சோகங்களை மறக்கடிக்கும் மருந்து metopirone

**சிவா** · **சிவா** Sat Jun 11, 2011 5:34 pm

கசப்பான, மோசமான நினைவுகளை மறக்கவே அனைவரும் விரும்புவார்கள். ஆனால் அது அவ்வளவு எளிதாக இருப்பதில்லை. எதை மறக்க நினைக்கிறோமா, அந்த நினைவுகள் அலைபோல அடுத்தடுத்து வந்து அலைக்கழிக்கும். இதில் இருந்து விடுபட மருந்து ஒன்றை தயாரித்துள்ளனர்ஆஸ்திரேலிய மருத்துவ விஞ்ஞானிகள். மாண்ட்ரீல் பல்கலைக்கழகத்தில் உள்ள மருத்துவ ஆய்வாளர்கள் இதுதொடர்பாக ஆய்வுகள் நடத்தி புதிய மருந்தை தயாரித்துள்ளனர்.

இந்த மருந்து ஏற்கனவே சந்தையில் உள்ள சில மருந்துகளைப்போல இருந்தாலும் அவற்றை விட அதிக சக்தி வாய்ந்தது என்கிறார்கள் ஆய்வாளர்கள். அட்ரீனல் சுரப்பியில் ஏற்படும் கோளாறுகளை சரிசெய்ய உதவும் மருந்துகளில் சில புதிய சேர்மானங்களை உருவாக்கி இதை தயாரித்துள்ளனர்.

மெட்டோபுரோனி என்ற பெயரில் தயாரித்துள்ள இந்த மருந்தை பல்வேறு வயதுள்ளவர்களிடம் கொடுத்து ஆய்வு நடத்தினார்கள். இந்த மருந்தை சாப்பிடக்கொடுத்து விட்டு அவர்களிடம் நல்ல விஷயம், கெட்ட விஷயம் இரண்டையும் தெரிவித்தார்கள். இது அப்படியே சில நாட்கள் தொடர்ந்தது. பின்னர் அவர்களிடம் சொல்லப்பட்ட விஷயங்கள் குறித்த நினைவுபடுத்துமாறு கேட்டனர். அப்போது அவர்களால் நல்ல விஷயங்களை மட்டுமே நினைவு படுத்த முடிந்தது. கெட்ட விஷயங்களை மறந்து இருந்தனர். மேலும் இவர்களுக்கு எதிர்மறை சிந்தனைகள் எதுவும் வரவில்லை.

ஆரம்ப கட்ட ஆய்வு நிலையில் இந்த மருந்து உள்ளது என்றும், தொடர்ந்து நடைபெறும் ஆய்வுகள் மூலமே இந்த மருந்தின் முழு செயல்திறனை அறிய முடியும் என்று விஞ்ஞானிகள் தெரிவித்துள்ளனர்.

பது · பது Sat Jun 11, 2011 5:39 pm

போதை மாதிரியோ

சோகங்களை மறக்கடிக்கும் மருந்து metopirone

சோகங்களை மறக்கடிக்கும் மருந்து metopirone

Re: சோகங்களை மறக்கடிக்கும் மருந்து metopirone

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக