மரங்கொத்திகள் ஏன் இன்னமும் கொத்துகின்றன ?

**rameshnaga** · **rameshnaga** Fri Jun 10, 2011 2:57 pm

First topic message reminder :

ஒரு காலத்தில் வள ..வள..வென்று
பேசிக் கொண்டிருந்தன மரங்கள்.
நீளும் பேச்சில் பூக்களை வாரி இறைத்தன
புன்னகையாய்..பூமியெங்கும்.
தனது பேச்சினூடே.. பேசத் துவங்கின ..
எல்லாவற்றையும்..
தன் வீட்டு வேலை முடிந்தவுடன்
ஊர் வம்பு பேசத் துவங்கும் ஒரு பெண்ணைப் போல..
தன்னைக் கடந்து சென்ற காற்றின் இரகசியத்தை..
வந்து தங்கிய பறவைகளின் வாழ்க்கையை..
நிழலுக்குத் தங்கியவனின் நீண்ட கதையை..
வேர் ஓடும் பாதையின் இரசியத்தை..
மரங்களின் பேச்சில்..
பூமி இரகசியமற்றதாகி விட..
கடவுளின் கரம் நீண்டு பொத்தியது
மரங்களின் வாயை..என்றாலும்--
மரங்கொத்திகள் இன்றும் விடாமல்
கொத்தித் திறக்க முயலுகின்றன..
மரங்களின் வாயை--
பூமி அறிந்த இரகசியங்களை உடைத்துவிட..

**rameshnaga** · **rameshnaga** Fri Jun 10, 2011 5:05 pm

நன்றி! கிட்சா.

மஞ்சுபாஷிணி · மஞ்சுபாஷிணி Fri Jun 10, 2011 9:08 pm

மிக அருமையான வரிகள்...

**rameshnaga** · **rameshnaga** Sat Jun 11, 2011 11:31 am

ரொம்பவும் நன்றி!மஞ்சுபாஷினி;

நியாஸ் அஷ்ரஃப் · 15/06/2010

என்ன ஒரு அழகிய சிந்தனை.. தலைப்பின் கேள்விக்கு எதிர்பார்த்திராத காரணம் பதிலாய்.. அருமையாய் இருந்தது.. தொடருங்கள்.. மரங்கொத்திகள் ஏன் இன்னமும் கொத்துகின்றன ? - Page 2 224747944