புலன்களுக்கு புது `விருந்து'

தாம்பத்ய உறவு என்பது ஐம்புலன்களுக்கும் விருந்தாக அமைகிறது. உறவு நேரத்தில் கண்களைக் குளிரவைக்கும் விதமாக நிலவு வெளிச்சம் போன்ற மெல்லிய வெளிச்சம் அறையில் நிலவ வேண்டும்.



இருளும் இல்லாத, வெளிச்சமாகவும் இல்லாத இரவு விளக்குகளின் ஒளி போதும். வாசனை திரவியங்களும், நறுமணம் கமழும் மலர்களும் வேண்டும். மெல்லிய பட்டுப் போன்ற ஆடை உடலைத் தழுவி இருக்க வேண்டும். எளிதில் செரிமானம் ஆகக்கூடிய பழங்களோ, பானங்களோ சாப்பிட வேண்டும்.



காதுகளைக் குளிர்விக்கும் இனிமையான இசை வேண்டும். இப்படிப்பட்ட சூழலில் மனமொத்த தம்பதிகள் இணையும்போது தான் தாம்பத்ய உறவு முழுமை பெறுகிறது. உறவு முடிந்த பிறகு, பால் அல்லது ஜில்லென்ற தண்ணீர் பருக வேண்டும். உடலுக்கு அலுப்பு தராத வகையில், சில எளிய உடற்பயிற்சிகளை செய்து விட்டு அப்படியே தூங்கி விடலாம்.



இந்த உறவில் பரிபூரண திருப்தியும் மனநிம்மதியும் கிடைக்க வேண்டும். அதற்காக, சில டிப்ஸ்கள்... * வெயில் கொளுத்தும் கோடைகாலத்தில், இயல்பாகவே உடலின் பலம் குறைந்து இருக்கும். இந்த நேரத்தில் குறைந்தபட்சமாக 15 நாட்களுக்கு ஒருமுறை தான் உறவு கொள்ள வேண்டும்.



மழைக்காலத்தில் உடல் பலம் இயல்புக்கு அதிகமாகவே இருக்கும். இந்த நாட்களில் மூன்று நாட்களுக்கு ஒருமுறை தாம்பத்ய உறவு கொள்ளலாம்.



* பகலிலோ, கண்களைக் கூசச் செய்யும் வெளிச்சத்திலோ கண்டிப்பாக உறவு கூடாது.



அதிகாலையிலும், இருள் கவ்விய மாலைப் பொழுதிலும் கூட `அது' கூடாது. இரவு மட்டுமே அதற்கு உகந்த நேரம்.



வயிறு புடைக்க சாப்பிட்டு விட்டு அப்படியே படுக்கைக்குப் போய் விடக்கூடாது. சாப்பிட்டு இரண்டு மணி நேரத்திற்குப் பிறகு தான் அதில் எல்லாம் உங்கள் திறமையைக் காட்ட வேண்டும்.



* மாதவிடாய் காலத்திலும், கர்ப்பமாக இருக்கும் கடைசி மூன்று மாதங்களிலும், குழந்தை பிறந்த உடனேயும் கண்டிப்பாக தவிர்க்கப்பட வேண்டிய விஷயம் இது.



* ஜூரம் அல்லது ஏதாவது ஒரு நோயால் உடல் பாதிக்கப்பட்டிருக்கும்போது இதைத் தவிர்ப்பது நல்லது.



* பசி, தாகம் என ஏதாவது வேறுவிதமான இச்சைகள் மனதை சித்ரவதை செய்யும் நேரம் உறவில் ஈடுபடக்கூடாது.



* உடலோ, மனமோ ஒத்துழைக்காத போது அதைத் தவிர்க்க வேண்டும். திருப்தியும், நிம்மதியும் இல்லாமல் போனால் உறவில் நிறைவு கிடைக்காது.



* குழந்தை பெறும் எண்ணத்தோடு, தாம்பத்ய உறவு கொள்பவர்கள் ஆரோக்கியமாகவும், மனநிறைவோடும் இருக்க வேண்டும். கரு உருவாகும் போது தாயின் மனநிலை எப்படி இருக்கிறதோ, அதைப் பொறுத்தே குழந்தையின் குணங்களும் அமையும் என்கிறார்கள்.