இன்று...எப்படியும் கடந்துவிடுவேன்...

**rameshnaga** · **rameshnaga** Fri Jun 10, 2011 5:50 pm

இன்றும் -
அந்தி வந்து விட்டது.
நீங்கள் அறியாத எனது
காயங்களின் ஆழத்தில்..என்னைப் போலவே..
தினமும் உடைந்து சிதறும்
நக்ஷத்திரங்களின் இருள்
ஒளிந்திருக்கலாம்..
எப்பொழுதும்..
புழுக்கமும்..வியர்வையும்..
நிறைந்திருந்த அறைக்குள்
விழித்துக் கொண்டிருந்தது எனது உறக்கம்.
காலம் காலமாய்..எங்களின் மேல்
படர்ந்தேறிய விஷத்தினூடே --
அசைந்து செல்கிறது -எனது கனவுப் புழுக்கைகள்.
கையறு நிலையில் நான்.
எனது காற்றின் நீளம்.. இன்னும் கொஞ்சம் தூரம்தான்..
ஊதி விட்டுப் போய் விடுவேன்.