேற்று சேனல் 4 இல் பார்த்த வீடியோவின் விளைவு இந்த கவிதை
மனம் கனமாகிப்போன கணம் அது, இப்படி கேட்ப்பாரற்று கொன்று குவிக்கப்பட்ட தமிழர்களின் நிலையை தடுக்க முடியாத கோழையாக , கையாலாகாதவனாக இருப்பதை நினைத்து வெட்கப்படுகிறேன் வேதனைப்படுகிறேன் .

நன்றி: ஆர்27 வளைப்பதிவீல்

இந்தப் பகிர்வு நான் ரசித்த கவிதைகள் என்ற பிரிவில் வெளியிடத்தகுந்ததல்ல. நான் கண்டு மனம் பதைத்த கவிதைகள் தான் சரியாக இருக்கும் ஆனால் அந்தப் பகுதி இல்லாத காரணத்தினால் இங்கு இடம் பெறுகிறது...
உறவுகள் மன்னிக்கவும்...

**கே. பாலா** · **கே. பாலா** Sun Jun 19, 2011 4:07 pm

படங்கள் கண்டு
பாதைக்குது நெஞ்சம்
தங்கமே! தமிழினமே
குருதியில் நனைகிறாய்
மனம் துடிக்கிறது

தங்கையே
உன் அங்கம் மூட
ஆடையில்லா அவலம்
ஆறுதல் தேடும் ஆற்றாமையில் நீ
கையறு நிலையில் கவிதை எழுதி நான்!

இரத்தம் சிந்தி
வளர்த்த குழந்தையை
கழுத்தில் இரத்தம் வாழிய
கையில் வைத்திருக்கும்
அப்பாவின் கண்கள்
உலகத்தின் மீது
காறி உமிழ்கிறது"
"போங்கடா ......

முள்வேலில்
முகம் சொல்கிறது
இயற்கையின்
விதி
என்றும் மாறாது
என் தலைமுறை
தமிழினம் தனி
ஈழம் பெறாமல்
ஓயாது !

இந்த பதிவைத் துவங்கியவர் நன்றி கூறியுள்ளார் கே. பாலா

மஞ்சுபாஷிணி · மஞ்சுபாஷிணி Sun Jun 19, 2011 6:36 pm

மனம் பதைக்கவைக்கும் காட்சிகள்.... சோகம்

தனி ஈழம் பெறுவது ஒன்றே இதற்கு நிரந்தர தீர்வு கிடைக்கும்....

மகா பிரபு · மகா பிரபு Sun Jun 19, 2011 6:46 pm

உரிமை கேட்டவர்கள் ஒடுக்கப்பட்டதையும்
சாதிக்கப் பிறந்தவர்கள் சாகடிக்கப்பட்டதையும்
துணிந்து போராடியர்கள் துயர்பட்டதையும்
அழுக வழியின்றி கண்கள் வரண்டதையும்
எம்மினம் கண்ட கோரநிலையினையும்
கண்டு எம்மனம் பதைபதக்கிறது.