விஸ்கி பிராந்தி ஆல்கஹால் அளவு என்ன? 1 மதிப்பெண் வினா !

அப்துல்லாஹ் · அப்துல்லாஹ் Wed Jun 08, 2011 11:31 am

தமிழ்நாடு அரசுத் தேர்வாணையம் (டி.என்.பி.எஸ்.சி.) சார்பில் நடத்தப்படும் குரூப்-1 தேர்வில் கேட்கப்பட்ட பிராந்தி – விஸ்கியில் ஆல்கஹால் அளவு எவ்வளவு? உள்ளிட்ட சில கேள்விகளால் தேர்வு எழுதியவர்கள் அதிர்ச்சியும், ஆச்சர்யமும் அடைந்துள்ளனர்.

டி.என்.பி.எஸ்.சி. சார்பில் துணை ஆட்சியர், போலீஸ் டி.எஸ்.பி., டி.ஆர்.ஓ. உள்ளிட்ட பல்வேறு பணியிடங்களுக்கு குரூப்-1 தேர்வு நடத்தப்படுகிறது. 2011-ம் ஆண்டு தேர்வுக்கான அறிவிப்பு கடந்த டிசம்பரில் வெளியிடப்பட்டது.

இந்தத் தேர்வில் பங்கேற்க தமிழகம் முழுவதுமிருந்து 2 லட்சம் பேர் விண்ணப்பித்திருந்தனர். இதில் தகுதியுடையவர்களுக்கு தேர்வு அனுமதிச் சீட்டு அனுப்பப்பட்டது.

தமிழகம் முழுவதும் ஞாயிற்றுக்கிழமை நடைபெற்ற முதல் நிலைத் தேர்வில் பெண்கள் உள்பட 1.35லட்சம் பேர் பங்கேற்றனர். இந்தத் தேர்வில் எளிதான கேள்விகளே கேட்கப்பட்டதாகவும், பெரும்பாலான கேள்விகள் 6-ம் வகுப்பு முதல் 10-ம் வகுப்பு வரை உள்ள பாட புத்தகங்களிலிருந்து கேட்கப்பட்டிருந்ததாகவும் தேர்வு எழுதியவர்கள் கூறினர்.

இந்த நிலையில் தேர்வில் “”பிராந்தி – விஸ்கியில் ஆல்கஹால் அளவு எவ்வளவு? ஓரினச் சேர்க்கைக்கு தில்லி உயர் நீதிமன்றம் அங்கீகாரம் அளித்த ஆண்டு எது?” உள்ளிட்ட கேள்விகள் தங்களை அதிர்ச்சி அடைய வைத்ததாக தேர்வு எழுதிய பலர் கூறினர்.

இதுகுறித்து சென்னை மையம் ஒன்றில் தேர்வு எழுதிய ரமேஷ், கனகராஜ் ஆகியோர் கூறியது:

தேர்வில் இதுபோன்ற கேள்விகளைக் கேட்பது, மதுபானங்களை வாங்கிப் பார்க்க வேண்டும் என்ற எண்ணத்தை தூண்டுவது போல் அமைந்துள்ளது. இதுபோன்ற தூண்டல்களால் ஒரு சிலர் மதுப் பழக்கத்துக்கு அடிமையாகிவிடவும் வாய்ப்பு உள்ளது.

இதுபோல் ஓரினச்சேர்க்கை குறித்த கேள்வி, ஓரினச்சேர்க்கைக்கு தில்லி உயர் நீதிமன்றம் அங்கீகாரம் அளித்துள்ளதை பிரகடனப்படுத்துவதைப் போலவும், அதுகுறித்து அறிய வேண்டும் என்ற எண்ணத்தைத் தூண்டுவது போலவும் அமைந்துள்ளது என்றனர்.

பொது அறிவுக்கான விஷயங்கள் எவ்வளவோ இருக்கும் நிலையில், இளைஞர்கள் மற்றும் இளம்பெண்கள் மனதில் தவறான எண்ணங்களைத் தூண்டும் வகையிலான கேள்விகளைக் கேட்பதை தமிழ்நாடு அரசுத் தேர்வாணையம் தவிர்க்கவேண்டும் என கல்வியாளர்கள் கருத்து தெரிவித்தனர்.

மின்னஞ்சல் மூலம் பெற்ற தகவல்

**அருண்** · **அருண்** Wed Jun 08, 2011 11:35 am

உங்களுக்கு வேற கேள்வியே கிடைக்கலயா! என்ன கொடுமை சார் இது

இந்த பதிவைத் துவங்கியவர் நன்றி கூறியுள்ளார் அருண்

மகா பிரபு · மகா பிரபு Wed Jun 08, 2011 11:50 am

யாரோ போதையில கேள்வி ரெடி பண்ணி இருக்கிறார்கள்.

ANTHAPPAARVAI · ANTHAPPAARVAI Wed Jun 08, 2011 11:59 am

இதில் ஒன்றும் தவறு இருப்பதாக தெரிய வில்லையே...

விஸ்கியில் எவ்வளவு போதை இருக்கிறது என்று கேட்டால் தான் தவறு. ஆல்கஹால் என்றால் அவ்வளவு தவறானதா?

ஆல்கஹாலைப் பற்றித் தெரிந்தால் இந்தக் கேள்வி சரியானதே என்பது புரியும்.

**ரா.ரமேஷ்குமார்** · 23/01/2011

ANTHAPPAARVAI wrote:
இதில் ஒன்றும் தவறு இருப்பதாக தெரிய வில்லையே...

விஸ்கியில் எவ்வளவு போதை இருக்கிறது என்று கேட்டால் தான் தவறு. ஆல்கஹால் என்றால் அவ்வளவு தவறானதா?

ஆல்கஹாலைப் பற்றித் தெரிந்தால் இந்தக் கேள்வி சரியானதே என்பது புரியும்.

ஆமாம் அண்ணா... ஆமோதித்தல்

இந்த தேர்வுக்கு செல்லும் சிலர் இரண்டு வாரங்களுக்கு முன் அதற்கேன இருக்கும் புத்தகங்கள் மற்றும் சில தினசரி நாளிதழ்களை மட்டும் படித்து விட்டு செல்வார்கள் அங்கு வினாக்கள் அவர்கள் எதிர்பார்த்தது போல் இல்லை என்றால் இப்படி தான் கூறுவார்கள்...
ஏன் இதும் வினாக்கள் தானே களவும் கற்று மற என்று சொல்லியிருக்கிறார்கள் ஆல்கஹாலை அறுந்தி இருக்கிறீர்களா இல்லையா என்று கேட்டால் தான் தவறு அளவை கேட்பதில் தவறு இல்லை என்று கருதுகிறேன்...
சாக்கு போக்கு சொல்லும் இவர்கள் நாளை பதவிக்கு வந்தால் என்ன கொடுமை சார் இது

இப்படி தான் நாம் முட்டிக் கொள்ள வேண்டும்...

பாலாஜி · பாலாஜி Wed Jun 08, 2011 11:16 pm

குரூப்-1 தேர்வு வெற்றி பெற்று பின்னாளில் டாஸ்மாக் -கில் வேலை
பார்க்க வேண்டிய நிலை ஏற்பட்டால் என்னசெய்வது .. அதனால்தான் அவர்கள்
ஆல்கஹால் பற்றிய விழிப்புணர்வு வேண்டும் என்ற நல்ல எண்ணத்தில் இந்த கேள்வியை வைத்துயிருக்கலாம்...