அபத்தம் நிறைந்த 9வது அனைத்துலக இந்தியப் பெருவிழா 2010

**சிவா** · **சிவா** Mon Jun 13, 2011 2:18 am

9வது முறையாக அனைத்துலக இந்தியப் பெருவிழா, மலேசியா, கோலாலம்பூர் Mid Valley Exhibition Centre -ல் இம்மாதம் 8 - முதல் 12 ந்தேதி வரை நடைபெற்றது. கடந்த வருடம் நிகழ்ந்த இப்பெருவிழாவிற்கு? சென்று வந்தது முதல் மீண்டும் இங்கு வரக்கூடாது என்று உறுதியுடன் திரும்பினேன். ஆனால் இந்த வருடமாவது ஏதேனும் மாற்றங்கள் இருக்குமா எனக் கடைசி நாளான இன்று சென்று பார்த்ததில் அதே நிலைமையை மட்டுமே காண முடிந்தது.

அனைத்துலக இந்தியப் பெருவிழா என்பது பெயரளவிற்கு மட்டுமே, உள்ளே சென்றால் அதிகமான வியாபாரிகளாக சீனர்கள், பாகிஸ்தானியர்கள், தாய்லந்து நாட்டவர்கள் மற்றும் பங்களாதேஷ்காரர்கள்தான் கடைகளை நடத்துகிறார்கள். இறுதி நாளான இன்று கூட்டம் நிரம்பி வழிந்தது. தெருவோரக் கடைகளில் கூவிக் கூவி வியாபாரம் செய்வது போன்ற காட்சிகளை இங்கும் காண முடிந்தது.

இந்தியப் பெருவிழா என்பதற்கு அடையாளமாக இந்தியக்ன் கலாச்சாரத்தை பறைசாற்றும் எந்த நிகழ்ச்சியும் இங்கு நடைபெறவில்லை. இந்தப் பெயரில் பணம் சம்பாதிக்கும் கூட்டத்தைத்தான் காண முடிந்தது. ஒரு சிறீய சிவலிங்கத்தின் விலை கேட்டேன், ஒருவர் முதலில் 50 வெள்ளிகள் என்றார். அதே கடையில் இன்னொருவரிடம் கேட்டேன் 75 வெள்ளிகள் என்கிறார். முடிந்தவரை மக்களை ஏமாற்றி பொருட்களை விற்பதில்தான் அனைத்துக் கடையினரும் முனைப்புக் காட்டுகிறார்கள்.

இனிமேல் இதற்கு அனைத்துலக இந்தியப் பெருவிழா என்பதற்குப் பதிலாக இந்தியப் பொருட்களின் விற்பனை மையம் என்று பெயர் வைத்தால் பொருத்தமாக இருக்கும். ஆனால் எந்தப் பொருளும் இந்தியாவிலிருந்து வந்ததாகத் தெரியவில்லை. அனைத்துமே மலேசிய, தாய்லாந்து தயாரிப்புகளாகத்தான் தெரிந்தது.

அனைத்துலக இந்தியப் பெருவிழா எனப் பெயர் வைத்துக் கொண்டு எதற்காக மற்ற நாட்டவர்கள் வியாபாரம் செய்ய அனுமதி அளித்தார்கள் என்ற கேள்விக்கு, பணம் கிடைத்தால் எதையும் செய்யத் தாயாரானவர்கள் இந்தியர்கள் என்பதை யாரும் கூறாமலேயே அறிய முடிந்தது.

தயவு செய்து மக்கள் இதுபோன்ற அபத்தமான நிகழ்வுகளுக்கு, அவர்கள் தரும் விளம்பரங்களை நம்பிச் சென்று ஏமாற வேண்டாம். கையில் இருக்கும் பணத்தை இழப்பதுதான் மிச்சமாக இருக்கும். இங்கு விற்பனையாகும் அனைத்துப் பொருட்களும் கிள்ளானில் அனைத்து நாட்களிலும் கிடைக்கும். மேலும் விலை மலிவாகவும் இருக்கும்.

மொத்தத்தில் அனைத்துலக இந்தியப் பெருவிழா என்பது அனைத்து இந்தியர்களையும் முட்டாளாக்கும் திருவிழா!

**கே. பாலா** · **கே. பாலா** Mon Jun 13, 2011 4:29 am

வியாபாரிகளுக்கு இந்தியா ஒரு "பிராண்ட் நேம்" அவ்வளவு தான். அபத்தம் நிறைந்த 9வது அனைத்துலக இந்தியப் பெருவிழா 2010 865843

சிவசங்கர் · சிவசங்கர் Mon Jun 13, 2011 12:42 pm

உண்மைத்தான் அண்ணா..... 5 வருடங்களுக்கு முன் நானும் அவ்விழாவிற்குச் சென்றிருந்தேன்.... இதே நிலை தான் அன்றும். வெறுத்து போய் வந்தேன். என்ன கொடுமை சார் இது