தலைப்பில்லை.

NAKKEERAN · NAKKEERAN Sat 18 Jun 2011 - 23:53

கவிதை எழுத ஆசைதான்.ஆனால் கவிதைக்கும் நமக்கும்தான் வெகுதூரமாச்சே. ஆனாலும் இனி இல்லையென்ற அளவுக்கு ஏதும் மனக்கஸ்டம் ஏற்படும்போது தானாக ஏதும் வரும்.ஒன்றோ ரெண்டோ மூன்றோ வரிகளாக.அதற்கெல்லாம் தலைப்புக்கொடுக்க முடியுமா? அதான் எனக்கே தலைப்பு தெரியாத அவற்றை தலைப்பற்ற வரிகளாகவே பழைய பேப்பர்களில் எழுதி வைத்துவிடுவேன்.
அப்படி தோன்றிய சிலவரிகள்தான் இவை.
நாம் நாட்டில் தலைவிரித்தாடிய அழிவின் உச்சக்கட்டங்களில் கல்வியை இழந்து,நிம்மதியை இழந்து ,வீடுவாசல் இழந்து,ஊரையும் இழந்து,உயிரைக் கையில் பிடித்துக்கொண்டு ஓடிய வேளையில் தானாக தோன்றியவை.
பெற்றோருடனும்,ஓரே ஒரு சகோதரத்துடனும் நிம்மதியாக கழிக்கவேண்டிய பிறந்தநாள் தினத்தில்,எவருமே அற்று தனிமையில் பொழுது விடிகையில் ஞாபகம் வந்தது.
இப்பொழுது ஈகரை சொந்தங்கள் வாழ்த்தியபோது மீண்டும் ஞாபகம் வந்தது.
அதான்... இங்கு பகிர்ந்துகொள்கிறேன்.

சிதைந்த மனதில்
புதைந்த நினைவுகளும்
கலைந்த கனவுகளும்
மெல்ல
மிதந்து வருகின்றன.
அவற்றை
நினைந்து அழுது
நனைந்த பாய்கூட
கிழிந்து கிடக்கிறது
என்
இதயத்தைப்போல.!

**ரா.ரமேஷ்குமார்** · 23/01/2011

தலைப்பில்லை என்றாலும் அழகான கவிதை வாழ்த்துக்கள் அண்ணா... அன்பு மலர்

மஞ்சுபாஷிணி · மஞ்சுபாஷிணி Sun 19 Jun 2011 - 1:07

எஸ்.பி.ஜெ.கேதரன் wrote:
சிதைந்த மனதில்
புதைந்த நினைவுகளும்
கலைந்த கனவுகளும்
மெல்ல
மிதந்து வருகின்றன.
அவற்றை
நினைந்து அழுது
நனைந்த பாய்கூட
கிழிந்து கிடக்கிறது
என்
இதயத்தைப்போல.!

நம்பிக்கை ஊற்றாய் நல்நட்புகள் குவிந்திருக்க
பிரிவினில் கூட அன்பும் நட்பும் அணைத்திருக்க
பிறந்தநாளாம் இந்நாளில் நட்புகள் வாழ்த்துகள் இருக்க
கனவுகளை மறக்காது துடைத்து புதுப்பிக்க
மனதை வைரமாக்கு சகோதரா
தாய்மண்ணையும் சொந்தத்தையும் காணும் நாட்கள்
வெகு தொலைவில் இல்லை...... அன்பு மலர்

இப்படி நல்ல நாளும் அதுவுமா சோகம் எதற்குப்பா?
எல்லோரும் எதுக்காகவோ தன்னை தியாகம் செய்கிறோம்
நம் குடும்பம் நலமாயிருக்க நம்மால் முடிந்த நன்மைகளை கடமைகள் என்ற பெயரால் செய்து முடிக்கிறோம்.

நேரம் கிடைக்கும்போது இங்கு வந்து நட்புடன் அன்புடன் எல்லோருடன் அளவளாவுங்கள்.... மனம் சற்றே அமைதிக்கொள்ளும்..

முரளிராஜா · முரளிராஜா Sun 19 Jun 2011 - 8:18

Sponsored content · Sponsored content

தலைப்பில்லை.

தலைப்பில்லை.

Re: தலைப்பில்லை.

Re: தலைப்பில்லை.

Re: தலைப்பில்லை.

Re: தலைப்பில்லை.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக