சத்தமில்லாமல் ஒரு வன்முறை- மனதுக்குள் கண்ணீர் சிந்தும் மூத்தோர்கள்

First topic message reminder :


முதுமை என்பதும் மற்றுமொரு குழந்தைப் பருவம்தான் என்பதை இன்றைய இளைய தலைமுறையினர் பலரும் புரிந்து கொள்வதில்லை. இதன் காரணமாகவே இன்றைக்கு வீட்டில் இருக்கும் மூத்தவர்களை உதாசீனப்படுத்துவது அதிகரித்து வருகிறது.

சத்தமில்லாத வன்முறை

இந்தியாவில் மட்டும் 60 வயதிற்கு மேற்பட்ட மூத்த குடிமக்கள் 9 கோடி பேர் வசித்து வருகின்றனர். இவர்களின் பலரும் மகன் மற்றும் மருமகள்களால் சத்தமில்லாமல் வன்முறைக்கு ஆளாக்கப்படுவது கண்டறியப்பட்டுள்ளது.

ஹெல்ப் ஏஜ் இந்தியா என்ற நிறுவனம் சார்பில் எடுக்கப்பட்ட ஆய்வில் கடந்த மூன்று ஆண்டுகளில் மட்டும் மூத்த குடிமக்கள் மீது நிகழ்த்தப்படும் குற்றங்கள் 41 சதவிகிதம் அதிகரித்துள்ளது தெரியவந்துள்ளது.

உதாசீனத்தால் பாதிப்பு

இந்த வன்முறை சம்பவங்கள் மூத்த குடிமக்களை பெரிதும் பாதித்துள்ளதும் கண்டறியப்பட்டுள்ளது. இளைய தலைமுறையினர் செய்யும் உதாசீனம் அவர்களின் உணர்வுகளை மிகவும் புண்படுத்துவதும் தெரியவந்துள்ளது. நமக்கும் முதுமை வரும் என்பதை இன்றைய தலைமுறையினர் உணர்ந்து கொண்டு வயதானவர்களின் மீதான வன்முறைப் போக்கினை கைவிட வேண்டும்.

முன்பெல்லாம் மாமியார் கொடுமைதான் அதிகம் பேசப்படும். ஆனால் இன்றோ மருமகள்களால் அவதிப்படும், அல்லலுறும், சித்திரவதைக்குள்ளாகும் மாமியார்களின் எண்ணிக்கை அதிகமாக உள்ளதாம்.

வீட்டில் நிலவும் இப்படிப்பட்ட நிம்மதியில்லாத நிலைமை, அல்லலிருந்து தப்பிக்க விரும்புவது ஆகியவை காரணமாக உறவுகள் எல்லாம் இருந்தும் கூட முதியோர் காப்பகங்களை நாடி வரும் மூத்த குடிமக்களின் எண்ணிக்கை நாளுக்கு நாள் அதிகரித்தபடி உள்ளது. பல வீடுகளில், பிள்ளைகளே, தங்களது பெற்றோர்களை காப்பகஙக்ளுக்கு அனுப்பி வைத்து விடும் அவலங்களும் கண் கூடாகி வருகிறது.

வயது முதிர்ந்தவர்களுக்காக உதவி புரிவதற்காகவே ஹெல்ப் ஏஜ் இந்தியா என்ற நிறுவனம் கடந்த 30 ஆண்டுகளாக சேவை புரிந்து வருகிறது என்பது குறிப்பிடத்தக்கது.
நன்றி தட்ஸ் தமிழ்

dsudhanandan wrote:பல இடத்தும் ஆண், பெண் இருபாலரும் பெற்றோரை (அ) மாமனார், மாமியாரை காப்பகஙக்ளுக்கு அனுப்பி வைத்து விடுபவர்களாகவே உள்ளனர். இதில் பெரும்பாலும் (99%) படித்தவர்கள்தாம்.

நான் முதியர்களின் செயலை முற்றிலும் சரி என்பதில்லை... குறிப்பிட்ட வயதிற்கு மேல் அவர்கள் செய்யும் தவறை பொறுத்து அரவணைத்து செல்லலாம் என்பதுதான் என் கருது.. ஏனெனில் அவர்கள் ஏங்குவது அன்பிற்கு மட்டுமே...

இன்றைய அவசர உலகில் சாப்பிடவே நேரமின்றி, பணம் பணம் என்று அழையும் உலகில் யார் மீதும் பாசம் வைக்க நேரமில்லாமல்தானே இன்றைய இளைஞர்கள் உழைக்கிறார்கள்! அவர்கள் நிலையையும் சற்றுப் புரிந்து கொள்ள வேண்டும் தானே!

வெளிநாட்டில் உழைக்கும் இளைஞர்கள் ஓ கே . இங்கேயே இருக்கும் இளைஞர்கள் சிறிது நேரம் அவர்களுடன் செலவழிப்பதில் தவறில்லையே? இந்த நிலையில் "பெற்றோர் மற்றும் முதியோர் பராமரிப்பு விதி" என்ற புதிய சட்டத்தை அரசு கொண்டு வந்துள்ளது. நாம் கொடுக்கும் சிறிது அரவணைப்பு இந்த சட்டத்தையே இல்லாதாக்கி விடுமல்லவா?

dsudhanandan wrote:வெளிநாட்டில் உழைக்கும் இளைஞர்கள் ஓ கே . இங்கேயே இருக்கும் இளைஞர்கள் சிறிது நேரம் அவர்களுடன் செலவழிப்பதில் தவறில்லையே? இந்த நிலையில் "பெற்றோர் மற்றும் முதியோர் பராமரிப்பு விதி" என்ற புதிய சட்டத்தை அரசு கொண்டு வந்துள்ளது. நாம் கொடுக்கும் சிறிது அரவணைப்பு இந்த சட்டத்தையே இல்லாதாக்கி விடுமல்லவா?

எளிதாகக் கிடைப்பது, ஆனால் விலைமதிப்பே இல்லாதது அன்பு! ஆனால் இதை யாரும் பகிர்ந்து கொள்ள முன்வருவதில்லை! அன்பினால் எந்தப் பிரச்சனையையும் எளிதாகச் சமாளிக்கலாம்!

ஆனால் இன்றைய உலகில் அன்பு வேண்டுமென்றால், அதற்கு நம்மிடம் பணம் வேண்டும் என்ற நிலையாகிவிட்டதே!

வயதான காலத்தில் சிரமபடுகின்றனர் என்றால் அது அவர்கள் ஏற்கனவே நடந்து கொண்ட முறையும் ஒரு காரணமா இருக்கும்.
மருமகள் வந்த புதிதில் ஏதாச்சும் தெரியாமல் தவறு செய்தாலே
அக்கம்,பக்கம் வீடுகளில் பரப்பிவிடும் மாமியார்கள்,மாமியார்கள் சொல் கேட்டு மருமகளை தான் மகளாக பார்க்க தெரியாத மாமனார்கள்,சீர்வரிசை சரியா செய்யவில்லை என்று எதற்கெடுத்தாலும் குறை கூறிக்கொண்டு இருந்தால் மருமகள் தான் முறை வரும்போது தன் வேலையா காமிக்கதான் செய்வாள்.
இது பெரும்பான்மையான வீடுகளில் நடக்கிறது.தன்னால் முடியும்வரை மருமகளை பற்றி அக்கம்,பக்கம் வீடுகளில் புறணி
பேசும் வழக்கம் இன்னும் இருக்கிறது.மருமகள் வந்தவுடன்
தன் எதிரியாக பார்க்காமல் தன் மகளாக பார்த்தால் இந்த பிரச்சினை ஓரளவு குறையும்.

உதயசுதா wrote:வயதான காலத்தில் சிரமபடுகின்றனர் என்றால் அது அவர்கள் ஏற்கனவே நடந்து கொண்ட முறையும் ஒரு காரணமா இருக்கும்.
மருமகள் வந்த புதிதில் ஏதாச்சும் தெரியாமல் தவறு செய்தாலே
அக்கம்,பக்கம் வீடுகளில் பரப்பிவிடும் மாமியார்கள்,மாமியார்கள் சொல் கேட்டு மருமகளை தான் மகளாக பார்க்க தெரியாத மாமனார்கள்,சீர்வரிசை சரியா செய்யவில்லை என்று எதற்கெடுத்தாலும் குறை கூறிக்கொண்டு இருந்தால் மருமகள் தான் முறை வரும்போது தன் வேலையா காமிக்கதான் செய்வாள்.
இது பெரும்பான்மையான வீடுகளில் நடக்கிறது.தன்னால் முடியும்வரை மருமகளை பற்றி அக்கம்,பக்கம் வீடுகளில் புறணி
பேசும் வழக்கம் இன்னும் இருக்கிறது.மருமகள் வந்தவுடன்
தன் எதிரியாக பார்க்காமல் தன் மகளாக பார்த்தால் இந்த பிரச்சினை ஓரளவு குறையும்.

அனுபவம் பேசுது.

// வீட்டிலிருக்கும் முதியவர்கள், வீட்டிற்கு வந்திருக்கும் மருமகளுக்கும், மகனுக்கும் அரங்கேற்றும் கொடுமையை எங்கு போய் முறையிடுவது. //

மனதில் உள்ளதை சரியாக சொன்னீர்கள்.

அன்பால் எதையும் சாதிக்கலாம்..அதை இப்போதே
நாம் செயல்படுத்த வேண்டும்.அன்போடு பெற்றோரிடம் ஐந்து நிமிடம் அருகில் அமர்ந்துபேசுங்கள்..
அவர்கள் நலன் விசாரியுங்கள்..மருமகளாக இருப்பின் மாமியார் என ஒதுங்கி இருக்காமல் அவரிடம்
மகள் போல் அன்பும் பாசமும் காட்டுங்கள்....இல்லையேல்...
உனக்கும் முதுமை வரும்.. இப்போது நீ என்ன செய்தாயோ...அதையே உந்தன் சந்ததி உன்னை பின்பற்றும்...
நாளை நீயும் அவர்கள் நிலைக்கு தள்ளப்படுவாய்..அன்பு ஒன்றே அதை மாற்றும் ஆயுதம்..