ம்மா..ம்மா வாம்மா...

அப்துல்லாஹ் · அப்துல்லாஹ் Wed 8 Jun 2011 - 17:28

First topic message reminder :

ம்மா..ம்மா வாம்மா... - Page 2 Motherhoodbluemom2

உறவறியா உயிர்த்துளியாய் உறைந்திருந்தேன் உன்னுள்
வீரியம் எதும்ன்றி வெற்றிடக் காற்றைப்போல
அங்கங்கள் முளைத்திடா அஃறிணை சதைப்பிண்டம்
என்புடன் சதையும் சேர்ந்து என்னை வடித்திட
உருக்கினாய் உன்னையே உடலம் எடுத்தேன் நான்
இருள் சூழ்ந்த கருக்குகையில் விழி என்பது ஒரு தழும்பு
உருண்டு புரண்டு முதுகு கொண்டு முட்டும்போது
அகல்விளக்கொளி போல ஆதுரமாய் உன் தடவல்
அம்மா ஆ... உள்ளங்கை ஸ்பரிசம்...
சிலிர்ப்பில் சிதறிய வண்ணங்கள் ம்மா..ம்மா..
மெல்லமாய் மவ்வொலித்தேன் நானறியாமலே
உயிர்க்குகையில் கழித்திட்ட மணித்துளிகள் ஒவ்வொன்றும்
உன்னதமானதம்மா உன்னருகில் உனக்குள்ளே....
அழையாமல் இன்று மண்ணறை நுழைந்து விட்டாய்
விழி உண்டெனக்கு இப்பொழுது அது அழுது வடித்த நீர்த்தழும்பாய்...[b]

முரளிராஜா · முரளிராஜா Wed 8 Jun 2011 - 19:26

நெகிழ வைத்த கவிதை சூப்பருங்க

செய்தாலி · செய்தாலி Wed 8 Jun 2011 - 19:47

ஒரு தாய் அவள்
கவிதை குழந்தையை ஈன்றேடுகிறாள்
அந்த கவிதையோ தாய்மையின் பெருமையை
தாய்க் காவியமாக உலகிற்கு அறிமுகம் செய்கறது

தாய்மையின் உன்னதம் உணர்த்தும் தாய்க்கவிதையின் கவிதை
வரிகள் தீட்டிய பிள்ளை கவிதைக்கு என் பாராட்டுக்கள் வாழ்த்துக்கள்

அப்துல்லாஹ் · அப்துல்லாஹ் Wed 8 Jun 2011 - 19:59

செய்தாலி wrote:ஒரு தாய் அவள்
கவிதை குழந்தையை ஈன்றேடுகிறாள்
அந்த கவிதையோ தாய்மையின் பெருமையை
தாய்க் காவியமாக உலகிற்கு அறிமுகம் செய்கறது

தாய்மையின் உன்னதம் உணர்த்தும் தாய்க்கவிதையின் கவிதை
வரிகள் தீட்டிய பிள்ளை கவிதைக்கு என் பாராட்டுக்கள் வாழ்த்துக்கள்

கவிஞரின் பெருந்தன்மைக்கு பெரிதும் மகிழ்கிறேன்..
அனைவருக்கும் எனது உளமார்ந்த நன்றி