சாய் பாபா அறையில் குவியல் ,குவியலாக பணம்

அனந்தபூர்: புட்டபர்த்தி பிரசாந்தி ஆசிரமத்தில் உள்ள சத்ய சாய்பாபாவின் பிரத்யேக அறையான யஜூர்வேத மந்திர் மீண்டும் திறக்கப்பட்டது. அங்கு கோடி கோடியாக பணமும், பெருமளவில் நகைகளும் குவியல் குவியலாக இருந்தது தெரிய வந்தது. ஏராளமான கம்ப்யூட்டர்களும் கிடைத்துள்ளன. பணம், நகையை வங்கியில் டெபாசிட் செய்துள்ளனர்.

கடந்த மார்ச் 28-ம் தேதி பகவான் சத்யசாய் பாபா உடல்நலக்குறைவினால் மருத்துவமனையில் அனுமதிக்கப்பட்டார். பின்னர் சிகிச்சை பலனின்றி ஏப்ரல் 24 ம் தேதி இறையடி சேர்ந்தார். அப்போது அவர் வசித்து வந்த பிரத்யேக அறையான யஜூர்வேதமந்திர் பூட்டப்பட்டது.

தற்போது ஒன்றரை மாதங்களுக்குப் பிறகு மீண்டும் வியாழக்கிழமை காலை 10 மணி அளவில் பகவான் சத்யசாய்பாபா வசித்து வந்த அறை திறக்கப்பட்டது. முன்னாள் தலைமை நீதிபதியும், சத்ய சாய் டிரஸ்ட் உறுப்பினருமான பி.என். பகவதி, செயலாளர் சக்ரவர்த்தி, சாய்பாபாவின் சீடரும் பாதுகாவலருமான சத்யஜித் ஆகியோர் யஜூர்வேத மந்திரினுள் சென்றனர்.

அந்த அறையைத் திறக்கும் ரகசிய எண் சாய்பாபாவின் நெருங்கிய சீடரான சத்யஜித்துக்கு மட்டுமே தெரியும் என்பதால் அவரே அறையைத் திறந்தார்.

பின்னர் உள்ளே போனபோது ஒவ்வொரு அறையிலும் பணமும், நகைகளும் குவியல் குவியலாக இருந்தது தெரிய வந்தது. பணம் கட்டுக் கட்டாக இருந்ததாம். வைர நகைகள் பெருமளவில் இருந்தன. இவற்றின் மதிப்பு என்ன என்பது உடனடியாகத் தெரியவில்லை. ஆனால் பல கோடி அளவுக்கு இருக்கும் என்று தெரிகிறது.

அங்கிருந்த பணம், நகைகளை கணக்கெடுத்து தனித் தனியாக பிரிக்கும் பணியில் மாணவர்கள் குழுவை ஈடுபடுத்தினர். பின்னர் ஸ்டேட் பாங்க் ஆப் இந்தியா அதிகாரிகள் வரவழைக்கப்பட்டு அவர்கள் மூலம் பணத்தையும், நகைகளையும் வங்கிக்கு கொண்டு சென்று டெபாசிட் செய்தனர்.

தட்ஸ் தமிழ்

தங்கம் 98 கிலோ
வெள்ளி 307 கிலோ
பணம் 12 கோடி

source: NDTV 9.00pM news

என்ன பண்ணுவாங்கப்பா இதை? ஏழைகளுக்கு உதவினால் நல்லாருக்குமே..

மஞ்சுபாஷிணி wrote:என்ன பண்ணுவாங்கப்பா இதை? ஏழைகளுக்கு உதவினால் நல்லாருக்குமே..

நானும் இதை ஆமோதிக்கிறேன்.

Spoiler:

யாரு அப்பன் வீட்டு பணம் இது?

realvampire wrote:

Spoiler:

யாரு அப்பன் வீட்டு பணம் இது?

அரசியல்வாதிகளுடைய பணமா இருக்குமோ?

மக்களின் அறியாமையும் அரசியல்வாதிகளின் அதிகார போதையும் தான். மந்திரங்கள் தந்திரங்கள் இவை இரண்டும் பணம் கொழிக்க செய்யும் கருவிகள்.

அடேங்கப்பா!

எல்லாம் பக்தர்களின் பணம்தான் பட் அவ்வளவு "கேஷ்" ......ஆ .........ஆ அவ்வளவையும் ஒரே இடத்தில் காண கண் கோடி வேண்டும்

krishnaamma wrote:எல்லாம் பக்தர்களின் பணம்தான் பட் அவ்வளவு "கேஷ்" ......ஆ .........ஆ அவ்வளவையும் ஒரே இடத்தில் காண கண் கோடி வேண்டும்

முன்னாடி யெல்லாம் கடவுள காணதான் கண் கோடி வேண்டும் நு சொல்லுவா!

இந்த உலகில் அனைவருமே திருடர்கள்தானா? அறிவியல், கல்வி, பொருளாதரம் போன்றவற்றில் முன்னேறி வரும் நம் மக்கள் இன்னும் இதுபோன்று மடத்தனமாக ஏமாறுகிறார்களே? என்றுதான் மக்கள் விழிப்படையப் போகிறார்கள்.